ಮೋದಿ ವಿದೇಶ ಪ್ರವಾಸಕ್ಕೆ 2025ರಲ್ಲಿ 180 ಕೋಟಿ ಖರ್ಚು

ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು 2025ರಲ್ಲಿ ಅಮೆರಿಕ, ಬ್ರಿಟನ್, ಫ್ರಾನ್ಸ್, ಚೀನಾ ಮತ್ತು ಜಪಾನ್ ಸೇರಿದಂತೆ 23 ದೇಶಗಳಿಗೆ ಕೈಗೊಂಡ ಪ್ರವಾಸಗಳಿಗೆ 180 ಕೋಟಿ ರೂ. ವೆಚ್ಚವಾಗಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

Sponsored

ರಾಜ್ಯಸಭಾ ಸಂಸದರಾದ ಸಂಜಯ್ ಸಿಂಗ್ ಮತ್ತು ಡಾ. ವಿ. ಶಿವದಾಸನ್ ಅವರು ಕೇಳಿದ ಚುಕ್ಕೆ ಗುರುತಿಲ್ಲದ ಪ್ರಶ್ನೆಗೆ ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವ ಪಬಿತ್ರ ಮಾರ್ಗರೆಟಾ ಅವರು ಲಿಖಿತ ಉತ್ತರ ನೀಡಿದ್ದಾರೆ.

ಯಾವ ಪ್ರವಾಸಕ್ಕೆ ಎಷ್ಟು?

2025 ರಲ್ಲಿ ಮೋದಿ ಅವರ ವಿವಿಧ ದೇಶಗಳ ಪ್ರವಾಸಗಳಿಗೆ ಸುಮಾರು 187 ಕೋಟಿ ವೆಚ್ಚವಾಗಿದೆ. ಕಳೆದ ವರ್ಷದ ಪ್ರತ್ಯೇಕ ಪ್ರವಾಸಗಳ ವೆಚ್ಚದ ಪಟ್ಟಿ ಹೀಗಿದೆ 

ಫ್ರಾನ್ಸ್ – 25,59,82,902 ರೂ. 

ಅಮೆರಿಕ 16,54,84,302 ರೂ.

ಸೌದಿ ಅರೇಬಿಯಾ 15,54,03,792.47 ರೂ

ಬ್ರೆಜಿಲ್ 17,72,22,144 ರೂ.

ಚೀನಾ 10,59,90,561 ರೂ. 

ಬ್ರಿಟನ್ 9,91,55,061.39 ರೂ.

ಯಾವ ವರ್ಷ ಎಷ್ಟು?

2024 – 109 ಕೋಟಿ ರೂ.

2023 – 93 ಕೋಟಿ ರೂ.

2022 – 55.82 ಕೋಟಿ ರೂ.

2021 – 36 ಕೋಟಿ ರೂ.