ಟ್ರೈನ್ ಬೆಡ್‌ಶೀಟ್‌ನಿಂದ ಸ್ಟೈಲಿಶ್ ಕುರ್ತಾ ಹೊಲಿಸಿಕೊಂಡ ಭೂಪ!!

ಭಾರತೀಯ ರೈಲ್ವೆಯ ಎಸಿ ಬೋಗಿಗಳಿಂದ ಲಕ್ಷಾಂತರ ಬೆಡ್‌ಶೀಟ್‌ಗಳು, ಹೊದಿಕೆಗಳು ಹಾಗೂ ಟವೆಲ್‌ಗಳು ಕಳ್ಳತನವಾಗುತ್ತಿರುವುದರಿಂದ ವರ್ಷಕ್ಕೆ ಕೋಟ್ಯಾಂತರ ರೂಪಾಯಿ ನಷ್ಟವಾಗುತ್ತಿದೆ ಎಂಬ ಮಾಹಿತಿ ಇತ್ತೀಚಿಗಷ್ಟೇ ಹೊರ ಬಿದ್ದಿತ್ತು. ಈ ಗಂಭೀರ ವಿಷಯದ ನಡುವೆಯೇ, ಮಧ್ಯಪ್ರದೇಶದಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋವೊಂದು ನೆಟ್ಟಿಗರ ಗಮನ ಸೆಳೆಯುತ್ತಿದ್ದು, ಭಾರಿ ವೈರಲ್ ಆಗಿದೆ.

Sponsored

ಮಧ್ಯಪ್ರದೇಶದ ಛತ್ತರ್‌ಪುರ ಜಿಲ್ಲೆಯ ಗೌರಿಹಾರ್ ಮಾರುಕಟ್ಟೆಯಲ್ಲಿ ವೃದ್ಧರೊಬ್ಬರು ಅತ್ಯಂತ ಗತ್ತಿನಿಂದ ಅಡ್ಡಾಡುತ್ತಿದ್ದು, ಅವರು ಧರಿಸಿದ್ದ ಬಿಳಿ ಕುರ್ತಾ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ. ಏಕೆಂದರೆ, ಆ ಕುರ್ತಾವನ್ನು ಭಾರತೀಯ ರೈಲ್ವೆಯ ಬೆಡ್‌ಶೀಟ್‌ನಿಂದ ಹೊಲಿಸಲಾಗಿದೆ. 

ಹೌದು, ರಂಜಿತ್ ಸಿಂಗ್ ಎಂಬ ಕಂಟೆಂಟ್ ಕ್ರಿಯೇಟರ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಇಲ್ಲಿ ನೋಡಿ, ಗೌರಿಹಾರ್ ಮಾರ್ಕೆಟ್‌ನಲ್ಲಿ ಈ ವ್ಯಕ್ತಿ ವೆಸ್ಟರ್ನ್ ರೈಲ್ವೆಯ ಸೀಲ್ ಇರುವ ಬೆಡ್‌ಶೀಟ್‌ನ ಕುರ್ತಾ ಹಾಕಿಕೊಂಡು ಎಷ್ಟು ಗತ್ತಿನಿಂದ ಓಡಾಡುತ್ತಿದ್ದಾರೆ. ಎಂದು ಬರೆದು ಪೋಸ್ಟ್​ ಹಂಚಿಕೊಂಡಿದ್ದಾರೆ. ಆಮೇಲೆ ಕೊತ್ತದಲ್ಲಿ ಭಾರತೀಯ ರೈಲ್ವೆ ಎಂದು ನೀಲಿ ಮಾರುತಿನಲ್ಲಿ ಬರೆದ ಗುರುತನ್ನು ಕಾಣಬಹುದು.