ಕೇವಲ ಒಂದು ಮತದಿಂದ ತಮಿಳುನಾಡು ಸಚಿವ ಸೋಲು!!

ತಮಿಳುನಾಡು ವಿಧಾನಸಭಾ ಚುನಾವಣಾ ಫಲಿತಾಂಶವು ಅಕ್ಷರಶಃ ಇಡೀ ದೇಶವನ್ನೇ ಬೆರಗುಗೊಳಿಸಿದೆ. ಸ್ವತಃ ಮುಖ್ಯಮಂತ್ರಿ ಮತ್ತು ಡಿಎಂಕೆ ಅಧಿನಾಯಕ ಎಂ.ಕೆ. ಸ್ಟಾಲಿನ್ ಅವರು ತಮ್ಮ ಭದ್ರಕೋಟೆ ಎನಿಸಿಕೊಂಡಿದ್ದ ಕೊಳತ್ತೂರು ಕ್ಷೇತ್ರದಲ್ಲಿ ಆಘಾತಕಾರಿ(Stalin Loses) ಸೋಲು ಅನುಭವಿಸಿದ್ದಾರೆ. ಅಲ್ಲದೆ ಟಿವಿಕೆ ಪಕ್ಷದಿಂದ ಸ್ಪರ್ಧಿಸಿದ ಸಾಮಾನ್ಯ ಜನರು ದಿಗ್ಗಜ ನಾಯಕರನ್ನು ಸೋಲಿಸಿದ್ದಾರೆ. ಅಂತ ಇದೀಗ ತಮಿಳುನಾಡಿನ ಸಚಿವರು ಕೇವಲ ಒಂದೇ ಒಂದು ಮತದಿಂದ ಸೋಲುಂಡಿದ್ದಾರೆ.

Sponsored

ಹೌದು, ಹಕಾರ ಸಚಿವ ಕೆ.ಆರ್. ಪೆರಿಯಕರುಪ್ಪನ್ ಅವರು ಕೇವಲ 1 ಮತದ ಅಂತರದಿಂದ ತನ್ನ ಸ್ಥಾನವನ್ನು ಕಳೆದುಕೊಂಡಿದ್ದಾರೆ. ಟಿವಿಕೆ ಪಕ್ಷದ ಅಭ್ಯರ್ಥಿ ಸಿನಿವಾಸ ಸೇತುಪತಿ 83,375 ಮತಗಳನ್ನು ಪಡೆಯುತ್ತಿದ್ದರೆ, ಪೆರಿಯಕರುಪ್ಪನ್ ಅವರಿಗೆ 83,374 ಮತಗಳು ಮಾತ್ರ ಬಂದವು. ಅಂದರೆ ಕೇವಲ 1 ಮತವೇ ಈ ಚುನಾವಣೆಯ ಫಲಿತಾಂಶವನ್ನು ಬದಲಾಯಿಸಿದೆ.

ಮತ ಎಣಿಕೆಯ ಅಂತಿಮ ಸುತ್ತಿನವರೆಗೂ ಪೆರಿಯಕರುಪ್ಪನ್ 30 ಮತಗಳಿಂದ ಮುನ್ನಡೆಯಲ್ಲಿದ್ದರು ಎಂದು ಹೇಳಲಾಗಿದೆ. ಆದರೆ ಕೊನೆಯ ಸುತ್ತಿನಲ್ಲಿ ಬಂದ ಫಲಿತಾಂಶ ಸಂಪೂರ್ಣ ಸಮೀಕರಣವನ್ನು ತಲೆಕೆಳಗಾಗಿ ಬದಲಿಸಿದೆ.. ಈ ಘಟನೆಯಿಂದಾಗಿ ‘ಒಂದು ಮತದ ಮಹತ್ವ’ ಎಂಬ ಮಾತು ಮತ್ತೆ ಒಮ್ಮೆ ಸಾಬೀತಾಗಿದೆ. ಕೇವಲ ಒಂದು ಮತದಿಂದ ಡಿಎಂಕೆ ಪಕ್ಷದ ಹಿರಿಯ ನಾಯಕ ಮತ್ತು ಸಹಕಾರ ಸಚಿವ ಕೆ.ಆರ್. ಪೆರಿಯಕರುಪ್ಪನ್ ಸೋಲುವಂತಾಗಿದೆ.