Video Viral : ಪೈಲ್ಸ್ ಸರ್ಜರಿಯನ್ನು ನಂಬದ ರೈಲ್ವೇ ಅಧಿಕಾರಿ – ಪ್ಯಾಂಟ್ ಬಿಚ್ಚಿ ತೋರಿಸಿದ ಲೋಕೋ ಪೈಲೆಟ್

Viral Video : ಲೋಕೋ ಪೈಲೆಟ್ ಒಬ್ಬ ತನಗೆ ಫೈಲ್ಸ್ ಆಪರೇಷನ್ ಆಗಿದೆ ದಯವಿಟ್ಟು ರಜೆ ನೀಡಿ ಎಂದು ಅಧಿಕಾರಿಯ ಬಳಿ ಕೇಳಿದ್ದು , ಅದಕ್ಕೆ ಸಾಕ್ಷಿ ಏನಪ್ಪಾ ಎಂದು ಅಧಿಕಾರಿ ಪ್ರಶ್ನಿಸಿದಕ್ಕೆ ಆ ಲೋಕೋ ಪೈಲೆಟ್ ಪ್ಯಾಂಟ್ ಬಿಚ್ಚಿ ಅಧಿಕಾರಿಗೆ ಗಾಯ ತೋರಿಸಿದ ಘಟನೆ ನಡೆದಿದೆ. ಈ ಕುರಿತಾದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

Sponsored

ಹೌದು, ಭಾರತೀಯ ರೈಲ್ವೇಯ ಲೋಕೋ ಪೈಲೆಟ್ ಮೂಲವ್ಯಾಧಿ ಚಿಕಿತ್ಸೆ ಹಾಗೂ ವಿಶ್ರಾಂತಿಗಾಗಿ ರಜೆ ಕೇಳಿದರೆ ಹಿರಿಯ ಅಧಿಕಾರಿ ನಂಬಲೇ ಇಲ್ಲ, ಕೊನೆಗೆ ಪ್ಯಾಂಟ್ ಬಿಚ್ಚಿ ತೋರಿಸಿದ ಘಟನೆ ನಡೆದಿದೆ. 

ಭಾರತೀಯ ರೈಲ್ವೇಯಲ್ಲಿ ಲೋಕೋ ಪೈಲೆಟ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದ ರಾಜೇಶ್ ಮೀನಾಗೆ ಪೈಲ್ಸ್ ಸಮಸ್ಯೆ ಎದುರಾಗಿದೆ. ಹೀಗಾಗಿ ತುರ್ತು ರಜೆ ಪಡೆದು ಆಸ್ಪತ್ರೆಗೆ ದಾಖಲಾಗಿದ್ದಾನೆ. ತಪಾಸಣೆ ನಡೆಸಿದ ವೈದ್ಯರು ಸರ್ಜರಿ ಮಾಡಲು ಸೂಚಿಸಿದ್ದಾರೆ. ಹೀಗಾಗಿ ತುರ್ತು ರಜೆ ಅಡಿ ಮೂರು ದಿನ ರಜೆ ಪಡೆದಿದ್ದಾನೆ. ಬಳಿಕ ಸರ್ಜರಿ ಮಾಡಲಾಗಿದೆ. ಮೂರು ದಿನವಾದರೂ ಲೋಕೋ ಪೈಲೆಟ್ ರಾಜೇಶ್ ಮೀನಾ ಕರ್ತವ್ಯಕ್ಕೆ ಹಾಜರಾಗಿಲ್ಲ. ಇದು ಹಿರಿಯ ಅಧಿಕಾರಿ ರತನ್ ಕುಮಾರ್ ಸಿಟ್ಟು ತೀವ್ರಗೊಳಿಸಿದೆ. ಆಸ್ಪತ್ರೆಯಿಂದ ಕರೆ ಮಾಡಿ ತನಗೆ ವಿಶ್ರಾಂತಿಗೆ ಕನಿಷ್ಠ 15 ದಿನ ರಜೆ ನೀಡುವಂತೆ ಮನವಿ ಮಾಡಿದ್ದಾನೆ. ಇತ್ತ ಗರಂ ಆದ ಮ್ಯಾನೇಜರ್ , ಇಲ್ಲ ಸಲ್ಲದ ಕಾರಣ ಹೇಳಿ ರಜೆ ತೆಗೆದುಕೊಳ್ಳುವುದು ನಿಲ್ಲಿಸಿ ಕರ್ತವ್ಯಕ್ಕೆ ಹಾಜರಾಗಲು ಸೂಚಿಸಿದ್ದಾರೆ. ಬೇರೆ ದಾರಿ ಕಾಣದ ನೇರವಾಗಿ ಡಿವಿಶನಲ್ ಕಚೇರಿಗೆ ಆಗಮಿಸಿದ ಲೋಕೋ ಪೈಲೆಟ್ ತನ್ನ ಸರ್ಜರಿ ವಿವರದ ಸರ್ಟಿಫಿಕೇಟ್, ಆಸ್ಪತ್ರೆ ದಾಖಲಾದ ದಾಖಲೆಗಳು, ಐಷಧಿಗಳು ಎಲ್ಲವನ್ನೂ ಮ್ಯಾನೇಜರ್ ಮುಂದಿಟ್ಟು ವಿಶ್ರಾಂತಿಗಾಗಿ ರಜೆಯ ಅಗತ್ಯವಿದೆ ಎಂದಿದ್ದಾನೆ.

ಆದರೂ ಕೂಡ ಮ್ಯಾನೇಜರ್ ಇದನೆಲ್ಲ ನಂಬಿಲ್ಲ. ಕೊನೆಗೆ ಬೇರೆ ದಾರಿ ಕಾಣದ ಲೋಕೋ ಪೈಲೆಟ್ ಪ್ಯಾಂಚ್ ಬಿಚ್ಚಿ ಮ್ಯಾನೇಜರ್‌ಗೆ ತನ್ನ ಸರ್ಜರಿ ತೋರಿಸಿದ್ದಾನೆ. ಮ್ಯಾನೇಜರ್, ಇತರ ಸಿಬ್ಬಂದಿಗಳು ಎದುರಿನಲ್ಲಿ ಪ್ಯಾಂಟ್ ಬಿಚ್ಚಿ ತೋರಿಸಿದ ಘಟನೆಯನ್ನು ಇತರ ಸಿಬ್ಬಂದಿಗಳು ವಿಡಿಯೋ ಮಾಡಿದ್ದಾರೆ. ಈ ವಿಡಿಯೋ ರೈಲ್ವೇ ನೌಕರರ ಗ್ರೂಪ್, ಸೋಶಿಯಲ್ ಮೀಡಿಯಾ ಸೇರಿದಂತೆ ಎಲ್ಲಡೆ ವೈರಲ್ ಆಗಿದೆ. ಇದಕ್ಕೆ ನೆಟ್ಟಿಗರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.