ಬೆಂಗಳೂರು: ಶಾರ್ಟ್ ಡ್ರೆಸ್ ಹಾಕಿ ಬಸ್ ಏರಿದ ಯುವತಿ – 4 ಕಿ ಮೀ ಜರ್ನಿಯಲ್ಲಿ ಯುವಕನಿಗೆ ವಿಚಿತ್ರ ಅನುಭವ

ಯುವಕನೊಬ್ಬ ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಬಸ್ ಒಂದರಲ್ಲಿ ಪ್ರಯಾಣಿಸುವ ವೇಳೆ ಶಾರ್ಟ್ ಡ್ರೆಸ್ ಹಾಕಿ ಬಂದಿದ್ದ ಯುವತಿಯಿಂದ ತನಗಾದ ಉಪದ್ರವನ್ನು ರಿಡ್ಡಿಟ್ ನಲ್ಲಿ ಹೇಳಿಕೊಂಡಿದ್ದಾನೆ ಸದ್ಯ ಈ ಪೋಸ್ಟ್ ಇಲ್ಲಿದೆ ವೈರಲ್ ಆಗುತ್ತಿದೆ.

Sponsored

ಪೋಸ್ಟ್ ನಲ್ಲಿ ಯುವಕನು ತನ್ನ ಎದುರಿಗಿದ್ದ ಮಹಿಳೆಯ ಉಡುಪಿನ ಹಕ್ಕನ್ನು ನಾನು ಪ್ರಶ್ನಿಸುತ್ತಿಲ್ಲ. ಪ್ರತಿಯೊಬ್ಬರಿಗೂ ತನ್ನ ಉಡುಪನ್ನು ಧರಿಸುವ ಪೂರ್ಣ ಸ್ವಾತಂತ್ರ್ಯವಿದೆ ಎಂದು ಸ್ಪಷ್ಟೀಕರಣವನ್ನು ನೀಡುತ್ತಲೇ ಬಸ್ನಲ್ಲಿ ತನಗೆ ಎದುರಾದ ಮುಜುಗರವನ್ನು ಹಂಚಿಕೊಂಡಿದ್ದಾರೆ.

ಬಸ್‌ನ ಸೀಟ್‌ಗಳ ವಿನ್ಯಾಸ ನೇರವಾಗಿ ಎದುರೆದುರು ಇದ್ದಿದ್ದರಿಂದ ಮಹಿಳೆ ತಮ್ಮ ನೇರ ದೃಷ್ಟಿಯಲ್ಲೇ ಕಾಣಿಸುತ್ತಿದ್ದರು. ಇದರಿಂದಾಗಿ ಸಹಜವಾಗಿ ಎದುರಿಗೆ ನೋಡುವುದಕ್ಕೂ ತಮಗೆ ತೀವ್ರ ಮುಜುಗರ ಉಂಟಾಯಿತು ಎಂದು ಅವರು ವಿವರಿಸಿದ್ದಾರೆ. ಬಸ್ ಭರ್ತಿಯಾಗಿದ್ದರಿಂದ ಬೇರೆ ಸೀಟ್‌ಗೆ ಬದಲಾಯಿಸಲು ಸಾಧ್ಯವಾಗಲಿಲ್ಲ. ತಮ್ಮಿಂದ ಎದುರಿಗಿದ್ದ ಮಹಿಳೆಗೆ ಯಾವುದೇ ರೀತಿಯ ಅನಾನುಕೂಲ ಅಥವಾ ಮುಜುಗರ ಉಂಟಾಗಬಾರದು ಎಂಬ ಕಾರಣಕ್ಕೆ ಆಕೆಯನ್ನು ಉದ್ದೇಶಪೂರ್ವಕವಾಗಿ ನೋಡದಿರಲು ಪ್ರಯತ್ನಿಸಿದ್ದಾಗಿ ಯುವಕ ಹೇಳಿದ್ದಾರೆ.

ಅಲ್ಲದೆ ಕೊನೆಗೆ ಉಳಿದ ಪ್ರಯಾಣದ ಅವಧಿಯಲ್ಲಿ ಸ್ನೇಹಿತನಿಗೆ ಫೋನ್ ಕರೆ ಮಾಡಿ ಮಾತನಾಡುತ್ತಾ, ಕಿಟಕಿಯ ಹೊರಗೆ ನೋಡುತ್ತಾ ಕುಳಿತಿದ್ದಾಗಿ ತಿಳಿಸಿದ್ದಾರೆ. ಕೆಲವೇ ಕಿಲೋಮೀಟರ್‌ಗಳ ಪ್ರಯಾಣವಾಗಿದ್ದರೂ ಆ ಸಮಯ ತಮಗೆ ಅತ್ಯಂತ ದೀರ್ಘವಾಗಿ ಅನುಭವವಾಯಿತು ಎಂದು ಅವರು ಬರೆದುಕೊಂಡಿದ್ದಾರೆ.