Snakes: ಹಾವುಗಳ ಕಣ್ಣು ಮನುಷ್ಯನನ್ನು ಗುರುತಿಸುವಲ್ಲಿ ಎಷ್ಟು ಸೂಕ್ಷ್ಮವಾಗಿದೆ ಗೊತ್ತಾ?

Snakes: ಹಾವುಗಳ ಬಗ್ಗೆ ಅನೇಕ ತಪ್ಪು ಕಲ್ಪನೆಗಳಿವೆ. ಅದರಲ್ಲೂ ಹಾವುಗಳಿಗೆ ಕಣ್ಣುಗಳಿಲ್ಲ ಎಂಬ ತಪ್ಪು ಕಲ್ಪನೆ ಇದೆ. ಆದರೆ ಇದು ನಿಜವಲ್ಲ. ಯಾಕೆಂದರೆ ಹಾವುಗಳು ತಮ್ಮ ತಲೆಯ ಮೇಲ್ಭಾಗದಲ್ಲಿ ಕಣ್ಣುಗಳನ್ನು ಹೊಂದಿರುತ್ತವೆ.

Sponsored

ಹೌದು, ವಿಷಕಾರಿ ಹಾವುಗಳು ಮತ್ತು ಇತರೇ ಎಲ್ಲಾ ಹಾವುಗಳು ತುಂಬಾ ಚೂಪಾದ ಕಣ್ಣು ಅಂದರೆ ಸೂಕ್ಷ್ಮ ನೋಟಗಳನ್ನು ಹೊಂದಿದೆ. ಹಾವುಗಳು (Snakes) ತನ್ನ ಬೇಟೆಯನ್ನು ದೂರದಿಂದಲೇ ಗುರುತಿಸುತ್ತವೆ ಮತ್ತು ನಂತರ ಅವುಗಳನ್ನು ಬೆನ್ನಟ್ಟಲು ಪ್ರಾರಂಭಿಸುತ್ತವೆ. ಉರಗ ತಜ್ಞರ ಪ್ರಕಾರ, ಹಾವು ಮತ್ತು ಇತರ ಪ್ರಾಣಿಗಳ ಕಣ್ಣುಗಳ ನಡುವೆ ಹಲವು ವ್ಯತ್ಯಾಸಗಳಿವೆ. ಹಾವುಗಳು ತಮ್ಮ ಕಣ್ಣುಗಳಲ್ಲಿ ರಾಡ್ ಮತ್ತು ಕೋನ್ ಕೋಶಗಳನ್ನು ಹೊಂದಿರುತ್ತವೆ, ಇದು ಎರಡು ಆಯಾಮದ ಬಣ್ಣಗಳನ್ನು ಅಂದರೆ ನೀಲಿ ಮತ್ತು ಹಸಿರು ಬಣ್ಣಗಳನ್ನು ನೋಡಲು ಅನುವು ಮಾಡಿಕೊಡುತ್ತದೆ.

ಹಾವುಗಳಿಗೆ ಚಲಿಸಬಲ್ಲ ಕಣ್ಣುರೆಪ್ಪೆಗಳಿಲ್ಲ. ಆದ್ರೆ ಬದಲಾಗಿ, ಸ್ಲೌಕಿಂಗ್ ಸಮಯದಲ್ಲಿ ಚರ್ಮದ ಉಳಿದ ಭಾಗದೊಂದಿಗೆ ಚೆಲ್ಲುವ ಸ್ಥಿರವಾದ ಪಾರದರ್ಶಕ ಗುರಾಣಿ ಕಣ್ಣನ್ನು ಆವರಿಸುತ್ತದೆ.  ಹಾವು ಎಷ್ಟು ಚೆನ್ನಾಗಿ ನೋಡುತ್ತದೆ ಎಂಬುದು ಅದು ಯಾವ ಜಾತಿ ಹಾವು ಎನ್ನುವುದರ ಮೇಲೆ ಅವಲಂಬಿತವಾಗಿರುತ್ತದೆ. ಹಾವು ತನ್ನ ನೈಸರ್ಗಿಕ ಆವಾಸ ಸ್ಥಾನದಲ್ಲಿ ಎಲ್ಲಿ ವಾಸಿಸುತ್ತದೆ ಮತ್ತು ಸದಾ ಎಚ್ಚರವಾಗಿರುತ್ತದೆ. ಉದಾಹರಣೆಗೆ, ಹಗಲಿನಲ್ಲಿ ಬೇಟೆಯಾಡುವ ಹಾವುಗಳು – ನಾಗರಹಾವುಗಳು ಅಥವಾ ಇತರೇ ಕೆಲವು ನಾಗರಹಾವುಗಳು  ಉತ್ತಮ ದೃಷ್ಟಿಯನ್ನು ಹೊಂದಿರುತ್ತವೆ. ಆ ಜಾತಿಯ ಹಾವುಗಳಲ್ಲಿ ಕಿಂಗ್ ಕೋಬ್ರಾ ಮತ್ತು ಇಂಡಿಯನ್ ಕೋಬ್ರಾ ಸೇರಿವೆ. Nationalzoo.si.edu ವರದಿಯ ಪ್ರಕಾರ, ಈ ಎರಡೂ ಜಾತಿಯ ಹಾವುಗಳ ಕಣ್ಣುಗಳು ತೀಕ್ಷ್ಣವಾಗಿರುತ್ತವಂತೆ. ಈ ಜಾತಿಯ ಹಾವುಗಳು ಒಬ್ಬ ವ್ಯಕ್ತಿಯು ಸುಮಾರು 330 ಅಡಿ ಅಂದರೆ 100 ಮೀಟರ್ ದೂರದಲ್ಲಿ ನಡೆಯುವುದನ್ನು ನೋಡಬಹುದಂತೆ.

ಇನ್ನು ಹೆಚ್ಚಿನ ಜಾತಿಯ ಹಾವುಗಳ ದೃಷ್ಟಿ ತುಸು ಮಂದವಾಗಿರುತ್ತವೆ. ಅದಕ್ಕಾಗಿಯೇ ಅವು ತಮ್ಮ ಸುತ್ತಮುತ್ತಲಿನ ಪ್ರದೇಶವನ್ನು ಅಳೆಯಲು ಎಲ್ಲಾ ಸಮಯದಲ್ಲೂ ತನ್ನ ನಾಲಿಗೆಯನ್ನು ಹೊರ ಚಾಚುತ್ತಲೇ ಇರುತ್ತವೆ. ಆದ್ದರಿಂದ ಅದು ತಮ್ಮ ಸುತ್ತಲೂ ಪ್ರಾಣಿ, ಬೇಟೆ ಅಥವಾ ಮನುಷ್ಯ ಇದ್ದರೆ ಮಾತ್ರ ಅದನ್ನು ನೋಡಬಹುದು.

ತಜ್ಞರ ಪ್ರಕಾರ, ರಾತ್ರಿಯಲ್ಲಿ ಅನೇಕ ಜಾತಿಯ ಹಾವುಗಳು ಬೇಟೆಯಾಡಲು ಹೊರಬರುತ್ತವೆ. ಏಕೆಂದರೆ ಅವುಗಳು ಹಗಳಿಗಿಂತ ರಾತ್ರಿಯಲ್ಲಿ ಉತ್ತಮವಾಗಿ ನೋಡುತ್ತವೆ. ಭಾರತದಲ್ಲಿ ಕಂಡುಬರುವ ಸಾಮಾನ್ಯ ಕ್ರೇಟ್ ಇವುಗಳಲ್ಲಿ ಒಂದಾಗಿದೆ. ಈ ಹಾವು ರಾತ್ರಿಯಲ್ಲಿ ಬೇಟೆಯಾಡಲು ಬರುತ್ತದೆ ಮತ್ತು ಕೆಲವೊಮ್ಮೆ ವ್ಯಕ್ತಿಯ ಹಾಸಿಗೆಗೆ ಪ್ರವೇಶಿಸಿ ಕಚ್ಚುತ್ತದೆ.

ಹಾವುಗಳು ಉತ್ತಮ ದೃಷ್ಟಿಯನ್ನು ಹೊಂದಿವೆ, ಮತ್ತು ಚಲನೆಯನ್ನು ನೋಡಿಕೊಂಡು ಅದಕ್ಕೆ ತಕ್ಕಂತೆ ಪ್ರತಿಕ್ರಿಯಿಸುತ್ತವೆ. ಅದಕ್ಕಾಗಿ ನೀವು ಹಾವನ್ನು ಕಂಡಾಗ ಮೊದಲು ನೀವಿದ್ದ ಜಾಗದಿಂದ ಹಿಂದಕ್ಕೆ ಹೋಗಿ. ಒಮ್ಮೆ ನೀವು ಯಾವುದೇ ಹಾವಿನಿಂದ 5 ಮೀ ಅಥವಾ ಅದಕ್ಕಿಂತ ಹೆಚ್ಚು ದೂರದಲ್ಲಿದ್ದರೆ ನೀವು ಸುರಕ್ಷಿತವಾಗಿರುತ್ತೀರಿ ಎಂದರ್ಥ. ಯಾಕೆಂದರೆ ಅಷ್ಟು ದೂರದಿಂದ ಅವಕ್ಕೆ ಕಚ್ಚಲಾಗುವುದಿಲ್ಲ.