OYO ಹೋಟೆಲ್‌ಗಳಲ್ಲಿ ಯುವತಿಯರ ಸರಣಿ ಸಾವು

ಕೇವಲ 10 ದಿನಗಳ ಅವಧಿಯಲ್ಲಿ ಹೈದರಾಬಾದ್ ನಗರದ ವಿವಿಧ ಪ್ರದೇಶಗಳ OYO ಹೋಟೆಲ್‌ಗಳಲ್ಲಿ ಮೂವರು ಯುವತಿಯರು ಅನುಮಾನಾಸ್ಪದವಾಗಿ ಮೃತಪಟ್ಟಿದ್ದು, ಭಾರೀ ಸಂಚಲನ ಮೂಡಿಸಿದೆ.

Sponsored

ನಗರದಲ್ಲಿ ಸತತವಾಗಿ ಬೆಳಕಿಗೆ ಬರುತ್ತಿರುವ ಈ ಘಟನೆಗಳು ಪೊಲೀಸರನ್ನೂ ಬೆಚ್ಚಿಬೀಳಿಸಿವೆ. ಸೆಪ್ಟೆಂಬರ್ 21ರಂದು, ಮಾದಾಪುರ ವ್ಯಾಪ್ತಿಯ OYO ಹೋಟೆಲ್‌ಗೆ ತೆರಳಿದ್ದ ವಿಶಾಖಪಟ್ಟಣಂ ಮೂಲದ ಶಾರೋನ್ ನಿಖಿತಾ ಎಂಬ ಯುವತಿ ಅನುಮಾನಾಸ್ಪದ ಸ್ಥಿತಿಯಲ್ಲಿ ಮೃತಪಟ್ಟಿದ್ದರು. ಪ್ರಿಯಕರನೊಂದಿಗೆ ಹೋಟೆಲ್‌ಗೆ ಬಂದಿದ್ದ ಅವರು ಮಧ್ಯರಾತ್ರಿ ಕೊಲೆಯಾಗಿದ್ದಾರೆ ಎಂದು ವರದಿಯಾಗಿದೆ.

ಸೆಪ್ಟೆಂಬರ್ 29ರಂದು, ಎಸ್‌ಆರ್ ನಗರ ಪ್ರದೇಶದ OYO ಹೋಟೆಲ್‌ನಲ್ಲಿ ವಿಕಾರಾಬಾದ್ ಮೂಲದ ಬಿ. ಶಿರೀಷಾ ಎಂಬ ಮಹಿಳೆ ರಕ್ತದ ಮಡುವಿನಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಅವರು ಶ್ರೀನಿವಾಸ್ ಎಂಬ ವ್ಯಕ್ತಿಯೊಂದಿಗೆ ಹೋಟೆಲ್‌ಗೆ ಚೆಕ್-ಇನ್ ಆಗಿದ್ದರು. ಆದರೆ ಇಬ್ಬರೂ ‘ಗಣೇಶ್’ ಮತ್ತು ‘ದುರ್ಗಾ’ ಎಂಬ ಹೆಸರಿನ ನಕಲಿ ಆಧಾರ್ ಕಾರ್ಡ್‌ಗಳನ್ನು ಬಳಸಿ OYO ಹೋಟೆಲ್‌ನಲ್ಲಿ ಕೊಠಡಿ ಪಡೆದಿರುವುದು ಹೈದರಾಬಾದ್ ನಗರದ ಭದ್ರತೆ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.

ಸರಣಿ ಘಟನೆಗಳ ಹಿನ್ನೆಲೆಯಲ್ಲಿ ಹೈದರಾಬಾದ್ ಪೊಲೀಸರು ಎಚ್ಚೆತ್ತುಕೊಂಡಿದ್ದಾರೆ. OYO ಹೋಟೆಲ್‌ಗಳ ನಿರ್ವಾಹಕರಿಗೆ ಎಚ್ಚರಿಕೆ ನೀಡಲು ಸಿದ್ಧತೆ ನಡೆಸುತ್ತಿದ್ದಾರೆ ಎಂದು ವರದಿಯಾಗಿದೆ.