ಮಂಗಳೂರು: ದೈವಸ್ಥಾನದ ಎದುರೇ ಖಬರಿಸ್ತಾನ ನಿರ್ಮಾಣ ವಿವಾದ, ಗ್ರಾಮಸ್ಥರಿಂದ ತೀವ್ರ ವಿರೋಧ

ಮಂಗಳೂರು ಅ.10: ಮೂಡುಶೆಡ್ಡೆ ಗ್ರಾಮದಲ್ಲಿ ಹಿಂದೂ ದೈವಸ್ಥಾನದ ಎದುರಿನಲ್ಲಿ ಮುಸ್ಲಿಂ ದಫನ್‌ ಭೂಮಿಗೆ ಜಾಗ ಮಂಜೂರು ಮಾಡಿರುವ ವಿಷಯ ಇದೀಗ ವಿವಾದದ ಕಿಡಿ ಎಬ್ಬಿಸಿದೆ. ಸದ್ಯಕ್ಕೆ ಈ ಸ್ಥಳದಲ್ಲಿ ಮಣ್ಣು ಅಗೆಯುವ ಕಾರ್ಯ ಕೂಡಾ ಆರಂಭಗೊಂಡಿದೆ.

Sponsored

ಸರ್ವೇ ನಂಬರ್‌ 74 ರಲ್ಲಿ ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರಕ್ಕೆ ಮೀಸಲಿಟ್ಟಿರುವ 300ಎಕರೆ ಜಾಗದಲ್ಲಿ ಹಯತುಲ್ಲಾ ಇಸ್ಲಾಂ ಬದ್ರಿಯಾ ಜುಮ್ಮಾ ಮಸೀದಿ ಮತ್ತು ಮದರಸಕ್ಕೆ ಎರಡು ಎಕರೆ ಜಾಗವನ್ನು ಮಂಗಳೂರು ತಹಶೀಲ್ದಾರ್‌ ಆದೇಶದಂತೆ ಮಂಜೂರು ಮಾಡಲಾಗಿರುವ ಕುರಿತು ವರದಿಯಾಗಿದೆ.

ಆದರೆ ಮಸೀದಿಯಿಂದ ಎರಡು ಕಿ.ಮೀ.ದೂರದಲ್ಲಿ ಈ ಜಾಗದ ಸುತ್ತಮುತ್ತ ಜಾರಂದಾಯ ದೈವದ ಧರ್ಮ ಚಾವಡಿ, ನಾಗಬನ ಹಾಗೂ ಜೈನ ಬಸದಿಗಳು ನೆಲೆಗೊಂಡಿದೆ. ತೀರಾ ಹತ್ತಿರದಲ್ಲೇ ಖಬರಿಸ್ತಾನ ನಿರ್ಮಾಣ ಮಾಡುತ್ತಿರುವುದು ಗ್ರಾಮಸ್ಥರು ಹಾಗೂ ವಿವಿಧ ಹಿಂದೂ ಸಂಘಟನೆಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಸರಕಾರದ ಈ ನಡೆ ಖಂಡಿಸಿ ʼಮೂಡುಶೆಡ್ಡೆ ಚಲೋʼ ಗೆ ಕರೆ ನೀಡಲಾಗಿದೆ.