ನಡುರಸ್ತೆಯಲ್ಲಿ ಮಗುವನ್ನು ಎತ್ತಿಕೊಂಡು ಹೋಗುತ್ತಿದ್ದ ಮಹಿಳೆಯೊಬ್ಬಳೊಂದಿಗೆ ಸೈಕೋ ಮನಸ್ಥಿತಿಯ ಯುವಕನೊಬ್ಬ ಆಕೆಯ ಬಟ್ಟೆ ಎತ್ತಿ ವಿಕೃತಿಯಿಂದ ವರ್ತಿಸಿದ ಅಘಾತಾಕಾರಿ ಘಟನೆ ನಡೆದಿದೆ.
ಹೈದರಾಬಾದ್ನ ಮಣಿಕೊಂಡ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಮಣಿಕೊಂಡದ ಅಲ್ಕಾಪುರಿ ಟೌನ್ಶಿಪ್ ರಸ್ತೆಯಲ್ಲಿ ಮಹಿಳೆಯೊಬ್ಬಳು ತನ್ನ ಪುಟ್ಟ ಮಗುವನ್ನು ಎತ್ತಿಕೊಂಡು ನಡೆದುಕೊಂಡು ಹೋಗುತ್ತಿದ್ದಳು. ಆ ಸಮಯದಲ್ಲಿ ಹಿಂದಿನಿಂದ ಬಂದ ಅಪರಿಚಿತ ಯುವಕನೊಬ್ಬ, ಯಾರೂ ಊಹಿಸದ ರೀತಿಯಲ್ಲಿ ಅಚಾನಕ್ಕಾಗಿ ಆಕೆಯ ಉಡುಪನ್ನು ಎಳೆದು ವಿಕೃತವಾಗಿ ವರ್ತಿಸಿದ್ದಾನೆ. ಈ ಹಠಾತ್ ಘಟನೆಯಿಂದ ಆ ಮಹಿಳೆ ತೀವ್ರ ಆಘಾತಕ್ಕೆ ಮತ್ತು ಭೀತಿಗೊಳಗಾದಳು. ಈ ಅಮಾನವೀಯ ದೃಶ್ಯಗಳೆಲ್ಲವೂ ಅಲ್ಲಿನ ಸಿಸಿಟಿವಿ (CCTV) ಕ್ಯಾಮೆರಾದಲ್ಲಿ ಸ್ಪಷ್ಟವಾಗಿ ದಾಖಲಾಗಿವೆ.
ಈ ಘಟನೆ ಸ್ಥಳೀಯರಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ಮಣಿಕೊಂಡ ಐಟಿ ಕಾರಿಡಾರ್ಗೆ ಸಮೀಪದಲ್ಲಿರುವುದರಿಂದ ಇಲ್ಲಿ ಜನಸಂಖ್ಯೆ ಹೆಚ್ಚುತ್ತಿದೆ. ಆದರೆ, ಅದೇ ಸಮಯದಲ್ಲಿ ಕಿಡಿಗೇಡಿಗಳು ಮತ್ತು ಪುಂಡರ ಹಾವಳಿ ಮಿತಿಮೀರಿದೆ ಎಂದು ಸ್ಥಳೀಯರು ಅಳಲು ತೋಡಿಕೊಳ್ಳುತ್ತಿದ್ದಾರೆ.
