ಜು. 15 ಕ್ಕೆ ಹೊಸ IRCTC ವೆಬ್‌ಸೈಟ್ ಬಿಡುಗಡೆ!!

ಭಾರತೀಯ ರೈಲ್ವೆ ಇಲಾಖೆಯು ಮತ್ತಷ್ಟು ಸುಲಭವಾದ ಮತ್ತು ವೇಗದ ಅನುಭವಕ್ಕಾಗಿ, ಹೊಸ ತಂತ್ರಜ್ಞಾನದೊಂದಿಗೆ ನವೀಕರಿಸಲಾದ ಹೊಸ IRCTC ವೆಬ್‌ಸೈಟ್ ಜುಲೈ 15, 2026 ರೊಳಗೆ ಅಧಿಕೃತವಾಗಿ ಬಿಡುಗಡೆಯಾಗಲಿದೆ.

Sponsored

ಭಾರತೀಯ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರು ಹೊಸ ಐಆರ್‌ಸಿಟಿಸಿ (IRCTC) ವೆಬ್‌ಸೈಟ್ ಅನ್ನು ಜುಲೈ 15, 2026ರಂದು ಆರಂಭಿಸಲಾಗುವುದು ಎಂದು ಘೋಷಿಸಿದ್ದು, ಟಿಕೆಟ್ ಬುಕ್ಕಿಂಗ್ ವೇಳೆ ಆಗುತ್ತಿರುವ ನಿಧಾನಗತಿ, ಸರ್ವರ್ ಕ್ರ್ಯಾಶ್, ತತ್ಕಾಲ್ ಸಮಯದ ತೊಂದರೆಗಳಿಗೆ ಪರಿಹಾರವಾಗಿ ಈ ಹೊಸ ವ್ಯವಸ್ಥೆಯನ್ನು ತರಲಾಗುತ್ತಿದೆ ಎಂದಿದ್ದಾರೆ.

ಹೊಸ ಆಪ್ ವಿಶೇಷತೆ ಏನು?

ಒಂದು ನಿಮಿಷಕ್ಕೆ 1.5 ಲಕ್ಷ ಬುಕ್ಕಿಂಗ್

ಪ್ರಸ್ತುತ IRCTC ವ್ಯವಸ್ಥೆ ಒಂದು ನಿಮಿಷಕ್ಕೆ ಸುಮಾರು 32,000 ಟಿಕೆಟ್ ಬುಕ್ಕಿಂಗ್‌ಗಳನ್ನು ನಿಭಾಯಿಸುವ ಸಾಮರ್ಥ್ಯ ಹೊಂದಿದೆ. ಆದರೆ ಹೊಸ ವ್ಯವಸ್ಥೆಯಲ್ಲಿ ಇದು 1.5 ಲಕ್ಷಕ್ಕಿಂತ ಹೆಚ್ಚು ಬುಕ್ಕಿಂಗ್‌ಗಳನ್ನು ನಿರ್ವಹಿಸಲಿದೆ. ಇದರಿಂದ ತತ್ಕಾಲ್ ಬುಕ್ಕಿಂಗ್ ಮತ್ತು ಹಬ್ಬದ ಸೀಸನ್‌ಗಳಲ್ಲಿ ವೆಬ್‌ಸೈಟ್ ಮೇಲಿನ ಒತ್ತಡ ಕಡಿಮೆಯಾಗುವ ನಿರೀಕ್ಷೆ ಇದೆ.

ವಿಚಾರಣೆ ಸಾಮರ್ಥ್ಯ 10 ಪಟ್ಟು ಹೆಚ್ಚಳ

ರೈಲು ಲಭ್ಯತೆ, ವೇಯಿಟಿಂಗ್ ಲಿಸ್ಟ್ ಮತ್ತು ದರಗಳನ್ನು ಪರಿಶೀಲಿಸುವ ಪ್ರಯಾಣಿಕರಿಗೆ ಇದು ದೊಡ್ಡ ಸಹಾಯವಾಗಲಿದೆ. ಪ್ರಸ್ತುತ ವಿಚಾರಣಾ ಸಾಮರ್ಥ್ಯವು ನಾಲ್ಕು ಲಕ್ಷ ಇದ್ದು ಅದನ್ನು 40 ಲಕ್ಷಕ್ಕೆ ಹೆಚ್ಚಿಸಲಾಗಿದೆ.

ಸೀಟ್ ಆಯ್ಕೆ ವ್ಯವಸ್ಥೆ

ಪ್ರಯಾಣಿಕರು ಬುಕ್ಕಿಂಗ್ ಸಮಯದಲ್ಲೇ ತಮ್ಮ ಇಷ್ಟದ ಸೀಟ್ ಆಯ್ಕೆಯನ್ನು ಸೆಲೆಕ್ಟ್ ಮಾಡಬಹುದು. ಕುಟುಂಬದವರು, ಹಿರಿಯ ನಾಗರಿಕರು ಮತ್ತು ಲೋವರ್ ಬರ್ತ್ ಬಯಸುವವರಿಗೆ ಇದು ಅನುಕೂಲವಾಗಲಿದೆ.

 ಹಲವು ಭಾಷೆಗಳಲ್ಲಿ ಸಿಗಲಿದೆ ಸೌಲಭ್ಯ

ಹೊಸ ವೆಬ್‌ಸೈಟ್ ಹಲವು ಭಾರತೀಯ ಭಾಷೆಗಳಿಗೆ ಬೆಂಬಲ ನೀಡಲಿದೆ. ಪ್ರಾದೇಶಿಕ ಭಾಷೆಗಳಲ್ಲಿ ಟಿಕೆಟ್ ಬುಕ್ಕಿಂಗ್ ಮತ್ತು ವಿಚಾರಣೆ ನಡೆಸಲು ಇದು ಸಹಾಯ ಮಾಡಲಿದೆ.

ವೇಗದ ಬುಕಿಂಗ್: 

ಕ್ಯಾಪ್ಚಾ ದೋಷಗಳು, ಸರ್ವರ್ ಕ್ರ್ಯಾಶ್‌ಗಳು ಮತ್ತು OTP ವಿಳಂಬಗಳನ್ನು ಸರಿಪಡಿಸಿ, ಟಿಕೆಟ್ ಬುಕಿಂಗ್ ಪ್ರಕ್ರಿಯೆಯನ್ನು ವೇಗಗೊಳಿಸಲಾಗಿದೆ.

ಹೆಚ್ಚುವರಿ ಸೌಲಭ್ಯಗಳು: 

ಸುಧಾರಿತ ಬಳಕೆದಾರ ಇಂಟರ್ಫೇಸ್ (UI), ಪ್ರಯಾಣಿಕರಿಗೆ ಆಸನ ಆಯ್ಕೆ (Seat Choice), ಮತ್ತು ದರದ ಕ್ಯಾಲೆಂಡರ್ ವೈಶಿಷ್ಟ್ಯಗಳನ್ನು ಒಳಗೊಂಡಿರಲಿದೆ.