Fastag ಪಾಸ್‌ ದರ ಹೆಚ್ಚಳ – ಈಗಾಗಲೇ ಪಾಸ್‌ ಖರೀದಿಸಿದವರಿಗೂ ತಟ್ಟುತ್ತಾ ಬೆಲೆ ಏರಿಕೆ ಬಿಸಿ ?

Fastag: ವಾಹನ ಸವಾರರಿಗೆ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು ಶಾಕ್ ನೀಡಿದ್ದು ಏಪ್ರಿಲ್ ಒಂದರಿಂದ ಅಂದರೆ ನಿನ್ನೆಯಿಂದ ವಾರ್ಷಿಕ ಫಾಸ್ಟ್ ಟ್ಯಾಗ್ ಪಾಸ್ ದರವನ್ನು 75 ಏರಿಕೆ ಮಾಡಿದೆ. ಹಾಗಾದ್ರೆ ಈಗಾಗಲೇ ಪಾಸ್‌ ಖರೀದಿಸಿದವರಿಗೂ ಬೆಲೆ ಏರಿಕೆ ಬಿಸಿ ತಟ್ಟುತ್ತಾ ಎಂಬ ಪ್ರಶ್ನೆ ಉದ್ಭವವಾಗಿದೆ. ಇದಕ್ಕೆ ಇಲ್ಲಿದೆ ನೋಡಿ ಕ್ಲಾರಿಟಿ.

Sponsored

ಹೌದು, ಫಾಸ್ಟ್ಯಾಗ್ ವಾರ್ಷಿಕ ಪಾಸ್ ದರ ಏಪ್ರಿಲ್ 1ರಿಂದ 75 ರೂ. ಹೆಚ್ಚಳವಾಗಲಿದೆ. ಸದ್ಯ 3 ಸಾವಿರ ರೂಪಾಯಿ ವಾರ್ಷಿಕ ಪಾಸ್ ದರ ಇದ್ದು, ಮುಂದಿನ ತಿಂಗಳಿನಿಂದ 3075 ರೂ. ಆಗಿದೆ. ವಾರ್ಷಿಕ ದರ ಪರಿಷ್ಕರಣೆಯ ಭಾಗವಾಗಿ ವಾರ್ಷಿಕ ಪಾಸ್ ಶುಲ್ಕ ಹೆಚ್ಚಳ ಮಾಡಲಾಗಿದೆ. ಫಾಸ್ಟ್ಯಾಗ್ ವಾರ್ಷಿಕ ಪಾಸ್ ಖರೀದಿಸುವ ಖಾಸಗಿ ಕಾರು ಮಾಲೀಕರು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ವ್ಯಾಪ್ತಿಯ ಟೋಲ್ ಪ್ಲಾಜಾಗಳಲ್ಲಿ ವರ್ಷಕ್ಕೆ 200 ಟ್ರಿಪ್ ಕೈಗೊಳ್ಳಬಹುದು. ಈ ವಾರ್ಷಿಕ ಪಾಸ್ ಅನ್ನು ವರ್ಷದಲ್ಲಿ ಎಷ್ಟು ಬಾರಿಯಾದರೂ ರೀಚಾರ್ಜ್ ಮಾಡಬಹುದಾಗಿದೆ.

ಇದರ ನಡುವೆ ಈಗಾಗಲೇ ವಾರ್ಷಿಕ ಪಾಸ್‌ ಖರೀದಿ ಮಾಡಿರುವ ವ್ಯಕ್ತಿಗಳು ಹೆಚ್ಚಳದ ಮೊತ್ತವನ್ನು ನೀಡಬೇಕಾ, ಬೇಡವಾ ಅನ್ನೋ ಗೊಂದಲದಲ್ಲಿದ್ದಾರೆ. ಆದರೆ, ಈ ಹೆಚ್ಚಳ ಈಗಾಗಲೇ ವಾರ್ಷಿಕ ಪಾಸ್‌ಅನ್ನು 3 ಸಾವಿರ ರೂಪಾಯಿಗೆ ಖರೀದಿ ಮಾಡಿದವರಿಗೆ ಅನ್ವಯಿಸೋದಿಲ್ಲ. ಅವರ ವಾರ್ಷಿಕ ಪಾಸ್‌ ರಿನಿವಲ್‌ ಮಾಡಬೇಕಾದಾಗ ಅವರು 3075 ರೂಪಾಯಿ ಪಾವತಿ ಮಾಡಬೇಕಾಗುತ್ತದೆ. ಇದರಿಂದಾಗಿ ಈಗಾಗಲೇ ಖರೀದಿ ಮಾಡಿದವರಿಗೆ ಈ ಬೆಲೆ ಏರಿಕೆ ಬಿಸಿ ತಟ್ಟೋದಿಲ್ಲ. 

ಈ ಪಾಸ್ ಅನ್ನು ಕೇವಲ ವಾಣಿಜ್ಯೇತರ ಖಾಸಗಿ ವಾಹನಗಳಾದ ಕಾರು, ಜೀಪ್ ಮತ್ತು ವ್ಯಾನ್‌ಗಳಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಪಾಸ್ ಪಡೆದವರು ಒಂದು ವರ್ಷದ ಅವಧಿಯಲ್ಲಿ ಅಥವಾ 200 ಟೋಲ್ ದಾಟುವವರೆಗೆ (ಯಾವುದು ಮೊದಲೋ ಅದು) ಉಚಿತವಾಗಿ ಸಂಚರಿಸಬಹುದು. ಆಗಸ್ಟ್ 2025 ರಲ್ಲಿ ಈ ವಾರ್ಷಿಕ ಪಾಸ್ ವ್ಯವಸ್ಥೆಯನ್ನು ಜಾರಿಗೆ ತರಲಾಗಿತ್ತು. ಪ್ರತಿದಿನ ಪ್ರಯಾಣಿಸುವವರು ಮತ್ತು ಆಗಾಗ ಹೆದ್ದಾರಿ ಬಳಸುವವರು ಇದನ್ನು ಹೆಚ್ಚಾಗಿ ಬಳಸುತ್ತಿದ್ದಾರೆ. ಇದು ಪ್ರತಿ ಟ್ರಿಪ್‌ನ ಟೋಲ್ ವೆಚ್ಚವನ್ನು ಕಡಿಮೆ ಮಾಡುತ್ತದೆ.