ಅಪಾರ್ಟ್ಮೆಂಟ್ವೊಂದರಲ್ಲಿ ವೃದ್ಧರೊಬ್ಬರು ಅಕ್ಕ ಪಕ್ಕದವರಿಗೆ ತಿಳಿಯದಂತೆ ಅವರ ಖಾಸಗಿ ಕ್ಷಣಗಳನ್ನು ತಮ್ಮ ಮೊಬೈಲ್ ಫೋನ್ನಲ್ಲಿ ರೆಕಾರ್ಡ್ ಮಾಡುತ್ತಿರು ಆಘಾತಕಾರಿ ಘಟನೆ ಒಂದು ಬೆಳಕಿಗೆ ಬಂದಿದೆ.
ಕಳೆದ ಹಲವಾರು ದಿನಗಳಿಂದಲೇ ಆ ಕಟ್ಟಡದ ಸುತ್ತಮುತ್ತ ಕೆಲವು ಅನುಮಾನಾಸ್ಪದ ಚಲನವಲನಗಳು ನಡೆಯುತ್ತಿರುವುದನ್ನು ನಿವಾಸಿಗಳು ಗಮನಿಸಿದ್ದರು. ಆದರೆ ಆರಂಭದಲ್ಲಿ, ಎಲ್ಲರೂ ಇದನ್ನು ಅಸಡ್ಡೆ ಮಾಡಿದ್ದರು. ಆದರೆ, ದಿನ ಕಳೆದಂತೆ ಕೆಲವು ನಿವಾಸಿಗಳಿಗೆ ತಮಗೇ ತಿಳಿಯದಂತೆ ಯಾರೋ ತಮ್ಮನ್ನು ನಿರಂತರವಾಗಿ ಗಮನಿಸುತ್ತಿದ್ದಾರೆ ಎಂದು ಶಂಕೆ ವ್ಯಕ್ತಪಡಿಸಿ ಅಲ್ಲಿನ ಸಿಸಿಟಿವಿ ದೃಶ್ಯಾವಳಿಗಳು ಮತ್ತು ಭದ್ರತಾ ರೆಕಾರ್ಡ್ಗಳನ್ನು ಪರಿಶೀಲಿಸಲು ನಿರ್ಧರಿಸಿದ್ದಾರೆ.
ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದಾಗ ಅದೇ ಅಪಾರ್ಟ್ಮೆಂಟ್ನಲ್ಲಿ ವಾಸಿಸುವ ವೃದ್ಧ ವ್ಯಕ್ತಿಯೊಬ್ಬರು ನೆರೆಯವರ ಬಾಲ್ಕನಿಗೆ ರಹಸ್ಯವಾಗಿ ಪ್ರವೇಶಿಸಿ. ಅಲ್ಲಿ ಅವರ ಒಪ್ಪಿಗೆಯಿಲ್ಲದೆ ದಿನಚರಿ ಹಾಗೂ ಖಾಸಗಿ ಕ್ಷಣಗಳನ್ನು ಮೊಬೈಲ್ಗಳಲ್ಲಿ ರೆಕಾರ್ಡ್ ಮಾಡುತ್ತಿರುವುದು ಕಂಡುಬಂದಿದೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ವಸತಿ ಸಮುಯದಾಯದಲ್ಲಿ ಕೋಲಾಹಲಕ್ಕೆ ಕಾರಣವಾಗಿದೆ. ಆದರೆ ಇದು ಯಾವ ಅಪಾರ್ಟ್ಮೆಂಟ್, ಯಾವ ಊರು ಎಂಬುದು ಇಲ್ಲಿಯೂ ಬಯಲಾಗಿಲ್ಲ. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚಿತ ವಿಷಯವಾಗಿ ರೂಪಗೊಂಡಿದೆ.