ನಾಳೆಯೇ ಸಂಪುಟ ವಿಸ್ತರಣೆ? ಲೋಕಭವನದಲ್ಲಿ ನಡೆಯುತ್ತಿದೆ ಸಿದ್ಧತೆ

ಬೆಂಗಳೂರು: ಸಚಿವ ಸಂಪುಟ ವಿಸ್ತರಣೆ ಯಾವಾಗ ಎನ್ನುವುದಕ್ಕೆ ದಿನಾಂಕ ನಿಗದಿ ಆಗಿಲ್ಲ. ಆದರೆ ಲೋಕಭವನದಲ್ಲಿ ಒಂದಷ್ಟು ಸಿದ್ಧತೆಗಳು ನಡೆಯುತ್ತಿದ್ದು, ಬ್ಯಾರಿಕೇಡ್‌ ಅಳವಡಿಕೆ ಮಾಡಲಾಗಿದೆ. ಹೆಚ್ಚುವರಿ ಪೊಲೀಸ್‌ ಭದ್ರತೆ ನೀಡಲಾಗಿದೆ. ಶಾಮಿಯಾನ ಹಾಗೂ ಆಸನಗಳನ್ನು ತರಲಾಗುತ್ತಿದೆ.

ಒಂದು ಹಂತದಲ್ಲಿ ದೆಹಲಿಯಲ್ಲಿ ಹೈಕಮಾಂಡ್‌ ಅಂಗಳದಲ್ಲಿ ಇಂದೇ ಪಟ್ಟಿ ಫೈನಲ್‌ ನಾಳೆಯೇ ಸಂಪುಟ ವಿಸ್ತರಣೆ ಎನ್ನಲಾಗಿತ್ತು. ತಡರಾತ್ರಿ ಹೈಕಮಾಂಡ್‌ ಜೊತೆ ಸಭೆ ನಡೆದರೆ ನಾಳೆಯೇ ಸಂಪುಟ ವಿಸ್ತರಣೆ ಆಗಬಹುದು. ನಾಳೆ ಇಲ್ಲವಾದರೆ ಇನ್ನೆರಡು ದಿನದಲ್ಲಿ ಸಂಪುಟ ವಿಸ್ತರಣೆ ಆಗಬಹುದು. ಆದರೆ ಲೋಕಭವನದಲ್ಲಿ ಮಾತ್ರ ಎಲ್ಲಾ ರೀತಿಯ ಸಿದ್ಧತೆ ನಡೆಯುತ್ತಿದೆ.