ಮಣಿಪಾಲ: ಕಂಬಳ ಕ್ಷೇತ್ರದಲ್ಲಿ ಹಲವಾರು ಸಾಧನೆ ಮಾಡಿದ್ದ, ಲೆಜೆಂಡ್ ಪಟ್ಟಕ್ಕೇರಿದ ನಂದಳಿಕೆ ಪಾಂಡು ಎಂಬ ಕೋಣವು ಸೋಮವಾರ (ಸೆ.28) ಮುಂಜಾನೆ ಅಸುನೀಗಿದೆ.
Sponsoredಅಪಾರ ಅಭಿಮಾನಿ ಬಳಗ ಹೊಂದಿದ್ದ ಪಾಂಡು ಕಂಬಳ ಕೂಟದಲ್ಲಿ ತನ್ನದೇ ಆದ ಛಾಪು ಮೂಡಿಸಿದ್ದ ಕೋಣ. ತನ್ನ ಓಟ, ಸ್ವಭಾವದಿಂದ ಅಭಿಮಾನಿಗಳಿಗೆ ಹತ್ತಿರವಾಗಿದ್ದ ಪಾಂಡು ಹಗ್ಗ ವಿಭಾಗದಲ್ಲಿ ದೊಡ್ಡ ಸಾಧನೆ ಮಾಡಿದ್ದ.
ಕಂಬಳ ದಿಗ್ಗಜ ಚೆನ್ನ, ಮೋಡೆ ಕೋಣಗಳೊಂದಿಗೆ ಪಾಂಡು ಜೊತೆಯಾಗಿ ಓಡಿ ಹೆಸರು ಮಾಡಿದ ಕೋಣ. ಖ್ಯಾತ ಮಾಜಿ ಓಟಗಾರ ನಕ್ರೆ ಜಯಕರ ಮಡಿವಾಳ ಅವರು ಪಾಂಡುವೊಂದಿಗೆ ಹಲವು ಪದಕಗಳಿಗೆ ಕೊರಳೊಡ್ಡಿದ್ದರು. ಓಟದ ಕರೆಯಲ್ಲಿ ಜಯಕರ ಮಡಿವಾಳರ ಸ್ವರಕ್ಕೆ ಉತ್ತಮ ಸ್ಪಂದನೆ ನೀಡಿ ಪಾಂಡು ಓಡುತ್ತಿದ್ದ ಕ್ಷಣವನ್ನು ಇಂದೂ ಕಂಬಳಾಭಿಮಾನಿಗಳು ನೆನಪಿಸಿಕೊಳ್ಳುತ್ತಾರೆ.
