ಚಿಕನ್‌ ಅಂಗಡಿಯಿಂದ ನೋಟು ಕಳ್ಳತನ: ಕೊನೆಗೂ ಸಿಕ್ಕಿ ಬಿದ್ದ ಕಳ್ಳ, ಯಾರು ಗೊತ್ತೇ?

ಚಿಕ್ಕಮಗಳೂರು: ಚಿಕನ್‌ ಅಂಗಡಿಯ ಕ್ಯಾಶ್‌ ಬಾಕ್ಸ್‌ನಲ್ಲಿಟ್ಟಿದ್ದ ನೋಟುಗಳನ್ನು ಇಲಿಯೊಂದು ಕದ್ದು ತನ್ನ ಗೂಡಿನಲ್ಲಿ ಇಟ್ಟುಕೊಂಡಿದ್ದ ಘಟನೆ ಅಜ್ಜಂಪುರ ಜಂ ಜಂ ಚಿಕನ್‌ ಅಂಗಡಿಯಲ್ಲಿ ನಡೆದಿದೆ.

Sponsored

ಕಳೆದೊಂದು ವಾರದಿಂದ ಅಂಗಡಿ ಮಾಲೀಕ ಸಿದ್ದಿಕ್‌ ತಮ್ಮ ಅಂಗಡಿಯ ಕ್ಯಾಶ್‌ಬಾಕ್ಸ್‌ನಲ್ಲಿ ಇಡುತ್ತಿದ್ದ 10,20,50 ರೂ. ಮುಖಬೆಲೆಯ ನೋಟುಗಳು ಒಂದೊಂದಾಗಿ ಕಾಣೆಯಾಗುತ್ತಿತ್ತು. ಇದರ ಕುರಿತು ಮಾಲೀಕನಿಗೆ ಅನುಮಾನ ಮೂಡಿದ್ದು, ಸೋಮವಾರ ಕೂಡಾ ತನ್ನ ಗಲ್ಲಾಪೆಟ್ಟಿಗೆ ಗಮನಿಸಿದಾಗ ಹಣ ಇರಲಿಲ್ಲ. ಈ ವೇಳೆ ಪರಿಶೀಲನೆ ಮಾಡಿದಾಗ ಇಲಿ ಓಡಾಡುತ್ತಿದ್ದ ಬಗ್ಗೆ ತಿಳಿದು ಬಂದಿದೆ.

ಇಡೀ ಅಂಗಡಿಯಲ್ಲಿ ಹುಡುಕಾಡಿದಾಗ ಅಂಗಡಿಯ ಹಿಂಭಾಗದಲ್ಲಿ ಇಲಿಯೊಂದು ನೋಟುಗಳನ್ನು ಸಂಗ್ರಹ ಮಾಡಿದ್ದು, ಒಂದು ವಾರದಲ್ಲಿ ರೂ.190 ರೂ ಮೌಲ್ಯದ ವಿವಿಧ ನೋಟುಗಳು ಇಲಿ ಗೂಡಿನಲ್ಲಿ ಪತ್ತೆಯಾಗಿದೆ.