ಸಿಎಂ ವಿಜಯ್‌ ಅನಿರೀಕ್ಷಿತ ಜೈಲು ಭೇಟಿ

ಚೆನ್ನೈ: ತಮಿಳುನಾಡು ಮುಖ್ಯಮಂತ್ರಿ ವಿಜಯ್‌ ಅವರು ಶುಕ್ರವಾರ (ಆ.28) ಸರಕಾರಿ ಸಂಸ್ಥೆಗಳ ಅನಿರೀಕ್ಷಿತ ತಪಾಸಣೆ ಸರಣಿಯನ್ನು ಮುಂದುವರೆಸಿದ್ದಾರೆ. ಈ ಬಾರಿ ಭಾರತದ ಅತಿದೊಡ್ಡ ಜೈಲಿನಲ್ಲಿ ಒಂದಾದ ಚೆನ್ನೈನ ಹೊರಗಿನ ಪುಳಲ್ ‌ಕೇಂದ್ರ ಕಾರಾಗೃಹಕ್ಕೆ ಭೇಟಿ ನೀಡಿ ಕೈದಿಗಳೊಂದಿಗೆ ಸಂವಾದ ನಡೆಸಿದರು.

Sponsored

ವಿಜಯ್‌ ಅವರು ಕೈದಿಗಳ ಮೂಲಭೂತ ಸೌಲಭ್ಯಗಳು, ಆಹಾರದ ಗುಣಮಟ್ಟ, ವೈದ್ಯಕೀಯ ಆರೈಕೆ, ಪುನರ್ವಸತಿ ಮತ್ತು ವೃತ್ತಿಪರ ತರಬೇತಿಯನ್ನು ಪರಿಶೀಲನೆ ಮಾಡಿದರು.

“ಮುಖ್ಯಮಂತ್ರಿಯವರು ಖುದ್ದಾಗಿ ಕೈದಿಗಳಿಗೆ ಒದಗಿಸಲಾದ ಮೂಲಭೂತ ಸೌಲಭ್ಯಗಳು, ಅವರಿಗೆ ಒದಗಿಸಲಾಗುತ್ತಿರುವ ಆಹಾರ, ವೈದ್ಯಕೀಯ ಸೌಲಭ್ಯಗಳು ಮತ್ತು ವೃತ್ತಿಪರ ಕೇಂದ್ರವನ್ನು ಪರಿಶೀಲಿಸಿದರು ಮತ್ತು ಕೈದಿಗಳ ಅಗತ್ಯತೆಗಳ ಕುರಿತು ವಿಚಾರಿಸಿದರು” ಎಂದು ಸರಕಾರ ಹೇಳಿಕೆ ತಿಳಿಸಿದೆ.