ಮೋದಿ, ಅಮಿತ್‌ ಶಾ ಟೆಲಿಪ್ರಾಂಪ್ಟರ್‌ ಇಲ್ಲದೇ ವಂದೇ ಮಾತರಂ ಹಾಡಿದರೆ ರಾಜೀನಾಮೆ ಕೊಡ್ತೀನಿ-ಪ್ರಿಯಾಂಕ್‌ ಖರ್ಗೆ

ಬೆಂಗಳೂರು: ಪ್ರಧಾನಿ ಮೋದಿ, ಗೃಹ ಸಚಿವ ಅಮಿತ್‌ ಶಾ ವಂದೇ ಮಾತರಂ ಗೀತೆಯನ್ನು ಟೆಲಿಪ್ರಾಂಪ್ಟರ್‌ ಇಲ್ಲದೆಯೇ ಪೂರ್ತಿ ಹಾಡಿದರೆ ನಾನು ರಾಜೀನಾಮೆ ಕೊಡ್ತೀನಿ ಎಂದು ಗೃಹ ಸಚಿವ ಪ್ರಿಯಾಂಕ್‌ ಖರ್ಗೆ ಸವಾಲು ಹಾಕಿದ್ದಾರೆ.

Sponsored

ಎಂದೂ ಇಲ್ಲದ ದೇಶಪ್ರೇಮ ಎಲ್ಲಿಂದ ಉಕ್ಕಿ ಬರುತ್ತಿದೆ ಬಿಜೆಪಿಯವರಿಗೆ? ವಂದೇ ಮಾತರಂ ಗೀತೆಯನ್ನು ಸಂಪೂರ್ಣವಾಗಿ ಹಾಡಲಿ, ಅವರಿಗೆ ಬರುತ್ತಾ ಎಂದು ನಾನು ನೋಡ್ತೀನಿ, ಕೊನೆ ಪಕ್ಷ ಮೊದಲ ಎರಡು ಪ್ಯಾರ ಹಾಡಲಿ, ಲಾಸ್ಟ್‌ ಎರಡನೇ ಪ್ಯಾರ ನನಗೂ ಗೊತ್ತಿಲ್ಲ. ಅವರಿಗೆ ಹಾಡೋಕೆ ಬರುತ್ತಾ ಅಂತ ಪ್ರಶ್ನೆ ಮಾಡಿದರು.

ಅಷ್ಟೊಂದು ದೇಶಭಕ್ತಿ ಹರಿಯುತ್ತಿದ್ದರೆ ಆರ್‌ಎಸ್‌ಎಸ್‌ ಶಾಖೆಗಳಲ್ಲಿ ನಮಸ್ತೇ ಸದಾ ವತ್ಸಲೇ ಅದು ಬಿಟ್ಟು ವಂದೇ ಮಾತರಂ ಗೀತೆ ಹಾಡೋಕೆ ಹೇಳಿ, ಕೈ ಜೋಡಿಸಿ ವಂದೇ ಮಾತರಂ ಗೀತೆ ಹಾಡಿ ಆರ್‌ಎಸ್‌ಎಸ್‌ ರಾಷ್ಟ್ರಧ್ವಜಕ್ಕೆ ಗೌರವ ಕೊಡಲಿ. ಆಮೇಲೆ ನಮ್ಮ ಬಳಿ ಬರಲಿ.

ಸ್ವಾತಂತ್ರ್ಯ ಹೋರಾಟದಲ್ಲಿ ಬಿಜೆಪಿ RSS ಏನ್ ಮಾಡಿದ್ದಾರೆ. ಇಷ್ಟೆಲ್ಲಾ‌ ಹೇಳ್ತಾ ಇದ್ದೀರಾ ಬೋಸ್, ನೆಹರೂ, ಸರ್ದಾರ್ ಪಟೇಲ್, ಟ್ಯಾಗೋರ್ ಅವರು ದೇಶ ದ್ರೋಹಿಗಳಾ? ನೀಟ್ ಪೇಪರ್ ಲೀಕ್ ಬಗ್ಗೆ ಚರ್ಚೆ ಮಾಡೋಕೆ ಆಗ್ತಿಲ್ಲ. ಮೋದಿ ಜನಪ್ರಿಯತೆ ಕಡಿಮೆ ಆಗ್ತಿದೆ. ಅದನ್ನ ಹೆದರಿಸಲು ಆಗ್ತಾ ಇಲ್ಲ. ಜೆನ್ -ಝಿ ಪ್ರತಿಭಟನೆಗೆ ಉತ್ತರ ಇಲ್ಲ. ಪಿಎಂ ಕೇರ್ ಫಂಡ್ ಅಕ್ರಮ, ರಾಮಮಂದಿರ ಚಂದಾ ಚೋರಿ ಬಗ್ಗೆ ಉತ್ತರ ಇಲ್ಲ. ವಿದೇಶಾಂಗ ನೀತಿಯಿಂದ ರೈತರಿಗೆ ಹೊಡೆತ ಬೀಳ್ತಿದೆ. ಟ್ರಂಪ್ ದೋಸ್ತಿಯಿಂದ ಇದು ಆಗ್ತಿದೆ. ಅದರ ಬಗ್ಗೆ ಉತ್ತರ ಇಲ್ಲ. ಇವೆಲ್ಲ ಮುಚ್ಚಿ ಹಾಕೋಕೆ ವಂದೇ ಮಾತರಂ ತಂದಿದ್ದಾರೆ ಅಂತ ಕಿಡಿಕಾರಿದರು.