ಚಲಿಸುವ ರೈಲನ್ನು ‘ಹನಿಮೂನ್ ಸೂಟ್’ ಆಗಿ ಪರಿವರ್ತನೆ

ರೈಲಿನಲ್ಲಿ ಪ್ರಯಾಣಿಕರು ಪ್ರಯಾಣ ಬೆಳೆಸಲು ಹಾಗೂ ಲಗೇಜುಗಳನ್ನು ಸಾಗಿಸಲು ಬಳಸುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಕೆಲವೊಮ್ಮೆ ರೈಲುಗಳು ಮದುವೆಯ ದಿಬ್ಬಣದ ಗಾಡಿಗಳು ಆಗಿದ್ದು ಉಂಟು. ಆದರೆ ಇದೀಗ ಒಂದು ಸ್ಟೆಪ್ ಮುಂದೆ ಹೋಗಿ ಚಲಿಸುವ ರೈಲು ಒಂದು ಹನಿಮೂನ್ ಸ್ಪಾಟ್ ಹಾಗೆ ಮಾರ್ಪಡಾಗಿದೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

Sponsored

ಹೌದು, ಚಲಿಸುವ ರೈಲಿನ ಮೊದಲ ದರ್ಜೆ ಬೋಗಿಯನ್ನು ಬಲೂನ್‌ಗಳು, ನೈಜ ಹೂವುಗಳು ಹಾಗೂ ಸಾವಿರಾರು ಗುಲಾಬಿ ದಳಗಳಿಂದ ‘ಹನಿಮೂನ್ ಸೂಟ್’ ಮಾದರಿಯಲ್ಲಿ ಅಲಂಕರಿಸಿದ ವೈರಲ್ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಮಹಾರಾಷ್ಟ್ರ ಮೂಲದ ‘ರಾಹತ್ ರೂಮ್ ಡೆಕೋರೇಶನ್’ ಎಂಬ ಖಾಸಗಿ ಸಂಸ್ಥೆ ಈ ಅಲಂಕಾರದ ಹಿಂದಿನ ಸೂತ್ರಧಾರಿಯಾಗಿದೆ ಎಂದು ವಾರದಿಯಾಗಿದೆ.

ಜಲ್ನಾದ ನವದಂಪತಿಗಳಿಗಾಗಿ ಈ ವಿಶೇಷ ವ್ಯವಸ್ಥೆ ಮಾಡಲಾಗಿದ್ದು,  ಎಸಿ ಕ್ಯಾಬಿನ್ ಪ್ರವೇಶಿಸಿ, ಗೋಡೆಗಳ ಮೇಲೆ “ಐ ಲವ್ ಯು” ಎಂದು ಬರೆದು, ಬಲೂನ್‌ ಹಾಗೂ ಪೇಪರ್‌ಗಳಿಂದ ಇಡೀ ಕೋಚ್ ಅನ್ನು ಶೃಂಗರಿಸಿಲಾಗಿದೆ. ದಂಪತಿಗಳು ರೈಲು ಹತ್ತುವಾಗ, ರೈಲು ಚಲಿಸುತ್ತಿರುವಾಗ ಕ್ಯಾಬಿನ್ ಒಳಗಿನ ರೋಮ್ಯಾಂಟಿಕ್ ದೃಶ್ಯಾವಳಿಗಳು ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಆನ್‌ಲೈನ್‌ನಲ್ಲಿ ವೈರಲ್ ಆಗಿವೆ. ವಿಡಿಯೋ ವೈರಲ್ ಆಗುತ್ತಿದ್ದಂತೆ ಎಚ್ಚೆತ್ತ ಭಾರತೀಯ ರೈಲ್ವೆ ಇಲಾಖೆ, ಅನುಮತಿಯಿಲ್ಲದೆ ಅಲಂಕಾರಿಕರು ರೈಲು ಬೋಗಿ ಪ್ರವೇಶಿಸಿರುವುದನ್ನು ಗಂಭೀರ ನಿಯಮ ಉಲ್ಲಂಘನೆ ಎಂದು ಪರಿಗಣಿಸಿದೆ. ಸುರಕ್ಷತೆ ಮತ್ತು ಸ್ವಚ್ಛತೆಯ ದೃಷ್ಟಿಯಿಂದ ಇಂತಹ ಕೃತ್ಯಗಳಿಗೆ ಅವಕಾಶವಿಲ್ಲ ಎಂದು ಸ್ಪಷ್ಟಪಡಿಸಿರುವ ಅಧಿಕಾರಿಗಳು, ಇಲಾಖಾ ತನಿಖೆಗೆ ಆದೇಶಿಸಿದ್ದಾರೆ.

ರೈಲು ಸಂಖ್ಯೆ 110002 ನಾಂದೇಡ್‌ಗ್ರಾಮ್ ಎಕ್ಸ್‌ಪ್ರೆಸ್‌ನಲ್ಲಿ ಈ ಘಟನೆ ನಡೆದಿದ್ದು, ನಿಯಮ ಉಲ್ಲಂಘನೆಗೆ ಆಸ್ಪದ ನೀಡಿದ ಆರೋಪದ ಮೇಲೆ ಕರ್ತವ್ಯದಲ್ಲಿದ್ದ ಮುಖ್ಯ ಟಿಕೆಟ್ ಇನ್ಸ್‌ಪೆಕ್ಟರ್ (CTI) ಗಿರೀಶ್ ಕುಮಾರ್ ಅವರನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಅಮಾನತುಗೊಳಿಸಲಾಗಿದೆ.

https://x.com/i/status/2074479075759120547