ಗಂಡನ ಖಾಸಗಿ ಅಂಗಕ್ಕೆ ಕರೆಂಟ್ ಶಾಕ್ ಕೊಟ್ಟು ಹತ್ಯೆ – ಪ್ರಿಯಕರನ ಜೊತೆ ಸೇರಿ ಹೆಂಡತಿ ಕೃತ್ಯ!!

ಸುಖವಾದ ಸಂಸಾರ ಇದ್ದರೂ ಕೆಲವು ಹೆಂಡತಿಯರು ಅಕ್ರಮ ಸಂಬಂಧ ಹೊಂದಿ, ತಮ್ಮ ಪ್ರಿಯಕರನ ಜೊತೆ ಸೇರಿಯೋ ಅಥವಾ ಬೇರೆಯವರ ಜೊತೆ ಕೈಜೋಡಿಸಿ ಬಾಳು ಕೊಟ್ಟ ಗಂಡನನ್ನೇ ಕೊಲೆ ಮಾಡಿಸುತ್ತಿರುವಂತಹ ಅನೇಕ ಭೀಕರ ಕೃತ್ಯಗಳು ಬೆಳಕಿಗೆ ಬರುತ್ತಿವೆ. ಇದೀಗ ಅಂತದ್ದೇ ಒಂದು ಪ್ರಕರಣ ಬೆಳಕಿಗೆ ಬಂದಿದ್ದು ಪ್ರಿಯಕರನ ಜೊತೆ ಸೇರಿ ಗಂಡನ ಖಾಸಗಿ ಅಂಗಕ್ಕೆ ಕರೆಂಟ್ ಶಾಕ್ ಕೊಟ್ಟು ಕೊಲೆ ಮಾಡಿರುವ ಭಯಾನಕ ಘಟನೆ ಒಂದು ದೆಹಲಿಯಲ್ಲಿ ನಡೆದಿದೆ.

Sponsored

ಹೌದು, ದಕ್ಷಿಣ ದೆಹಲಿಯ ಸಂಗಮ್ ವಿಹಾರ್‌ನ ರಾತಿಯಾ ಮಾರ್ಗ್ ಪ್ರದೇಶದಲ್ಲಿ ಪ್ರಿಯಕರ ಹಾಗೂ ಆತನ ಸಹಚರನೊಂದಿಗೆ ಸೇರಿ ಪತ್ನಿ  ತನ್ನ ಗಂಡನಿಗೆ ಮತ್ತು ಬರುವ ಔಷಧಿ ನೀಡಿ, ಕುತ್ತಿಗೆ ಬಿಗಿದು, ಖಾಸಗಿ ಅಂಗಕ್ಕೆ ಕರೆಂಟ್ ಶಾಕ್ ಕೊಟ್ಟು ಭೀಕರವಾಗಿ ಹತ್ಯೆ ಮಾಡಿರುವ ಘಟನೆ ನಡೆದಿದೆ.

55 ವರ್ಷದ ಮುನ್ನಾ ಲಾಲ್ ಹತ್ಯೆಯಾದ ವ್ಯಕ್ತಿ. ಪ್ರಕರಣ ಆರೋಪಿಗಳಾದ ಪತ್ನಿ ಮಂಜು ಅಲಿಯಾಸ್ ನಾಜಿಯಾ (45), ಆಕೆಯ ಪ್ರಿಯಕರ ಚಮನ್ (20) ಹಾಗೂ ಆತನ ಸಹಚರ ಕಿಶನ್‌ನನ್ನು (28) ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ

ಆಗಸ್ಟ್ 10ರಂದು ಬೆಳಗ್ಗೆ ಸುಮಾರು 5 ಗಂಟೆಗೆ ದಕ್ಷಿಣ ದೆಹಲಿಯ ಸಂಗಮ್ ವಿಹಾರ್‌ನ ರಾತಿಯಾ ಮಾರ್ಗ್ ಪ್ರದೇಶದಲ್ಲಿ ವ್ಯಕ್ತಿಯೊಬ್ಬರು ಗಾಯಗೊಂಡು ರಸ್ತೆಯಲ್ಲಿ ಬಿದ್ದಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಬಂದಿತ್ತು. ತಕ್ಷಣವೇ ಸ್ಥಳಕ್ಕೆ ತೆರಳಿದ ಪೊಲೀಸರು ಅವರನ್ನು ಏಮ್ಸ್ ಟ್ರಾಮಾ ಸೆಂಟರ್‌ಗೆ ದಾಖಲಿಸಲಾಯಿತಾದರೂ, ವೈದ್ಯರು ಮುನ್ನಾ ಲಾಲ್ ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಆರಂಭಿಸಿದಾಗ ನೀಚ ಕೃತ್ಯ ಬೆಳಕಿಗೆ ಬಂದಿದೆ.

ಪೊಲೀಸರ ಪ್ರಕಾರ, ಮುನ್ನಾ ಲಾಲ್ ಅವರನ್ನು ಕೊಲೆ ಮಾಡಲು ಅವರ ಪತ್ನಿ ನಾಜಿಯಾ ತನ್ನ ಪ್ರಿಯಕರ ಚಮನ್‌ಗೆ 5 ಲಕ್ಷ ರೂ. ನೀಡುವುದಾಗಿ ಆಮಿಷವೊಡ್ಡಿದ್ದಳು. ಚಮನ್ ದಂಪತಿಯ ಮನೆಯ ಸಮೀಪದ ಅಂಗಡಿಯೊಂದರಲ್ಲಿ ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಿದ್ದ . ಕೊಲೆ ನಡೆದ ಹಿಂದಿನ ರಾತ್ರಿ ಚಮನ್ ನಿದ್ದೆ ಮಾತ್ರೆಗಳನ್ನು ನಾಜಿಯಾಗೆ ನೀಡಿದ್ದ. ಆಕೆ ಮಾತ್ರೆಗಳನ್ನು ನೀರಿನಲ್ಲಿ ಬೆರೆಸಿ ಪತಿ ಮುನ್ನಾ ಲಾಲ್‌ಗೆ ಕುಡಿಸಿದ್ದಳು. ಬಳಿಕ ಪತಿ ನಿದ್ರೆಗೆ ಜಾರಿದಾಗ ಚಮನ್ ಮನೆಗೆ ಪ್ರವೇಶಿಸಿ ಹತ್ಯೆ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಕೃತ್ಯಕ್ಕೆ ಚಮನ್‌ನ ಸಹಚರ ಕಿಶನ್ ಕೂಡ ನೆರವಾಗಿದ್ದಾನೆ ಎಂದು ತನಿಖೆಯಲ್ಲಿ ತಿಳಿದುಬಂದಿದೆ. ಕೊಲೆಯ ನಂತರ ಮುನ್ನಾ ಲಾಲ್ ಅವರ ಮೃತದೇಹವನ್ನು ಮನೆಯ ಹೊರಗಿನ ರಸ್ತೆಯಲ್ಲಿ ಬಿಟ್ಟು ಹೋಗಲಾಗಿತ್ತು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ 

22 ವರ್ಷದ ದಾಂಪತ್ಯದಲ್ಲಿ ಬಿರುಕು:

ಮುನ್ನಾ ಲಾಲ್ ಮತ್ತು ನಾಜಿಯಾ ಸುಮಾರು 22 ವರ್ಷಗಳ ಹಿಂದೆ ವಿವಾಹವಾಗಿದ್ದರು. ದಂಪತಿಗೆ ಇಬ್ಬರು ಪುತ್ರಿಯರು ಹಾಗೂ ಒಬ್ಬ ಪುತ್ರನಿದ್ದಾನೆ. ಸಾಮಾನ್ಯವಾಗಿ ತಂದೆಯೊಂದಿಗೇ ಇರುತ್ತಿದ್ದ ಮಗ ಘಟನೆ ನಡೆದ ರಾತ್ರಿ ಕನ್ವರ್ ಯಾತ್ರೆಯಲ್ಲಿ ಭಾಗವಹಿಸಲು ತೆರಳಿದ್ದ. ದಂಪತಿಯ ನಡುವೆ ಆಗಾಗ್ಗೆ ಜಗಳ ನಡೆಯುತ್ತಿತ್ತು. ದಾಂಪತ್ಯ ಜೀವನದ ಅಸಮಾಧಾನ, ಹಣಕಾಸಿನ ವಿಚಾರಗಳು ಹಾಗೂ ನಾಜಿಯಾಗೆ ಚಮನ್ ಜೊತೆ ಇದ್ದ ಎನ್ನಲಾದ ವಿವಾಹೇತರ ಸಂಬಂಧವು ಕೊಲೆಗೆ ಕಾರಣವಾಗಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ. ಸದ್ಯ ಮೂವರು ಆರೋಪಿಗಳನ್ನೂ ಬಂಧಿಸಲಾಗಿದ್ದು, ಪ್ರಕರಣದ ತನಿಖೆ ಮುಂದುವರಿದಿದೆ.