ಸೋಮವಾರ, 16 ನವೆಂಬರ್ 2026
Trending

ರೈಲ್ವೆ ಟ್ರ್ಯಾಕ್ ಮೇಲೆ ಬಿದ್ದ ಮಕ್ಕಳನ್ನು ಚಲಿಸುವ ರೈಲಿನಡಿ ಮಲಗಿ ಕಾಪಾಡಿದ ತಾಯಿ- ಎದೆ ಝಲ್ ಎನಿಸುವ ವಿಡಿಯೋ ವೈರಲ್

Advertisement
Advertisement

ಹಳಿ ದಾಟುವ ವೇಳೆ ಯಮನಂತೆ ಧಾವಿಸಿ ಬರುತ್ತಿದ್ದ ರೈಲನ್ನು ಕಂಡು ಎದೆಗುಂದದ ತಾಯಿಯೊಬ್ಬಳು, ತನ್ನಿಬ್ಬರು ಮಕ್ಕಳನ್ನು ಎದೆಗೆ ಕಚ್ಚಿ ಹಿಡಿದು ಪ್ರಾಣಾಪಾಯದಿಂದ ಪಾರುಮಾಡಿರುವ ರೋಮಾಂಚನಕಾರಿ ಘಟನೆ ಬಿಹಾರದ ಸಮಸ್ತಿಪುರ ಜಿಲ್ಲೆಯಲ್ಲಿ ನಡೆದಿದೆ.

Sponsored

ಸಮಸ್ತಿಪುರ ಜಿಲ್ಲೆಯ ಶಾಪುರ್ ಪಟೋರಿ ರೈಲ್ವೆ ನಿಲ್ದಾಣದಲ್ಲಿ ಮೂವರು ಮಹಿಳೆಯರು ತಮ್ಮಿಬ್ಬರು ಮಕ್ಕಳೊಂದಿಗೆ ರೈಲ್ವೆ ಹಳಿ ದಾಟುತ್ತಿದ್ದರು. ದುರದೃಷ್ಟವಶಾತ್, ಅವರು ಹಳಿ ದಾಟುತ್ತಿದ್ದ ಅದೇ ಸಮಯಕ್ಕೆ ತೀವ್ರ ವೇಗದಲ್ಲಿ ಎಕ್ಸ್ಪ್ರೆಸ್ ರೈಲೊಂದು ಅದೇ ಟ್ರ್ಯಾಕ್ಗೆ ಧಾವಿಸಿ ಬಂದಿದೆ. ಪ್ಲಾಟ್ಫಾರ್ಮ್ ಏರುವಷ್ಟರಲ್ಲಿ ರೈಲು ಅತ್ಯಂತ ಹತ್ತಿರ ಬಂದಿದ್ದರಿಂದ ಗಾಬರಿಗೊಂಡ ಮಹಿಳೆಯರು, ಪ್ಲಾಟ್ಫಾರ್ಮ್ ಹಾಗೂ ಹಳಿಯ ಪಕ್ಕದಲ್ಲಿದ್ದ ಅತ್ಯಂತ ಕಿರಿದಾದ ಜಾಗದಲ್ಲಿ (ಗ್ಯಾಪ್) ಅಡಗಿ ಕುಳಿತಿದ್ದಾರೆ. 

Advertisement
Advertisement

ರೈಲು ಚಲಿಸುವಾಗ ಮಕ್ಕಳು ಹೆದರಿ ಹೊರಗೆ ಓಡಿಬರಬಾರದೆಂದು, ಆ ತಾಯಿ ತನ್ನಿಬ್ಬರು ಮಕ್ಕಳನ್ನು ಗಟ್ಟಿಯಾಗಿ ಅಪ್ಪಿ ಹಿಡಿದು ಹಳಿಯ ಪಕ್ಕದಲ್ಲೇ ಮಲಗಿಕೊಂಡಿದ್ದಾಳೆ. ರೈಲಿನ ಎಲ್ಲಾ ಬೋಗಿಗಳು ಹಾದುಹೋಗುವವರೆಗೂ ಆಕೆ ಕಣ್ಮುಚ್ಚಿ ಮಕ್ಕಳನ್ನು ತನ್ನ ದೇಹದ ಕೆಳಗೆ ರಕ್ಷಿಸಿಕೊಂಡಿದ್ದಾಳೆ. ರೈಲಿನ ಚಕ್ರದ ಕೆಲವು ಭಾಗಗಳು ತಾಯಿಯ ಕಾಲಿಗೆ ಗಂಭೀರವಾದ ನೋವುಂಟು ಮಾಡಿದರು ಕೂಡ ಆಕೆ ಸ್ವಲ್ಪವೂ ವಿಚಲಿತವಾಗದೆ ತನ್ನ ಮಕ್ಕಳನ್ನು ರಕ್ಷಿಸಿದ್ದಾಳೆ. ಮೈ ಜುಮ್ ಎನಿಸುವಂತ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲಾಗಿದೆ.

Advertisement
Advertisement
Advertisement