ದೈವಕ್ಕೆ ಡಿಕೆಶಿ ಅಪಮಾನ? ಸಚಿವ ಯುಟಿ ಖಾದರ್ ಪ್ರತಿಕ್ರಿಯೆ

ಇತಿಹಾಸದಲ್ಲಿ ಪ್ರಪ್ರಥಮ ಬಾರಿಗೆ ಎಂಬಂತೆ ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರಿನಲ್ಲಿ ರಾಜ್ಯ ಸಚಿವ ಸಂಪುಟ ಸಭೆ ನೆರವೇರುತ್ತಿದೆ. ಈ ಸಭೆ ಹಿನ್ನೆಲೆಯಲ್ಲಿ ಎಲ್ಲರಿಗೂ ಮುಂಚಿತವಾಗಿಯೇ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಅವರು ಮಂಗಳೂರಿಗೆ ಆಗಮಿಸಿ ಇಲ್ಲಿಯ ಸಂಸ್ಕೃತಿ, ಸಂಪ್ರದಾಯ ಹಾಗೂ ಆಚರಣೆಗಳಿಗೆ ಸಂಬಂಧಪಟ್ಟ ವಿಚಾರಗಳನ್ನು ಪರಿಶೀಲಿಸಿ ಸಂತೋಷಪಟ್ಟಿದ್ದಾರೆ.

Sponsored

ಕರಾವಳಿ ಕಲೆಗಳಿಗೆ ಸಂಬಂಧಿಸಿದಂತೆ ಹಲವು ಉಪಕರಣಗಳನ್ನು ಅವರ ವೀಕ್ಷಿಸುತ್ತಿದ್ದ ವೇಳೆ ದೈವಕ್ಕೆ ಸಂಬಂಧಿಸಿದ ವಸ್ತುಗಳನ್ನು ಚಪ್ಪಲಿ ಹಾಕಿಕೊಂಡು ಮುಟ್ಟಿ, ತುಳುನಾಡಿನ ದೈವಗಳಿಗೆ ಅಪಮಾನ ಮಾಡಿದ್ದಾರೆ ಎಂದು ಬಿಜೆಪಿ ಕಿಡಿ ಕಾರಿದೆ. ಈ ಬಗ್ಗೆ ಇದೀಗ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಯು ಟಿ ಖಾದರ್ ಅವರು ಪ್ರತಿಕ್ರಿಯೆ ನೀಡಿದ್ದಾರೆ.

ಮಾಧ್ಯಮಗಳ ಜೊತೆ ಮಾತನಾಡಿದ ಯು ಟಿ ಖಾದರ್ ಅವರು “ಬಿಜೆಪಿಯವರಿಗೆ ಬರಿ ಅದೇ ಕೆಲಸ. ಕರಾವಳಿಯ ಧಾರ್ಮಿಕ ವಿಚಾರಗಳ ಕುರಿತಾಗಿ ಬಿಜೆಪಿಯವರಿಗೆ ಎ ಬಿ ಸಿ ಡಿ ತಿಳಿದಿಲ್ಲ. ದೈವಕ್ಕೆ ಅಪಮಾನ ಆಗಿದೆ ಎಂದು ಬಿಜೆಪಿ ಹೇಳುವುದಲ್ಲ, ಅದನ್ನು ಕರಾವಳಿಯ ದೈವ ಆರಾಧಕರು, ಧಾರ್ಮಿಕ ಮುಖಂಡರು ಹೇಳಿದರೆ ಮುಖ್ಯಮಂತ್ರಿಗಳು ಅದಕ್ಕೆ ಸ್ಪಂದಿಸಿ ಗೌರವ ಕೊಡುತ್ತಾರೆ. ಅಲ್ಲದೆ ಧಾರ್ಮಿಕ ವಿಚಾರಗಳನ್ನು ಮುಖ್ಯಮಂತ್ರಿಗಳು ಬಿಜೆಪಿ ಅವರಿಂದ ಕಲಿಯಬೇಕಿಲ್ಲ. ಅವರಿಗೆ ಹೋಲಿಸಿದರೆ ಧಾರ್ಮಿಕ ಆಚರಣೆ ಹಾಗೂ ವಿಚಾರಗಳಿಗೆ ಸಂಬಂಧಪಟ್ಟಂತೆ ಬಿಜೆಪಿ ಇನ್ನೂ ಎಲ್ ಕೆ ಜಿ ಅಲ್ಲಿ ಇದೆ ಎಂದು ಟಾಂಗ್ ನೀಡಿದ್ದಾರೆ.