ನಾಳೆಯಿಂದ LPG ಹೊಸ ರೂಲ್ಸ್ – ಇನ್ಮುಂದೆ ಒಂದು ಮನೆಯಲ್ಲಿ 2 ಗ್ಯಾಸ್ ಇಟ್ಟುಕೊಳ್ಳುವಂತಿಲ್ಲ!!

ಪಶ್ಚಿಮ ಏಷ್ಯಾದ ರಾಷ್ಟ್ರಗಳಲ್ಲಿ ಉಂಟಾಗಿರುವ ಯುದ್ಧದ ವಾತಾವರಣದಿಂದಾಗಿ ಜಗತ್ತಿನಾದ್ಯಂತ ಎಲ್ ಪಿ ಜಿ ಸಮಸ್ಯೆ ದೊಡ್ಡ ಮಟ್ಟದಲ್ಲಿ ಉಂಟಾಗಿದೆ. ಭಾರತದಲ್ಲಿ ಇನ್ನೂ ಇದರ ಸಮಸ್ಯೆಗೆ ಅಂತ್ಯ ದೊರಕಿಲ್ಲ. ಈ ನಡುವೆ ಕೇಂದ್ರ ಸರ್ಕಾರದಿಂದ ಎಲ್‌ಪಿಜಿ ಸಿಲಿಂಡರ್ ಕುರಿತು ಹೊಸ ನಿಯಮ ಜಾರಿಯಾಗಿದ್ದು ನಾಳೆ ಯಿಂದ ‘ಇನ್ನು ಮುಂದೆ ಒಂದು ಮನೆಗೆ ಒಂದೇ ಗ್ಯಾಸ್ ಕಲೆಕ್ಷನ್’ ಪಾಲಿಸಿ ಜಾರಿಯಾಗಲಿದೆ.

Sponsored

ಹೌದು, ದೇಶಾದ್ಯಂತ ‘ಒಂದೇ ಮನೆಗೆ ಒಂದೇ ಗ್ಯಾಸ್ ಕನೆಕ್ಷನ್’ ಎಂಬ ಹೊಸ ನಿಯಮವನ್ನು ಜಾರಿಗೆ ತರಲಾಗುತ್ತಿದ್ದು, ಪೈಪ್ಡ್ ನ್ಯಾಚುರಲ್ ಗ್ಯಾಸ್ (PNG) ಸಂಪರ್ಕ ಹೊಂದಿರುವ ಕುಟುಂಬಗಳು ತಮ್ಮ ಬಳಿ ಇರುವ ಎಲ್‌ಪಿಜಿ (LPG) ಸಿಲಿಂಡರ್‌ಗಳನ್ನು ಕಡ್ಡಾಯವಾಗಿ ಹಿಂತಿರುಗಿಸಬೇಕೆಂದು ಕೇಂದ್ರ ಸರ್ಕಾರ ಆದೇಶಿಸಿದೆ.  ಅಂದರೆ ಒಂದು ಕುಟುಂಬವು ಎಲ್ಪಿಜಿ ಅಥವಾ ಪಿ ಏನ್ ಜಿ ಸಂಪರ್ಕವನ್ನು ಮಾತ್ರ ಪಡೆಯಬೇಕು. ಎರಡನ್ನು ಪಡೆಯುವಂತಿಲ್ಲ.

ತೈಲ ಮಾರುಕಟ್ಟೆ ಕಂಪನಿಗಳು (OMC ಗಳು) ಗೃಹಬಳಕೆಯ ಸಿಲಿಂಡರ್‌ಗಳ ದುರುಪಯೋಗ, ಸಂಗ್ರಹಣೆ ಮತ್ತು ಕಪ್ಪು ಮಾರುಕಟ್ಟೆಯನ್ನು ತಡೆಯುವ ಸಲುವಾಗಿ ಏಕಕಾಲದಲ್ಲಿ ಪಿಎನ್​ಜಿ ಮತ್ತು ಎಲ್​ಎನ್​ಜಿ ಬಳಸುವ ಮನೆಗಳನ್ನು ಪತ್ತೆಹಚ್ಚಲು ಪ್ರಾರಂಭಿಸಿವೆ. ಈ ನಿಯಮದಡಿ ಒಂದಕ್ಕಿಂತ ಹೆಚ್ಚು ಸಂಪರ್ಕಗಳನ್ನು ಹೊಂದಿರುವ ಕುಟುಂಬಗಳ ಗ್ಯಾಸ್ ಪೂರೈಕೆಯನ್ನು ತೈಲ ಕಂಪನಿಗಳು ಸ್ಥಗಿತಗೊಳಿಸಲಿವೆ. ಹೆಚ್ಚುವರಿ ಸಿಲಿಂಡರ್‌ಗಳನ್ನು ಸರೆಂಡರ್ ಮಾಡಿದ ನಂತರವಷ್ಟೇ ಸೇವೆಯನ್ನು ಮರುಸ್ಥಾಪಿಸಲಾಗುತ್ತದೆ. 

ಬಳಕೆದಾರರು PNG ಸಂಪರ್ಕ ಪಡೆದ 30 ದಿನಗಳ ಒಳಗೆ ತಮ್ಮ ಎಲ್​ಪಿಜಿ ಸಂಪರ್ಕವನ್ನು ಕೊನೆಗೊಳಿಸಬೇಕಾಗಿರುವುದರಿಂದ, ಸರ್ಕಾರವು ಈ ಗ್ರಾಹಕರು ತಮ್ಮ LPG ಸಂಪರ್ಕವನ್ನು ಪುನಃಸ್ಥಾಪಿಸಲು ಅವಕಾಶ ನೀಡಿದೆ. PNG ಪ್ರವೇಶವಿಲ್ಲದ ಪ್ರದೇಶಗಳಿಗೆ ಬಳಕೆದಾರರು ಸ್ಥಳಾಂತರಗೊಂಡರೆ ನಂತರ LPG ಸಂಪರ್ಕಗಳನ್ನು ಪುನಃ ಸಕ್ರಿಯಗೊಳಿಸಲು ಇದು ಅನುಮತಿಸುತ್ತದೆ.

ಈಗಾಗಲೇ ಅನೇಕ ಗ್ರಾಹಕರಿಗೆ ತಮ್ಮ ಕನೆಕ್ಷನ್ ವಿವರಗಳನ್ನು ಧೃಢೀಕರಿಸುವಂತೆ ಗ್ಯಾಸ್ ಕಂಪನಿಗಳಿಂದ ಸಂದೇಶಗಳು ಬರಲಾರಂಭಿಸಿವೆ. ಪ್ರಾಥಮಿಕ ಅಂದಾಜಿನ ಪ್ರಕಾರ, ಸುಮಾರು 50,000 ಗ್ರಾಹಕರು ಈಗಾಗಲೇ ತಮ್ಮ ಎಲ್‌ಪಿಜಿ ಸಿಲಿಂಡರ್‌ಗಳನ್ನು ಹಿಂತಿರುಗಿಸಿದ್ದಾರೆ. 

ಇಷ್ಟೇ ಅಲ್ಲದೆ ಇನ್ಮುಂದೆ ಹಳೆಯ ಮತ್ತು ಬಳಕೆಗೆ ಅನರ್ಹವಾದ ಸಿಲಿಂಡರ್‌ಗಳನ್ನು ಹಿಂತಿರುಗಿಸುವುದು ಕಡ್ಡಾಯವಾಗಿದೆ. ಗ್ರಾಹಕರ ಸುರಕ್ಷತೆಗೆ ಮೊದಲ ಆದ್ಯತೆ ನೀಡಲಾಗಿದ್ದು, ಐದು ವರ್ಷಗಳಿಗಿಂತ ಹಳೆಯದಾದ ಅಥವಾ ಮರುಪರಿಶೀಲನೆಯ ದಿನಾಂಕ (Expiry Date) ಮುಗಿದಿರುವ ಸಿಲಿಂಡರ್‌ಗಳನ್ನು ಬಳಸುವಂತಿಲ್ಲ. ಇಂತಹ ಸಿಲಿಂಡರ್‌ಗಳನ್ನು ಕೂಡಲೇ ಗ್ಯಾಸ್ ಏಜೆನ್ಸಿಗೆ ನೀಡಿ ಹೊಸದನ್ನು ಪಡೆಯಬೇಕು ಎಂದು ಸೂಚಿಸಲಾಗಿದೆ.