ಮದ್ಯ ನಿಷೇಧಿಸಿದ್ರೆ ಒಳಿತಿಗಿಂತ ಕೆಡುಕೇ ಹೆಚ್ಚು – ಸುಪ್ರೀಂ ಕೋರ್ಟ್ ಅಭಿಪ್ರಾಯ

ಸಂಪೂರ್ಣ ಮದ್ಯ ನಿಷೇಧ ಜಾರಿಗೊಳಿಸುವುದರಿಂದ ಸಮಸ್ಯೆ ಕಡಿಮೆಯಾಗುವ ಬದಲು ಹೆಚ್ಚಾಗುವುದೇ ಹೆಚ್ಚು ಎಂದು ಸುಪ್ರೀಂಕೋರ್ಟ್ ಮಹತ್ವದ ಅಭಿಪ್ರಾಯವನ್ನು ವ್ಯಕ್ತಪಡಿಸಿದೆ.

Sponsored

ಸಮಾಜದಲ್ಲಿ ಸಂಪೂರ್ಣ ಮದ್ಯ ನಿಷೇಧ ಜಾರಿಗೊಳಿಸುವುದರಿಂದ ಮೂಲ ಸಮಸ್ಯೆ ಪರಿಹಾರವಾಗುವುದಿಲ್ಲ. ಬದಲಾಗಿ, ಇದರಿಂದ ಇತರ ಗಂಭೀರ ಸಮಸ್ಯೆಗಳು ಹಾಗೂ ನಷ್ಟಗಳು ಉಂಟಾಗುವ ಸಾಧ್ಯತೆ ಇದೆ. ಮಧ್ಯವನ್ನು ನಿಷೇಧಿಸಿದರೆ ದೇಶಾದ್ಯಂತ ಅಕ್ರಮ ಸಾರಾಯಿ ದಂಧೆ, ಕಲಬೆರಕೆ ಮದ್ಯದ ಸಾಗಣೆ ಹಾಗೂ ಗುಪ್ತವಾಗಿ ಮದ್ಯ ಸೇವಿಸುವಂತಹ ಅಪಾಯಗಳು ಹೆಚ್ಚಾಗಬಹುದು. ಹೀಗಾಗಿ ಮದ್ಯ ನಿಷೇಧಕ್ಕಿಂತ ಅಬಕಾರಿ ಕಾನೂನುಗಳನ್ನು ಬಲಪಡಿಸಿ, ಮದ್ಯದ ತಯಾರಿಕೆ, ಸಾಗಣೆ ಮತ್ತು ಸಂಗ್ರಹಣೆ ಮೇಲೆ ಕಠಿಣ ನಿಯಂತ್ರಣ ಹೇರಬೇಕು ಎಂದು ಎಂದು ಸುಪ್ರೀಂ ಕೋರ್ಟ್‌ ಮಹತ್ವದ ಅಭಿಪ್ರಾಯ ವ್ಯಕ್ತಪಡಿಸಿದೆ. 

ಅಲ್ಲದೆ ಮದ್ಯದ ಬಣ್ಣ ಅಥವಾ ರುಚಿಯನ್ನು ಬದಲಿಸುವುದರಿಂದ ಮಾತ್ರವಾಗಲಿ, ಮದ್ಯದ ಲಭ್ಯತೆಯನ್ನು ಕಡಿಮೆ ಮಾಡುವುದರಿಂದ ಮಾತ್ರವಾಗಲಿ ವ್ಯಸನಕ್ಕೆ ಒಳಗಾದವರ ತೀವ್ರ ಬಯಕೆಯನ್ನು ತಡೆಯಲು ಸಾಧ್ಯವಿಲ್ಲ ಎಂದು ನ್ಯಾಯಪೀಠ ಹೇಳಿದೆ. ಮದ್ಯ ಸಿಗದಿದ್ದರೆ ವ್ಯಸನಿಗಳು ಇತರ ಪರ್ಯಾಯಗಳತ್ತ ಮುಖ ಮಾಡುವ ಅಪಾಯವಿದೆ ಎಂದು ನ್ಯಾಯಾಲಯ ತಿಳಿಸಿದೆ. ಹೀಗಾಗಿ ಸಂಪೂರ್ಣ ನಿಷೇಧ ಹೇರುವ ಬದಲು ಅಬಕಾರಿ ಕಾನೂನುಗಳನ್ನು ಮತ್ತಷ್ಟು ಬಲಪಡಿಸಿ, ಮದ್ಯದ ಸಾಗಣೆ, ಸಂಗ್ರಹಣೆ ಮತ್ತು ತಯಾರಿಕೆ ಪ್ರಕ್ರಿಯೆಗಳ ಮೇಲೆ ಕಠಿಣ ನಿಯಂತ್ರಣ ಜಾರಿಗೊಳಿಸುವುದು ಸೂಕ್ತ ಮಾರ್ಗ ಎಂದು ನ್ಯಾಯಪೀಠ ಸೂಚಿಸಿದೆ.