ಸೋಮವಾರ, 16 ನವೆಂಬರ್ 2026
Trending

12 ವರ್ಷಕ್ಕೆ ಹುಡುಗರಾಗಿ ಬದಲಾಗ್ತಾರೆ ಈ ಹಳ್ಳಿಯ ಹುಡುಗಿಯರು – ವೈದ್ಯ ಲೋಕಕ್ಕೆ ಸವಾಲು

Advertisement
Advertisement

ಇದೊಂದು ಊರಲ್ಲಿ ಹೆಣ್ಣು ಮಕ್ಕಳು ಹುಟ್ಟಿದ ಸುಮಾರು 12 ವರ್ಷಗಳವರೆಗೆ ಒಂದು ಹೆಣ್ಣಿಗೆ ಏನೆಲ್ಲಾ ಅಲಂಕಾರ ಮಾಡಬೇಕಾಗುತ್ತದೆಯೋ ಅದನ್ನೆಲ್ಲಾ ಹಾಕಿ ಸಂಭ್ರಮಿಸುತ್ತಾರೆ.  ಆದರೆ 12 ವರ್ಷಗಳ ಬಳಿಕ ಮತ್ತೆ ಅವರಿಗೆ ಅದೃಷ್ಟ ಸಿಗುವುದಿಲ್ಲ. ಯಾಕೆಂದರೆ ಇದ್ದಕ್ಕಿದ್ದಂತೆ ಆ ಹೆಣ್ಣು ಮಗು ಹುಡುಗನಾಗಿ ಬದಲಾಗುತ್ತದೆ. ಇದು ನಿಮಗೆ ನಂಬಲ ಸಾಧ್ಯವಾದರೂ ಕೂಡ ಸತ್ಯ. ಕೆರಿಬಿಯನ್ ಸಮುದ್ರದಲ್ಲಿರುವ ಡೊಮಿನಿಕನ್ ರಿಪಬ್ಲಿಕ್ ದೇಶದ ಸಲಿನಾಸ್ ಎಂಬ ಪುಟ್ಟ ಹಳ್ಳಿಯಲ್ಲಿ ಈ ವಿಚಿತ್ರ ತಲೆಮಾರುಗಳಿಂದ ನಡೀತಿದೆ. ವಿಜ್ಞಾನ ಲೋಕವನ್ನೇ ಬೆಚ್ಚಿಬೀಳಿಸಿದ ಈ ಅಪರೂಪದ ರಹಸ್ಯದ ಹಿಂದಿನ ಅಸಲಿ ಕಥೆ ಏನು ಗೊತ್ತಾ?

Sponsored

ಯಸ್, ಇಲ್ಲಿ ಹುಟ್ಟೋ ಕೆಲವು ಮಕ್ಕಳು 12ನೇ ವಯಸ್ಸಿಗೆ, ಅಂದ್ರೆ ಹದಿಹರೆಯಕ್ಕೆ ಕಾಲಿಡುತ್ತಿದ್ದಂತೆ ಹುಡುಗಿಯರಿಂದ ಹುಡುಗರಾಗಿ ಬದಲಾಗ್ತಾರೆ. ಸ್ಥಳೀಯವಾಗಿ ಈ ಮಕ್ಕಳನ್ನು ‘ಗೆವೆಡೋಸೆಸ್’ (Guevedoces) ಅಂತ ಕರೀತಾರೆ. ಸ್ಪ್ಯಾನಿಷ್ ಭಾಷೆಯಲ್ಲಿ ಇದರರ್ಥ ’12ನೇ ವಯಸ್ಸಿನಲ್ಲಿ ಪುರುಷತ್ವ ಪಡೆಯುವವರು’ ಅಂತ. ಇಲ್ಲಿ ಹುಟ್ಟುವ ಪ್ರತಿ 90 ಮಕ್ಕಳಲ್ಲಿ ಒಬ್ಬರಿಗೆ ಹೀಗೆ ಆಗೋದು ವಿಶೇಷ.

Advertisement
Advertisement

ಇಲ್ಲಿ ಹೆಣ್ಣು ಮಕ್ಕಳಿಗೆ 12 ವರ್ಷ ತುಂಬುತ್ತಿದ್ದಂತೆ ದೇಹದಲ್ಲಿ ನಿಧಾನವಾಗಿ ಬದಲಾವಣೆ ಶುರುವಾಗುತ್ತೆ. ದೇಹದಲ್ಲಿ ಗಂಡಸರ ಹಾರ್ಮೋನುಗಳು ಇದ್ದಕ್ಕಿದ್ದಂತೆ ಬಿಡುಗಡೆಯಾಗಿ, ಪುರುಷರ ಜನನಾಂಗಗಳು ಬೆಳೆಯಲು ಆರಂಭಿಸುತ್ತವೆ. ಧ್ವನಿ ಒಡೆದು ಗಡುಸಾಗುತ್ತೆ. ದೇಹದ ಭಾಷೆ ಕೂಡ ಸಂಪೂರ್ಣವಾಗಿ ಹುಡುಗರಂತೆಯೇ ಆಗಿಬಿಡುತ್ತೆ. 

Advertisement

ಆರಂಭದಲ್ಲಿ ಇದನ್ನು ಅನೇಕರು ದೆವ್ವಭೂತದ ಕಾಟ ಎಂದು ನಂಬಿದ್ದರು . ಆದರೆ 1970ರಲ್ಲಿ ಕಾರ್ನೆಲ್ ಯೂನಿವರ್ಸಿಟಿಯ ಪ್ರಸಿದ್ಧ ಹಾರ್ಮೋನ್ ತಜ್ಞೆ ಡಾ. ಜೂಲಿಯನ್ ಇಂಪೆರಾಟೋ ಈ ಹಳ್ಳಿಗೆ ಬಂದು ಸಂಶೋಧನೆ ನಡೆಸಿದ್ರು. ಆಗಲೇ ಇದರ ಹಿಂದಿನ ಅಸಲಿ ರಹಸ್ಯ ಬಯಲಾಯ್ತು. ಇಲ್ಲಿ ನಡೀತಿರೋದು ಯಾವುದೇ ವಿಚಿತ್ರವಲ್ಲ, ಇದೊಂದು ಅಪರೂಪದ ಆನುವಂಶಿಕ ಕಾಯಿಲೆ (Genetic Disorder) ಅಂತ ಅವರು ಸ್ಪಷ್ಟಪಡಿಸಿದರು.

ಈ ಮಕ್ಕಳಿಗೆ ಗಂಡಸರ ಕ್ರೋಮೋಸೋಮ್ ಇದ್ದರೂ, ತಾಯಿಯ ಗರ್ಭದಲ್ಲಿರುವಾಗ ‘5-ಆಲ್ಫಾ ರಿಡಕ್ಟೇಸ್’ ಎಂಬ ಎಂಜೈಮ್ ಕೊರತೆ ಇರುತ್ತೆ. ಇದರಿಂದ ಗರ್ಭದಲ್ಲಿ ‘ಡೈಹೈಡ್ರೊ-ಟೆಸ್ಟೋಸ್ಟೆರಾನ್’ ಎಂಬ ಪುರುಷ ಹಾರ್ಮೋನ್ ಉತ್ಪತ್ತಿಯಾಗಲ್ಲ. ಹಾಗಾಗಿ, ಹೊಟ್ಟೆಯಲ್ಲಿ ಗಂಡು ಮಗು ಇದ್ದರೂ, ಹುಟ್ಟುವಾಗ ಹೆಣ್ಣು ಮಗುವಿನ ರೂಪದಲ್ಲಿ ಹೊರಬರುತ್ತಾರೆ. ಆದರೆ 12 ವರ್ಷ ಆಗುತ್ತಿದ್ದಂತೆ, ದೇಹದಲ್ಲಿ ಮತ್ತೆ ದೊಡ್ಡ ಪ್ರಮಾಣದಲ್ಲಿ ‘ಟೆಸ್ಟೋಸ್ಟೆರಾನ್’ ಬಿಡುಗಡೆಯಾಗುತ್ತೆ. ಇದರಿಂದ ಗರ್ಭದಲ್ಲಿ ಆಗಬೇಕಿದ್ದ ಬದಲಾವಣೆಗಳು 12 ವರ್ಷದ ನಂತರ ಆಗಿ, ಆ ಹುಡುಗಿ ಪೂರ್ತಿ ಹುಡುಗನಾಗಿ ಬದಲಾಗುತ್ತಾರೆ.

ಇನ್ನು ಈ ಹಳ್ಳಿಯಲ್ಲಿ 12 ವರ್ಷಕ್ಕೆ ಹುಡುಗರಾಗಿ ಬದಲಾದವರು, ದೊಡ್ಡವರಾದ ಮೇಲೆ ಸಾಮಾನ್ಯ ಗಂಡಸರಂತೆಯೇ ಮದುವೆಯಾಗಿ ಸಂತೋಷದ ಜೀವನ ನಡೆಸುತ್ತಿದ್ದಾರೆ. ಈ ಗ್ರಾಮವು ಬಹಳ ಕಾಲ ಹೊರ ಜಗತ್ತಿನಿಂದ ಪ್ರತ್ಯೇಕವಾಗಿದ್ದ ಕಾರಣ, ಈ ಆನುವಂಶಿಕ ಸಮಸ್ಯೆ ತಲೆಮಾರುಗಳಿಂದ ಮುಂದುವರಿದುಕೊಂಡು ಬಂದಿದೆ.

Advertisement
Advertisement