ಆಜೇರು ಶಾಲೆಯಲ್ಲಿ ಆಷಾಡ ಸಂಭ್ರಮ: ಬಾಳೆ ಎಲೆಯಲ್ಲಿ ಸವಿಯೂಟ
ಆಜೇರು:ದಿನಾಂಕ 30/07/2026 ರಂದು ಮಳೆಗಾಲದ ಸಂದೇಶ ಸಾರುವ ಆಷಾಡ ಮಾಸವನ್ನು ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಹಿರಿಯ ಪ್ರಾಥಮಿಕ ಶಾಲೆ, ಆಜೇರುವಿನಲ್ಲಿ ವಿಜೃಂಭಣೆಯಿಂದ ಆಚರಿಸಲಾಯಿತು.
Sponsoredಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿದ್ದು ಬಾಳೆ ಎಲೆಯಲ್ಲಿ ಬಡಿಸಿದ ಸಂಪ್ರದಾಯದ ಸವಿಯೂಟ. ಪತ್ರೊಡೆ, ನುಗ್ಗೆಸೊಪ್ಪಿನ ಪಲ್ಯ, ಹಲಸಿನ ಕಾಯಿ, ಬಾಳೆಕಾಯಿ, ತೆಂಗಿನಕಾಯಿಯಿಂದ ತಯಾರಿಸಿದ ವಿವಿಧ ಪಲ್ಯಗಳು, , ಪಾಯಸ, ಮತ್ತು ಸಿಹಿ ಭಕ್ಷ್ಯಗಳು ಎಲೆಯನ್ನು ಅಲಂಕರಿಸಿದ್ದವು. ಸ್ಥಳೀಯವಾಗಿ ಲಭ್ಯವಿರುವ ತರಕಾರಿಗಳಿಂದ ಮಾಡಿದ ಈ ಭಕ್ಷ್ಯಗಳು ಮಳೆಗಾಲಕ್ಕೆ ಆರೋಗ್ಯಕರ ಹಾಗೂ ರುಚಿಕರವಾಗಿದ್ದವು.
ಶಾಲಾ ಮಕ್ಕಳು ಸಮವಸ್ತ್ರದಲ್ಲಿ ಸಾಲಾಗಿ ಕುಳಿತು ಪ್ರೀತಿಯಿಂದ ಊಟ ಸವಿದರು. ಶಿಕ್ಷಕರು ಮತ್ತು ಅಡುಗೆ ಸಹಾಯಕಿಯರು ಮಕ್ಕಳಿಗೆ ಪ್ರೀತಿಯಿಂದ ಬಡಿಸಿದರು. ನೆಲದ ಮೇಲೆ ಎಲೆಯಿಟ್ಟು ಕುಳಿತು ಊಟ ಮಾಡುವ ಹಳೆಯ ಪದ್ಧತಿಯನ್ನು ಮಕ್ಕಳಿಗೆ ಮರಳಿ ಪರಿಚಯಿಸಲಾಯಿತು.

ಕಾರ್ಯಕ್ರಮದಲ್ಲಿ ಶಿಕ್ಷಕರು, ಪೋಷಕರು ಹಾಗೂ ಊರಿನ ಹಿರಿಯರು ಭಾಗವಹಿಸಿ ಮಕ್ಕಳಿಗೆ ಶುಭ ಹಾರೈಸಿದರು. “ಅಕ್ಷರ ಜ್ಞಾನ ಅನ್ನದಾನ” ಎಂಬ ಸಂದೇಶದೊಂದಿಗೆ ನಡೆದ ಈ ಆಚರಣೆಯು ಮಕ್ಕಳಲ್ಲಿ ನಮ್ಮ ಸಂಸ್ಕೃತಿ, ಸಂಪ್ರದಾಯ ಹಾಗೂ ಒಗ್ಗಟ್ಟಿನ ಮಹತ್ವವನ್ನು ತಿಳಿಸುವ ಉದ್ದೇಶ ಹೊಂದಿತ್ತು.
ಆಷಾಡ ಕೇವಲ ಊಟದ ಹಬ್ಬವಲ್ಲ, ಇದು ನಮ್ಮ ನೆಲ, ಆಹಾರ ಮತ್ತು ಒಗ್ಗಟ್ಟಿನ ಸಂಭ್ರಮ ಎಂದು ಮುಖ್ಯೋಪಾಧ್ಯಾಯರು ತಿಳಿಸಿದರು.
*ವರದಿ: ಆಜೇರು, ದ.ಕ. ಜಿಲ್ಲಾ ಪಂಚಾಯತ್ ಹಿ.ಪ್ರಾ. ಶಾಲೆ




