Viral video: ಬಸ್ ಪ್ರಯಾಣ ಉಚಿತ : ‘ನಾನ್ ರೊಕ್ಕ ಕೊಡಂಗಿಲ್ಲ ಕಂಡಕ್ಟ್ರೇ.. ಬೇಕಾದ್ರೆ ಬಸ್​ನಿಂದ ಇಳ್ಸು!! ವೈರಲ್ ಆಯ್ತು ಘಾಟಿ ಮುದುಕಿಯ ಘಾಟ್ ಘಾಟ್ ಮಾತುಗಳು!

Elderly women viral video: ರಾಜ್ಯಾದ್ಯಂತ ಕಾಂಗ್ರೆಸ್ ಗ್ಯಾರಂಟಿಗಳು(Congress Guaranty) ಭಾರೀ ಸದ್ಧು ಮಾಡುತ್ತಿವೆ. ಅದೂ ಕೂಡ ನೂತನವಾಗಿ ಕಾಂಗ್ರೆಸ್ ಸರ್ಕಾರ ರಚನೆಯಾದಮೇಲಂತೂ ತುಸು ಹೆಚ್ಚೆಂದೇ ಹೇಳಬಹುದು. ಇತ್ತೀಚೆಗೆ 200 ಯುನಿಟ್ ಉಚಿತ ವಿದ್ಯುತ್ ಗ್ಯಾರಂಟಿ (Free electricity guarantee) ಹಿನ್ನೆಲೆ ಬಿಲ್ ಕಟ್ಟಲು ಜನರು ನಿರಾಕರಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿತ್ತು. ಆದರೀಗ ಬಸ್ ನಲ್ಲಿ ದುಡ್ಡುಕೊಟ್ಟು ಟಿಕೆಟ್ ಪಡೆಯಲು ಅಜ್ಜಿಯೊಬ್ಬರು ಕಂಡಕ್ಟರ್(Conductor) ಬಳಿ ಕಿರಿಕ್ ಮಾಡುತ್ತಿರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾಗಳಲ್ಲಿ ಭಾರೀ ವೈರಲ್ (Elderly women viral video) ಆಗ್ತಿದೆ.

Sponsored

ಹೌದು, ಚುನಾವಣಾ ಪೂರ್ವದಲ್ಲಿ(Before election) ಕಾಂಗ್ರೆಸ್ ಐದು ಗ್ಯಾರಂಟಿಗಳನ್ನು ನೀಡಿತ್ತು. ಈ ಪೈಕಿ ಮಹಿಳೆಯರಿಗೆ ಸರ್ಕಾರಿ ಬಸ್​ಗಳಲ್ಲಿ ಉಚಿತ ಪ್ರಯಾಣವೂ (Free travel for women) ಒಂದು. ನಮ್ಮ ಸರ್ಕಾರ ಬಂದ ನಂತರ ಮಹಿಳೆಯರು ಬಸ್​ನಲ್ಲಿ ಉಚಿತವಾಗಿ ಪ್ರಯಾಣಿಸಬಹುದು ಎಂದು ಹೇಳಿದ ಹಿನ್ನೆಲೆ ಇದೀಗ ವೃದ್ಧೆಯೊಬ್ಬರು ಸರ್ಕಾರಿ ಬಸ್​ನಲ್ಲಿ ಟಿಕೆಟ್​ಗೆ ಹಣ ಕೊಡಲ್ಲ ಎಂದು ಕಿರಿಕ್ ಮಾಡಿಕೊಂಡಿದ್ದಾರೆ.

ಅಂದಹಾಗೆ ಸಿಂಧನೂರಿ(Sindhanur)ಗೆ ಹೋಗುವ ಬಸ್ಸಿನಲ್ಲಿ ನಡೆದ ಘಟನೆಯ ವಿಡಿಯೋ ಇದಾಗಿದ್ದು, ವೈರಲ್ ಆದ ವಿಡಿಯೋದಲ್ಲಿ, ಸರ್ಕಾರಿ ಬಸ್​ನಲ್ಲಿ ವಿಂಡೋ ಪಕ್ಕ ಕುಳಿತಿದ್ದ ಜ್ಜಿಯೊಬ್ಬರಿಗೆ ಕಂಡಕ್ಟರ್  ಟಿಕೆಟ್ ತೆಗೆದುಕೊಳ್ಳುವಂತೆ ಕೇಳಿಕೊಂಡಿದ್ದಾರೆ. ಆದರೆ ಇದನ್ನು ಆಕೆ ನಿರಾಕರಿಸಿದ್ದಾರೆ. ಒಂದು ಕಡೆಯಲ್ಲಿ ಕಂಡೆಕ್ಟರ್, ನಮಗೆ ಆದೇಶ ಬಂದಿಲ್ಲ, ಆದೇಶ ಬಂದನ ನಂತರ ಉಚಿತವಾಗಿ ಪ್ರಯಾಣಿಸಿ, ಈಗ ಟಿಕೆಟ್ ತೆಗೆದುಕೊಳ್ಳಿ ಎಂದು ಹೇಳುತ್ತಿದ್ದರೆ, ಇದನ್ನು ನಿರಾಕರಿಸಿದ ವೃದ್ಧೆ ತಾನು ಯಾವುದೇ ಕಾರಣಕ್ಕೂ ಟಿಕೆಟ್(Ticket) ತೆಗೆದುಕೊಳ್ಳುವುದಿಲ್ಲ ಎಂದು ಹೇಳುವುದನ್ನು ಕಾಣಬಹುದು.

ಅದರೂ ಕೂಡ ಅಜ್ಜಿ “ನಾನ್ ರೊಕ್ಕ ಕೊಡಂಗಿಲ್ಲ ಅಂದ್ರೆ ಕೊಡಂಗಿಲ್ಲ. ಆದೇಶ ಮಾಡ್ಯಾರಂತ ನಮಗೆಲ್ಲ ಹೇಳ್ಯಾರ. ಮಸ್ಕಿ ಶಾಸಕ ತುರುವಿಹಾಳ ಬಸನಗೌಡ(Turuvihala basanagowda) ಟಿಕೆಟ್ ಗೆ ರೊಕ್ಕ ಕೊಡಬ್ಯಾಡ ಅಂದಾನ. ಟಿಕೆಟ್ ಕೊಡಲ್ಲ ಬೇಕಾದರೆ ಬಸ್​ನಿಂದ ಇಳಿಸು. ನಾನ್ ಗೆದ್ದವನ ಕೇಳ್ತಿನಿ. ನೀ ಫ್ರೀ ಅಂದ್ರಿ. ಬಸ್​ನಲ್ಲಿ ನಡುವೆ ಇಳಿಸಿದ್ರೆ, ನಾವು ಏನ್ ಅಡವಿ ಹೆಣ ಆಗಬೇಕಾ ಅಂತ ಕೇಳ್ತಿನಿ. ಬಿಲ್ ಇಲ್ಲ, ಬಸ್​ಗೆ ರೊಕ್ಕ ಇಲ್ಲ ಅಂದ್ರು, ಅದ್ಕ್ ವೋಟ್ ಹಾಕಿದ್ದೀನಿ” ಅಂತ ಅಜ್ಜಿ ನೇರಾನೇರವಾಗಿ ನಿರ್ವಾಹಕನಿಗೆ ಹೇಳಿದ್ದಾರೆ.

ಆದರೂ ಕಂಡಕ್ಟರ್ ಬಿಡಲಿಲ್ಲ. ಕೊನೆಗೂ ಅಜ್ಜಿಯ ಮನವೊಲಿಸಿದ್ದಾರೆ. ಆದರೆ ಘಾಟಿ ಮುದುಕಿಯ ಮನವೊಲಿಸಲು ನಿರ್ವಾಹಕ ಹೈರಾಣಾಗಿದ್ದಾರೆ. ಆದೇಶ ಬಂದಿಲ್ಲ ಬಂದ ನಂತರ ಉಚಿತವಾಗಿ ಪ್ರಯಾಣಿಸುವಂತೆ ಸಾರಿಸಾರಿ ಹೇಳಿದ ನಂತರ ಅಜ್ಜಿ ಕೊನೆಗೆ ಹಣಕೊಟ್ಟು ಟಿಕೆಟ್ ಪಡೆದು ಪ್ರಯಾಣಿಸಿದ್ದಾರೆ. ಸದ್ಯ ಮಹಿಳೆ ನಿರ್ವಾಹಕ ನಡುವಿನ ಸಂಭಾಷಣೆ ವಿಡಿಯೋ ವೈರಲ್ ಆಗುತ್ತಿದೆ.

https://fb.watch/kIIOcbr4pY/?mibextid=Nif5oz

ಇದನ್ನೂ ಓದಿ: A juvenile love affair : ತುಮಕೂರಿನ 4 ಮಕ್ಕಳ ನಾಪತ್ತೆ ಪ್ರಕರಣಕ್ಕೆ ರೋಚಕ ಟ್ವಿಸ್ಟ್! ಇದು ಅಪ್ರಾಪ್ತ ಮಕ್ಕಳ ಪ್ರೇಮ್ ಕಹಾನಿ! ಮೀಸೆಯೇ ಬರದ ಇವರ ಪ್ಲಾನ್ ಕೇಳಿದ್ರೆ ನೀವೇ ಶಾಕ್ ಆಗ್ತೀರಾ!