ಸುಮಾರು 18,000 ಲೀಟರ್ (18 ಟನ್) ಬಿಯರ್ ತುಂಬಿದ್ದ ಲಾರಿಯನ್ನು ಕಿಲಾಡಿ ಕಳ್ಳನೊಬ್ಬ ಚಾಲಕನ ಸೋಗಿನಲ್ಲಿ ಬಂದು ಎಗರಿಸಿದ್ದು, ಇದನ್ನು ಮರಳಿ ಪಡೆಯುವುದಕ್ಕಾಗಿ ಕಂಪೆನಿಯು ದೊಡ್ಡ ಮಟ್ಟದ ಬಹುಮಾನವನ್ನು ಘೋಷಣೆ ಮಾಡಿದೆ.
ಅಮೆರಿಕಾದಲ್ಲಿ ಈ ಘಟನೆ ನಡೆದಿದೆ ‘ಪಾಬ್ಸ್ಟ್ ಬ್ಲೂ ರಿಬ್ಬನ್’ (PBR) ಬ್ರ್ಯಾಂಡ್ನ ಬಿಯರ್ ಹೊತ್ತಿದ್ದ ಟ್ರಕ್ ಅನ್ನು ಆಗಸ್ಟ್ 16 ರಂದು ಡಿಸ್ಟ್ರಿಬ್ಯೂಷನ್ ಸೆಂಟರ್ನಿಂದ ಸ್ಯಾನ್ ಡಿಯಾಗೋಗೆ ಕಳುಹಿಸಲಾಗಿತ್ತು. ಈ ಟ್ರಕ್ ತಲುಪಬೇಕಿದ್ದ ಸ್ಥಳವನ್ನು ತಲುಪಲಿಲ್ಲ. ಕಂಪನಿಯ ದಾಖಲೆಗಳ ಪ್ರಕಾರ..ಅಧಿಕೃತ ಚಾಲಕ ಬರುವ ಮೊದಲೇ ಅವನ ಸೋಗಿನಲ್ಲಿ ಬಂದ ಅಪರಿಚಿತ ವ್ಯಕ್ತಿಯೊಬ್ಬ ಬಿಯರ್ ತುಂಬಿದ್ದ ಟ್ರಕ್ ಅನ್ನು ಚಲಾಯಿಸಿಕೊಂಡು ಹೋಗಿದ್ದಾನೆ.
ನಾಪತ್ತೆಯಾದ ಟ್ರಕ್ನಲ್ಲಿ ಸುಮಾರು 18,000 ಲೀಟರ್ಗೂ ಹೆಚ್ಚು ಬಿಯರ್ ಇತ್ತು. ಇದರಲ್ಲಿ 1,406 ಪೆಟ್ಟಿ ‘ಪಾಬ್ಸ್ಟ್ ಬ್ಲೂ ರಿಬ್ಬನ್’ ಬಿಯರ್ ಮತ್ತು 196 ಪೆಟ್ಟಿ ‘ಓಲ್ಡ್ ಮಿಲ್ವಾಕಿ’ ನಾನ್-ಆಲ್ಕೊಹಾಲಿಕ್ ಬಿಯರ್ ಸೇರಿತ್ತು. ಈ ಬಗ್ಗೆ ಕಂಪನಿಯ ಓನರ್ ಪೊಲೀಸರಿಗೆ ದೂರು ನೀಡಿ. ತನ್ನ ಅಧಿಕೃತ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಟ್ರಕ್ನ ಫೋಟೋ ಹಾಕಿ, ಕಳ್ಳತನದ ಮಾಹಿತಿಯನ್ನು ಹಂಚಿಕೊಂಡಿದೆ.
ತನ್ನ ಪೋಸ್ಟ್ ನಲ್ಲಿ ಯಾರಾದರೂ ಕಳ್ಳತನವಾದ ಬಿಯರ್ ಲಾರಿಯನ್ನು ಮಾಲು ಸಮೇತ ತಂದುಕೊಟ್ಟರೆ ಬಿಯರ್ನ ಒಟ್ಟು ಮೌಲ್ಯದ ಅರ್ಧದಷ್ಟು ಹಣವನ್ನು ನಗದು ಬಹುಮಾನವಾಗಿ ನೀಡಲಾಗುವುದು ಎಂದು ಘೋಷಿಸಿದೆ. ಕಂಪನಿಯ ಪ್ರಕಾರ ಈ ನಷ್ಟದ ಮೌಲ್ಯ ಸುಮಾರು 58 ಲಕ್ಷ ರೂಪಾಯಿಗಳಿಗೂ ಅಧಿಕವಾಗಿದೆ. ನೀವು ಇದನ್ನು ಪತ್ತೆ ಹಚ್ಚಿಕೊಟ್ಟರೆ ಸುಮಾರು 25 ರಿಂದ 29 ಲಕ್ಷ ರೂಪಾಯಿ ನಿಮ್ಮ ಜೇಬಿಗೆ ಬರಲಿದೆ!
