ಶಿರ್ಲಾಲ್‌ನಲ್ಲಿ ಬೋನಿಗೆ ಬಿದ್ದ ಕರಿ ಚಿರತೆ

ಬೆಳ್ತಂಗಡಿ: ಶಿರ್ಲಾಲ್‌ ಗ್ರಾಮದ ಮಣಿಲ ಎಂಬಲ್ಲಿ ಅರಣ್ಯ ಇಲಾಖೆ ಇಟ್ಟಿದ್ದ ಬೋನಿಗೆ ಅಪರೂಪದ ಕರಿ ಚಿರತೆಯೊಂದು ಬಿದ್ದಿದೆ. ಮಣಿಲದ ಪದ್ಮನಾಭ ಅವರ ಮನೆಯ ಸಮೀಪ ವೇಣೂರು ವಲಯ ಅರಣ್ಯ ಇಲಾಖೆಯವರು ಕೆಲ ದಿನಗಳ ಹಿಂದೆ ಬೋನನ್ನು ಇಟ್ಟಿದ್ದು, ಶನಿವಾರ (ಅ.10) ಬೆಳಗ್ಗೆ ಬೋನಿಗೆ ಕರಿ ಚಿರತೆ ಬಿದ್ದಿದೆ. ಅಪರೂಪದ ಕರಿಚಿರತೆ ನೋಡಲು ಗ್ರಾಮಸ್ಥರು ಸೇರಿದ್ದರು.

Sponsored

ಸೆರೆಯಾದ ಚಿರತೆ ಆರೋಗ್ಯದಿಂದಿದ್ದು, ಪಶುವೈದ್ಯರು ಆರೋಗ್ಯ ತಪಾಸಣೆ ಮಾಡಿ ಸುರಕ್ಷಿತವಾಗಿ ಅರಣ್ಯ ಪ್ರದೇಶದಕ್ಕೆ ಬಿಡಲಾಗುವುದು ಎಂದು ವೇಣೂರು ವಲಯ ಅರಣ್ಯಾಧಿಕಾರಿ ಭರತ್‌ ಯು ಜಿ ತಿಳಿಸಿದ್ದಾರೆ.