ಕಡಬ: ಕಲಾರದ ಯುವಕ ನಾಪತ್ತೆ, ಪತ್ತೆಗೆ ಮನವಿ

ಕಡಬ: ಕಡಬ ಗ್ರಾಮದ ಕಲಾರ ಅಡ್ಕಾಡಿ ನಿವಾಸಿ 21 ವರ್ಷದ ಯುವಕನೊಬ್ಬ ಕಳೆದ ಜುಲೈ 16ರಿಂದ ಕಾಣೆಯಾಗಿರುವುದಾಗಿ ವರದಿಯಾಗಿದ್ದು, ಕಡಬ ಪೊಲೀಸರು ಸಾರ್ವಜನಿಕರ ಸಹಕಾರ ಕೋರಿದ್ದಾರೆ.

Sponsored

ನಾಪತ್ತೆಯಾದ ಯುವಕನನ್ನು ಮುಹಮ್ಮದ್‌ ಅಕ್ಬರ್‌ (21) ಎಂದು ಗುರುತಿಸಲಾಗಿದೆ. ಈತ ಅಬ್ದುಲ್‌ ರಷೀದ್‌ ಕೆ (ತಂದೆ ಪಿ ಹುಸೇನ್‌) ಎಂಬುವವರ ಪುತ್ರನಾಗಿದ್ದಾನೆ.

ದೂರುದಾರರ ಮಾಹಿತಿಯ ಅನುಸಾರ, ಜುಲೈ 16 ರಂದು ಬೆಳಿಗ್ಗೆ 9.30 ಗಂಟೆಗೆ ಉಪ್ಪಿನಂಗಡಿಯ ʼರಾಯೀನ್‌ ಬಟ್ಟೆ ಅಂಗಡಿʼ ಕೆಲಸಕ್ಕೆ ಹೋಗುವುದಾಗಿ ಹೇಳಿ ಮನೆಯಿಂದ ಹೊರಟಿದ್ದ ಮುಹಮ್ಮದ್‌ ಅಕ್ಬರ್‌, ಸಂಜೆಯಾದರೂ ಮನೆಗೆ ಮರಳಿ ಬಂದಿಲ್ಲ. ಕುಟುಂಬದವರು ಹಾಗೂ ಪೊಲೀಸರು ಎಲ್ಲಾ ಕಡೆ ಹುಡುಕಾಟ ನಡೆಸಿದರೂ ಯುವಕರ ಯಾವುದೇ ಸುಳಿವು ಲಭ್ಯವಾಗಿಲ್ಲ.

ಕಾಣೆಯಾದ ಯುವಕನ ಚಹರೆ ವಿವರ:
ಎತ್ತರ: 5 ಅಡಿ, ಮೈ ಬಣ್ಣ- ಬಿಳಿ, ಮೈಕಟ್ಟು-ಸಾಧಾರಣ
ಮಾತನಾಡುವ ಭಾಷೆಗಳು: ತುಳು, ಕನ್ನಡ, ಮಲಯಾಳಂ ಮತ್ತು ಬ್ಯಾರಿ
ಧರಿಸಿದ ಬಟ್ಟೆ: ಕ್ರೀಮ್‌ ಬಣ್ಣದಲ್ಲಿ ಗ್ರೇ ಬಣ್ಣದ ಗೆರೆಗಳಿರುವ ಟಿ ಶರ್ಟ್‌ ಹಾಗೂ ಗ್ರೇ ಬಣ್ಣದ ಪ್ಯಾಂಟ್‌

ಸಾರ್ವಜನಿಕರಲ್ಲಿ ವಿನಂತಿ: ಚಿತ್ರದಲ್ಲಿರುವ ಹಾಗೂ ಮೇಲ್ಕಂಡ ಚಹರೆಯುಳ್ಳ ಯುವಕನ ಕುರಿತು ಯಾವುದೇ ಮಾಹಿತಿ ಸಿಕ್ಕಲ್ಲಿ ತಕ್ಷಣವೇ ಕಡಬ ಪೊಲೀಸ್‌ ಠಾಣೆ ಮೊಬೈಲ್‌ ಸಂಖ್ಯೆ: 9480805364 ಸಂಪರ್ಕಿಸಿ ಮಾಹಿತಿ ನೀಡಬೇಕಾಗಿ ಕೋರಲಾಗಿದೆ.