ತನಿಷ್ಕ್‌ ಆಭರಣ ಮಳಿಗೆ ಚಿನ್ನ, ವಜ್ರಾಭರಣ ಕಳ್ಳತನ: ಯೂಟ್ಯೂಬರ್‌ ಮೀನಾಕ್ಷಿ ಬಂಧನ

ಮಧುರೈ ನ.15: ಇತ್ತೀಚೆಗಷ್ಟೇ ಉದ್ಘಾಟನೆಗೊಂಡಿದ್ದ ಪ್ರತಿಷ್ಠಿತ ತನಿಷ್ಕ್‌ ಚಿನ್ನಾಭರಣ ಮಳಿಗೆಯಿಂದ 15 ಕೋಟಿ ರೂ ಮೌಲ್ಯದ, 12 ಕೆಜಿ ಚಿನ್ನ ಮತ್ತು ವಜ್ರಾಭರಣಗಳನ್ನು ಕಳ್ಳತನ ಮಾಡಿದ ಘಟನೆ ತಮಿಳುನಾಡಿನ ಮದುರೈನ ಬೈಪಾಸ್‌ ರಸ್ತೆಯಲ್ಲಿ ನಡೆದಿದೆ.

Sponsored

ಈ ಪ್ರಕರಣವನ್ನು ಭೇದಿಸಿದ ಪೊಲೀಸರು, ಸೋಶಿಯಲ್‌ ಮೀಡಿಯಾ ಇನ್‌ಫ್ಲುಯೆನ್ಸರ್‌ ಹಾಗೂ ಯೂಟ್ಯೂಬರ್‌ ಮೀನಾಕ್ಷಿಯನ್ನು ಬಂಧನ ಮಾಡಿದ್ದಾರೆ. ಕಳ್ಳತನ ಸೂತ್ರಧಾರಿ ಆಕೆಯ ಪ್ರಿಯಕರ ನಿಶಾಂತ್‌ ತಲೆಮರೆಸಿಕೊಂಡಿದ್ದಾನೆ.

ಈ ಚಿನ್ನದ ಮಳಿಗೆ 15 ದಿನಗಳ ಹಿಂದಷ್ಟೇ ಉದ್ಘಾಟನೆಯಾಗಿತ್ತು. ನ.11 ರ ರಾತ್ರಿಯಂದು 42 ಕೆಜಿ ಚಿನ್ನ ಮತ್ತು ವಜ್ರದ ಆಭರಣಗಳನ್ನು ಭರ್ತಿ ಮಾಡಲಾಗಿತ್ತು. ಮರುದಿನ ದರೋಡೆ ನಡೆದಿದ್ದು, ಪ್ರದರ್ಶನಕ್ಕಿಟ್ಟಿದ್ದ 12 ಕೆಜಿ ಚಿನ್ನ ಮತ್ತು ವಜ್ರಾಭರಣಗಳನ್ನು ದೋಚಿ, ಲಾಕರ್‌ಗಳಲ್ಲಿದ್ದ ಆಭರಣಗಳನ್ನು ಮುಟ್ಟದೆ ಪರಾರಿಯಾಗಿದ್ದರು.

ಪ್ರಕರಣದ ತನಿಖೆ ನಡೆಸುತ್ತಿರುವ ಪೊಲೀಸರು, ಯೂಟ್ಯೂಬರ್‌ ಮೀನಾಕ್ಷಿಯನ್ನು ಬಂಧನ ಮಾಡಿ, ಆಕೆಯಿಂದ ಐದು ಕೆಜಿ ಚಿನ್ನವನ್ನು ವಶಪಡಿಸಿಕೊಂಡಿದ್ದಾರೆ. ಪ್ರಮುಖ ಆರೋಪಿ ನಿಶಾತ್‌ನ ತಂದೆಯನ್ನು ವಿಚಾರಣೆ ಮಾಡಲಾಗಿದೆ. ನಿಶಾಂತ್‌ ಪತ್ತೆಗೆ ತನಿಖೆ ಮುಂದುವರಿದಿದೆ.