ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರ ಕುರಿತು ಅವಹೇಳನಕಾರಿ ಹೇಳಿಕೆ ನೀಡಿದ ಆರೋಪದ ಹಿನ್ನೆಲೆಯಲ್ಲಿ, ‘ಅನಂತ ಮಹಾರಾಜ್’ ಎಂದೇ ಜನಪ್ರಿಯರಾಗಿರುವ ಬಿಜೆಪಿ ಸಂಸದ ನಾಗೇಂದ್ರ ರೇ ಅವರಿಗೆ ನೀಡಲಾಗಿದ್ದ ರಾಜ್ಯದ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ‘ಬಂಗಾ ವಿಭೂಷಣ’ವನ್ನು ಬಂಗಾಳ ಸರ್ಕಾರ ಗುರುವಾರ ಹಿಂಪಡೆಯಿತು.
ಸಾಮಾಜಿಕ ಜಾಲತಾಣಗಳಲ್ಲಿ ನೇತಾಜಿ (ಸ್ವಾತಂತ್ರ್ಯ ಹೋರಾಟಗಾರ ಹಾಗೂ ಬಂಗಾಳದಲ್ಲಿ ಅತ್ಯಂತ ಗೌರವಾನ್ವಿತ ವ್ಯಕ್ತಿ) ಅವರ ಬಗ್ಗೆ ಅವಹೇಳನಕಾರಿ ಹೇಳಿಕೆ ನೀಡುವವರ ವಿರುದ್ಧ ಬಂಧನ ಸೇರಿದಂತೆ ಕಠಿಣ ಕ್ರಮ ಕೈಗೊಳ್ಳುವಂತೆ ಪೊಲೀಸರಿಗೆ ಮುಖ್ಯಮಂತ್ರಿಗಳು ಸೂಚನೆ ನೀಡಿದ 24 ಗಂಟೆಗಳ ಒಳಗಾಗಿಯೇ ಈ ಕ್ರಮ ಕೈಗೊಳ್ಳಲಾಗಿದೆ; ಅಲ್ಲದೆ, ಈ ಕಾನೂನು ಸಂಸದರು, ಶಾಸಕರು ಮತ್ತು ಸರ್ಕಾರಿ ಅಧಿಕಾರಿಗಳಿಗೂ ಸಮಾನವಾಗಿ ಅನ್ವಯಿಸುತ್ತದೆ ಎಂದು ಅವರು ಹೇಳಿದ್ದರು.
ಅನಂತ ಮಹಾರಾಜ್ ಅವರು ನೇತಾಜಿಯನ್ನು “ಯುದ್ಧ ಅಪರಾಧಿ” ಎಂದು ಬಣ್ಣಿಸಿ, ಅವರ ನಾಯಕತ್ವ ಹಾಗೂ ಭಾರತದ ಸ್ವಾತಂತ್ರ್ಯ ಹೋರಾಟದಲ್ಲಿ ‘ಆಜಾದ್ ಹಿಂದ್ ಫೌಜ್’ನ ಪಾತ್ರದ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದ ಕೆಲವೇ ದಿನಗಳ ನಂತರ ಪೊಲೀಸರಿಗೆ ಈ ಸೂಚನೆ ನೀಡಲಾಗಿತ್ತು.
ಈ ಬಿಜೆಪಿ ಸಂಸದರು ರಾಜ್ಯದ ಉತ್ತರದ ಭಾಗದಲ್ಲಿರುವ ಕೂಚ್ ಬೆಹಾರ್‌ನವರಾಗಿದ್ದು, ರಾಜ್‌ಬನ್ಶಿ ಸಮುದಾಯದ ನಾಯಕರಾಗಿದ್ದಾರೆ.
