Weired News: ರೈಲಿನಲ್ಲಿ ಮಲಗಿದ್ದ ಯುವತಿ ಮುಖದ ಮೇಲೆ ಕಾಮುಕನೋರ್ವನಿಂದ ವೀರ್ಯಸ್ಖಲನ!!

Kerala Goa Train: ರೈಲು, ಬಸ್‌ ಪ್ರಯಾಣದಲ್ಲಿ ಹೆಣ್ಣುಮಕ್ಕಳಿಗೆ ಒಂದಲ್ಲ ಒಂದು ರೀತಿಯಲ್ಲಿ ಕಿರುಕುಳ, ಕಿರಿಕಿರಿ ನಡೆಯುತ್ತಲೇ ಇರುತ್ತದೆ. ಇದೇ ರೀತಿಯ ಒಂದು ಅಸಹ್ಯಕರ ಘಟನೆಯೊಂದು ನಡೆದಿದೆ. ರೈಲು ಪ್ರಯಾಣದ ಸಂದರ್ಭ ನಿದ್ದೆಗೆ ಜಾರಿದ ಯುವತಿಯೋರ್ವಳ ಮುಖದ ಮೇಲೆ ಹಸ್ತಮೈಥುನ ಮಾಡಿ, ವೀರ್ಯ ಸ್ಖಲನ ಮಾಡಿದ್ದಾನೆ ಕಾಮುಕ. ಕೇರಳದಿಂದ ಗೋವಾಗೆ ಹೋಗುತ್ತಿದ್ದ ರೈಲಿನಲ್ಲಿ ಈ ದುರ್ಘಟನೆ ನಡೆದಿದೆ. ಕರ್ನಾಟಕದ ಗೋಕರ್ಣದಲ್ಲಿ ಈ ಘಟನೆ ನಡೆದಿದೆ.

Sponsored

ಕೇರಳದ ಕೋಝಿಕೋಡ್‌ ಮೂಲದ ಯುವತಿ ಹಾಗೂ ಇಬ್ಬರು ಗೆಳೆಯರು ಪ್ರಯಾಣ ಮಾಡಿದ್ದಾರೆ. ಯುವತಿ ಹಾಗೂ ಇಬ್ಬರು ಗೆಳೆಯರು ಕೆಲ ವೀಡಿಯೋ ಶೂಟ್‌ ಮಾಡಲು ಗೋವಾಗೆ ತೆರಳಿದ್ದಾರೆ. ಸಿನಿಮಾಟೋಗ್ರಫಿ, ವೀಡಿಯೋ ವೃತ್ತಿಯಲ್ಲಿ ತೊಡಗಿಸಿಕೊಂಡಿರುವ ಇವರು ರೈಲಿನಲ್ಲಿ ಪ್ರಯಾಣ ಬೆಳೆಸಿದ್ದಾರೆ.

ಪ್ರಯಾಣದ ಸಂದರ್ಭ ಯುವತಿ ನಿದ್ದೆಗೆ ಜಾರಿದ್ದು, ಇತ್ತ ಉಳಿದ ಇಬ್ಬರು ಯುವಕರು ಕೂಡಾ ನಿದ್ದೆಗೆ ಜಾರಿದ್ದಾರೆ. ಸಮಯ ಬೆಳಗ್ಗೆ 7.30 ರ ವೇಳೆಗೆ ಕರ್ನಾಟಕದ ಗೋರ್ಕಣ ರೈಲು ನಿಲ್ದಾಣಕ್ಕೆ ಬಂದಿದೆ. ಈ ಸಂದರ್ಭ ಬೇರೆ ಸೀಟಿನಲ್ಲಿದ್ದ ಆರೋಪಿ ಮಹಾರಾಷ್ಟ್ರದ ಸಾಂಗ್ಲಿ ಮೂಲದ ದತ್ತಾತ್ರೆಯ ಚವನ್‌ ಯುವತಿ ಬಳಿ ಬಂದು ಹಸ್ತಮೈಥುನ ಮಾಡಿದ್ದಾನೆಂದು ವರದಿಯಾಗಿದೆ.

ಕೂಡಲೇ ಎಚ್ಚರಗೊಂಡ ಯುವತಿ ಸಹಾಯಕ್ಕಾಗಿ ಬೊಬ್ಬೆ ಹಾಕಿದ್ದಾಳೆ. ಇವಳ ಜೊತೆ ಇದ್ದ ಇಬ್ಬರು ಯುವಕರು ಎಚ್ಚರಗೊಂಡಿದ್ದು, ಕಾಮುಕನ ತಡೆದು ನಿಲ್ಲಿಸಿದ್ದಾರೆ. ನಂತರ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಪೊಲೀಸರು ಬಂದಿದ್ದು, ಕಾಮುಕನನ್ನು ವಶಕ್ಕೆ ಪಡೆದಿದ್ದಾರೆ.

ಈ ಕುರಿತು ಪ್ರಕರಣ ದಾಖಲಾಗಿದ್ದು, ಆರೋಪಿಯ ಕುರಿತು ವಿಚಾರಣೆ ನಡೆಸಿದ್ದಾರೆ. ಈತ ಇದೇ ರೀತಿ ಇತರ ಮಹಿಳೆಯರಿಗೆ ಕಿರುಕುಳ ನೀಡಿದ್ದಾನೆಂಬ ಅನುಮಾನದ ಮೇರೆಗೆ ಈತನ ಹಿಸ್ಟರಿ ತೆಗೆಯಲು ಪೊಲೀಸರಿಗೆ ಮನವಿ ಮಾಡಿರುವ ಕುರಿತು ವರದಿಯಾಗಿದೆ.