ಮೈಸೂರಿನ ಸರ್ಕಾರಿ ಶಾಲೆಯನ್ನ ಸ್ವಂತ ₹32 ಲಕ್ಷದಲ್ಲಿ ಹೈಟೆಕ್ ಮಾಡಿದ ಯುವತಿ
ಇಂದು ಸರ್ಕಾರಿ ಶಾಲೆ ಎಂದರೆ ಮೂಗು ಮುರಿಯುವವರೇ ಹೆಚ್ಚು. ಇದರ ನಡುವೆ ರಮ್ಯಾ ಜಗತ್ ಎಂಬ ಮಹಿಳೆಯೊಬ್ಬರು ತಮ್ಮ ಸ್ವಂತ 32 ಲಕ್ಷ ರೂಪಾಯಿಯಲ್ಲಿ ಮೈಸೂರಿನ ಕೋಟೆಹುಂಡಿ ಸರ್ಕಾರಿ ಶಾಲೆಯನ್ನು ಖಾಸಗಿ ಶಾಲೆಗಳಿಗಿಂತಲೂ ಹೈಟೆಕ್ ಆಗಿ ರೂಪಿಸಿದ್ದಾರೆ. ರಮ್ಯಾ ಅವರ ಈ ಸಾಧನೆಗೆ ಇದೀಗ ರಾಜ್ಯಾದ್ಯಂತ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
Sponsoredಹೌದು, ಮೈಸೂರು ತಾಲ್ಲೂಕಿನ ಕೋಟೆಹುಂಡಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಕೇವಲ 13 ವಿದ್ಯಾರ್ಥಿಗಳಿದ್ದು, ಈ ಶಾಲೆಯನ್ನು ಸರ್ಕಾರ ಮುಚ್ಚುವ ಹಂತಕ್ಕೆ ತಂದಿತ್ತು. ಆದರೆ, ಈ ಸರ್ಕಾರಿ ಶಾಲೆಯನ್ನು ದತ್ತು ಪಡೆದ ಮಹಿಳೆ ರಮ್ಯಾ ಜಗತ್ ಎನ್ನುವವರು ಬರೋಬ್ಬರಿ 32 ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಿ ಈಗ ಹೈಟೆಕ್ ಶಾಲೆ ಮಾಡಿದ್ದಾರೆ
ಇವರು ಕೋಟೆಹುಂಡಿ ಸರ್ಕಾರಿ ಶಾಲೆಗೆ ಭೇಟಿ ನೀಡಿ, ಎಸ್ಡಿಎಂಸಿ ಸದಸ್ಯರೊಂದಿಗೆ ಚರ್ಚೆ ಮಾಡಿ ಶಾಲೆಯನ್ನು ಅಭಿವೃದ್ಧಿ ಮಾಡುವುದಕ್ಕೆ ದತ್ತು ತೆಗೆದುಕೊಂಡಿದ್ದಾರೆ. ನಂತರ, ಒಂದೊಂದೇ ಅಭಿವೃದ್ಧಿ ಕಾರ್ಯಗಳನ್ನು ಆರಂಭಿಸಿದ ರಮ್ಯಾ ಅವರು, ಶಾಲೆಯ ಮುಂದೆ ಆಕರ್ಷಣೀಯವಾಗಿ ದೊಡ್ಡ ಸ್ವಾಗತ ಕಮಾನು ಮಾಡಿಸಿದ್ದಾರೆ. ಹೊರ ಗ್ರಂಥಾಲಯ, ಉದ್ಯಾನವನ, ಕೈ ತೋಟ, ಸರಸ್ವತಿ ವಿಗ್ರಹ ಇಟ್ಟು ಜಲ ಕಾರಂಜಿ, 90 ಅಡಿಯ ಎತ್ತರದ ಮಂಟಪ, ದೊಡ್ಡ ಸಭಾಂಗಣ, ಕಂಪ್ಯೂಟರ್ ಲ್ಯಾಬ್, ಶೌಚಾಲಯ ಮಾಡಿದ್ದಾರೆ.
ಇಷ್ಟೇ ಅಲ್ಲದೆ ಮಕ್ಕಳಿಗಾಗಿ ಮಕ್ಕಳಿಗೆ ಉಚಿತ ಸಮವಸ್ತ್ರ ಕೊಟ್ಟಿದ್ದಾರೆ. ಖಾಸಗಿ ಶಾಲೆಯ ವಿದ್ಯಾರ್ಥಿಗಳಿಗೆ ಸೆಡ್ಡು ಹೊಡೆಯುವಂತೆ ಸೂಟು, ಬ್ಲೇಜರ್ ಹಾಗೂ ಬೂಟುಗಳನ್ನು ಕೊಡಿಸಿದ್ದಾರೆ. ಇದರ ಜೊತೆ ಯೋಗ, ಸ್ಪೋಕನ್ ಇಂಗ್ಲಿಷ್, ಕರಾಟೆ, ಡ್ಯಾನ್ಸ್, ಚಿತ್ರಕಲಾ ಶಿಕ್ಷಕರನ್ನು ಸ್ವಂತ ಖರ್ಚಿನಿಂದ ನೇಮಿಸಿದ್ದಾರೆ. ಇವರ ಈ ಕಾರ್ಯಕ್ಕೆ ಅವರ ಕುಟುಂಬ, ಶಿಕ್ಷಣ ಇಲಾಖೆ, ಶಾಲೆಯ ಶಿಕ್ಷಕರು, ಗ್ರಾಮಸ್ಥರು ಎಲ್ಲರೂ ಸಹಕರಿಸಿದ್ದಾರೆ. ಅಲ್ಲದೆ ತಮ್ಮ ನಾಲ್ಕನೇ ತರಗತಿ ಓದುವ ಮಗನನ್ನು ರಮ್ಯಾ ಇದೇ ಶಾಲೆಗೆ ಸೇರಿಸಿದ್ದಾರೆ.
ಯಾರು ಈ ರಮ್ಯಾ ಜಗತ್?
ಶಾಲೆಯನ್ನು ಅಭಿವೃದ್ಧಿ ಮಾಡಿದ ಮಹಿಳೆ ರಮ್ಯಾ ಜಗತ್ ಅವರು, ಕೋಟೆಹುಂಡಿ ಗ್ರಾಮದ ಪಕ್ಕದಲ್ಲಿರುವ ಪರಸಯ್ಯನಹುಂಡಿ ಗ್ರಾಮದವರು. ಇವರು ಇಂಜಿನಿಯರಿಂಗ್ ವಿದ್ಯಾಭ್ಯಾಸ ಮಾಡಿದ್ದಾರೆ. ಇವರು ಸಮಾಜಿಕ ಸೇವಾ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಕೆಲವು ದಿನ ಸ್ಥಳೀಯ ಮಾಧ್ಯಮಗಳಲ್ಲಿಯೂ ಕೆಲಸ ಮಾಡಿದ ಅನುಭವವಿದೆ. ಈಗ ತಮ್ಮದೇ ಒಂದು ಕಂಪನಿ ಸಹ ಮಾಡಿದ್ದಾರೆ. ಇತ್ತೀಚೆಗೆ ಯ್ಯೂಟೂಬ್, ಇನ್ಸ್ಟಾಗ್ರಾಂ ಸೇರಿದಂತೆ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಇವರ ಗಂಡ ನಂದೀಶ್ ಎಂ. ಅವರು ಸರ್ಕಾರದ ಚೈಲ್ಡ್ ವೆಲ್ಫೇರ್ ಕಮಿಟಿ ಅಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ.
ಶಾಲೆಯನ್ನು ಅಭಿವೃದ್ಧಿ ಮಾಡಿದ ಮಹಿಳೆ ರಮ್ಯಾ ಜಗತ್ ಅವರು, ಕೋಟೆಹುಂಡಿ ಗ್ರಾಮದ ಪಕ್ಕದಲ್ಲಿರುವ ಪರಸಯ್ಯನಹುಂಡಿ ಗ್ರಾಮದವರು. ಇವರು ಇಂಜಿನಿಯರಿಂಗ್ ವಿದ್ಯಾಭ್ಯಾಸ ಮಾಡಿದ್ದಾರೆ. ಇವರು ಸಮಾಜಿಕ ಸೇವಾ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಕೆಲವು ದಿನ ಸ್ಥಳೀಯ ಮಾಧ್ಯಮಗಳಲ್ಲಿಯೂ ಕೆಲಸ ಮಾಡಿದ ಅನುಭವವಿದೆ. ಈಗ ತಮ್ಮದೇ ಒಂದು ಕಂಪನಿ ಸಹ ಮಾಡಿದ್ದಾರೆ. ಇತ್ತೀಚೆಗೆ ಯ್ಯೂಟೂಬ್, ಇನ್ಸ್ಟಾಗ್ರಾಂ ಸೇರಿದಂತೆ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಇವರ ಗಂಡ ನಂದೀಶ್ ಎಂ. ಅವರು ಸರ್ಕಾರದ ಚೈಲ್ಡ್ ವೆಲ್ಫೇರ್ ಕಮಿಟಿ ಅಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ.




