ಸೋಮವಾರ, 16 ನವೆಂಬರ್ 2026
Trending

Udupi: ಸಮುದ್ರದಲ್ಲಿ ಗುಂಪಾಗಿ ಮೀನುಗಾರಿಕೆ ಮಾಡಿ- ಮೀನುಗಾರಿಕೆ ಇಲಾಖೆ

Udupi: ಮೀನುಗಾರರು ಸಮುದ್ರದಲ್ಲಿ ಜಾಗರೂಕರಾಗಿರಬೇಕು ಹಾಗೂ ಎರಡು ಮೂರು ದೋಣಿಗಳ ಗುಂಪುಗಳಲ್ಲಿ ಮೀನುಗಾರಿಕೆ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಸೂಚನೆ ನೀಡಲಾಗಿದೆ.

Advertisement
Advertisement

Udupi: ಮೀನುಗಾರರು ಸಮುದ್ರದಲ್ಲಿ ಜಾಗರೂಕರಾಗಿರಬೇಕು ಹಾಗೂ ಎರಡು ಮೂರು ದೋಣಿಗಳ ಗುಂಪುಗಳಲ್ಲಿ ಮೀನುಗಾರಿಕೆ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಸೂಚನೆ ನೀಡಲಾಗಿದೆ. ಸುರಕ್ಷತೆ ಹಾಗೂ ಭದ್ರತೆಯ ದೃಷ್ಟಿಯಿಂದ ಈ ಕ್ರಮ ಕೈಗೊಳ್ಳಲಾಗಿದೆ.

Sponsored

ಯಾವುದೇ ಅನುಮಾನಾಸ್ಪದ ದೋಣಿಗಳು, ಅಪರಿಚಿತ ವ್ಯಕ್ತಿಗಳ ಚಲನವಲನಗಳ ಮೇಲೆ ನಿಗಾ ಇಡಬೇಕೆಂದು ಮೀನುಗಾರಿಕಾ ಇಲಾಖೆಯ ಜಂಟಿ ನಿರ್ದೇಶಕ ವಿವೇಕ್‌ ಆರ್.‌ ಮೀನುಗಾರರಿಗೆ ಸೂಚನೆ ನೀಡಿದ್ದಾರೆ. ಮರಳು ದಂಡೆಗಳು, ಅಥವಾ ಮಧ್ಯ ಸಮುದ್ರ ದ್ವೀಪಗಳಲ್ಲಿ ಜನರು ಕಂಡು ಬಂದರೆ ಮೀನುಗಾರರು ವರದಿ ಮಾಡಬೇಕು ಎಂದು ಇಲಾಖೆ ಹೇಳಿದೆ.

Advertisement
Advertisement

ಲಂಗರು ಹಾಕುವಾಗ ಮೀನುಗಾರರು ತಮ್ಮ ನ್ಯಾವಿಗೇಷನ್‌ ದೀಪಗಳನ್ನು ಆನ್‌ ಮಾಡಬೇಕು. ಕರಾವಳಿ ಭದ್ರತಾ ಪಡೆಗಳ ತಪಾಸಣೆಯ ಸಂದರ್ಭದಲ್ಲಿ ಎಲ್ಲಾ ಮೀನುಗಾರರು ಸಂಪೂರ್ಣ ಸಹಕಾರ ನೀಡಬೇಕು. ಯಾವುದೇ ಅನುಮಾನಾಸ್ಪದ ಅಥವಾ ಅನಿಶ್ಚಿತ ಸಂದರ್ಭಗಳಲ್ಲಿ ಮೀನುಗಾರರು ಸಮುದ್ರಕ್ಕೆ ಇಳಿಯುವುದನ್ನು ತಪ್ಪಿಸಬೇಕೆಂದು ಇಲಾಖೆ ಶಿಫಾರಸು ಮಾಡಿದೆ.

Advertisement

ಮೀನುಗಾರರು ಕ್ಯೂಆರ್‌ ಕೋಡೆಡ್‌ ಪರವಾನಗಿಗಳು, ಆಧಾರ್‌ ಕಾರ್ಡ್‌ಗಳು, ನೋಂದಣಿ ಪ್ರಮಾಣ ಪತ್ರಗಳು, ಮೀನುಗಾರಿಕೆ ಪರವಾನಗಿಗಳು ಹಾಗೂ ಇತರ ಅಗತ್ಯ ದಾಖಲೆಗಳನ್ನು ಕೊಂಡೊಯ್ಯಲು ಸೂಚನೆ ನೀಡಲಾಗಿದೆ.

Advertisement
Advertisement