ಖ್ಯಾತ ಯುಟ್ಯೂಬರ್ ಬಾಳಲ್ಲಿ ಬಿರುಗಾಳಿ – ಬಸ್ ಕಡಂಕ್ಟರ್ ಜೊತೆ ಓಡಿ ಹೋದ ಪತ್ನಿ?

ಮಲಯಾಳಂನ ಜನಪ್ರಿಯ ಯೂಟ್ಯೂಬರ್ ಹಾಗೂ ನಟ ಅಖಿಲ್ ಎನ್ ಆರ್ ಡಿ (Akhil NRD) ಮತ್ತು ಅವರ ಪತ್ನಿ ಮೇಘಾ ನಡುವಿನ ವೈವಾಹಿಕ ಜೀವನದಲ್ಲಿ ಬಿರುರುಗಾಳಿ ಎದ್ದಿದ್ದು ಮೇಘಾ ಮನೆಯಿಂದ ಹೊರನಡೆದಿದ್ದಾರೆ ಎಂಬ ಸುದ್ದಿ ವೈರಲ್ ಆಗಿದೆ.

Sponsored

ಕೆಲವು ಇಂಟರ್ನೆಟ್ ಪೋಸ್ಟ್‌ಗಳು ಮೇಘಾ ಬಸ್ ಕಡಂಕ್ಟರ್ ಓಡಿಹೋಗಿದ್ದಾರೆ ಎಂದು ಆರೋಪಿಸುತ್ತಿವೆ. ಆದರೆ, ಈ ಆರೋಪಗಳಿಗೆ ಯಾವುದೇ ಅಧಿಕೃತ ಸಾಕ್ಷ್ಯಗಳಾಗಲಿ ಅಥವಾ ಸ್ವತಂತ್ರ ದೃಢೀಕರಣವಾಗಲಿ ಸಿಕ್ಕಿಲ್ಲ. ಅಖಿಲ್ ಅಥವಾ ಮೇಘಾ ಇಬ್ಬರೂ ಈ ವಿಷಯಕ್ಕೆ ಸಂಬಂಧಿಸಿದಂತೆ ಸಾರ್ವಜನಿಕವಾಗಿ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಈ ಕುರಿತಂತೆ ಅಖಿಲ್ ಸ್ನೇಹಿತ ವಿಡಿಯೋ ಒಂದನ್ನು ಮಾಡಿ ಹೇಳಿಕೆ ನೀಡಿದ್ದು, “ಅಖಿಲ್ ಪರಿಸ್ಥಿತಿಯನ್ನು ಒಪ್ಪಿಕೊಂಡು ಜೀವನದಲ್ಲಿ ಮುಂದುವರಿಯಲು ಯತ್ನಿಸುತ್ತಿದ್ದಾರೆ. ಯಾರೂ ಮೇಘಾ ಅವರನ್ನು ದೂಷಿಸಬೇಡಿ ಅಥವಾ ಕಿರುಕುಳ ನೀಡಬೇಡಿ.” ಎಂದಿದ್ದಾರೆ

ಹಲವಾರು ವಿಡಿಯೋ, ವ್​ಲಾಗ್, ಪೋಸ್ಟ್ ಮಾಡುತ್ತಾ ಸೋಷಿಯಲ್ ಮೀಡಿಯಾದಲ್ಲಿಯೇ ತೊಡಗಿಸಿಕೊಂಡಿರುವ ಅಖಿಲ್ ಎನ್​ಆರ್​ಡಿ ಈಗ ಫುಲ್ ಟೈಮ್ ಕಂಟೆಂಟ್ ಕ್ರಿಯೇಟರ್. ಅಖಿಲ್ ಅವರ ಪತ್ನಿ ಮೇಘಾ ಪತಿಯೊಂದಿಗೆ ಸಂಸಾರ ಮಾಡಿಕೊಂಡೇ ಇದ್ದಾಗ ದಿಢೀರ್ ಬಸ್ ಕಂಡಕ್ಟರ್ ಜೊತೆ ಓಡಿ ಹೋಗಿದ್ದು ಈಗ ಸುದ್ದಿಯಾಗಿದೆ. ರಾತ್ರಿ ವೇಲೆ ಲಗೇಜ್ ಹಿಡಿದುಕೊಂಡು ತನ್ನ ಮನೆಯಿಂದ ಹೊರಬಂದು ಓಡಿ ಹೋಗುವ ಸಿಸಿಟವಿ ದೃಶ್ಯಾವಳಿಗಳು ಕೂಡಾ ಸೆರೆಯಾಗಿವೆ.

ಯೂಟ್ಯೂಬ್‌ನಲ್ಲಿ ಸುಮಾರು 4.9 ಮಿಲಿಯನ್ (49 ಲಕ್ಷ) ಚಂದಾದಾರರು ಹಾಗೂ ಇನ್‌ಸ್ಟಾಗ್ರಾಮ್‌ನಲ್ಲಿ 1.8 ಮಿಲಿಯನ್‌ಗೂ ಹೆಚ್ಚು ಅನುಯಾಯಿಗಳನ್ನು ಹೊಂದಿರುವ ಅಖಿಲ್, ಮಲಯಾಳಂ ಡಿಜಿಟಲ್ ಕಂಟೆಂಟ್ ಕ್ರಿಯೇಟರ್ ಆಗಿ ಜನಪ್ರಿಯತೆ ಗಳಿಸಿದ್ದಾರೆ. ಇತ್ತೀಚೆಗೆ ಜುಲೈ 2026 ರಲ್ಲಿ ಬಿಡುಗಡೆಯಾದ ‘ಮಹಾರಾಜ ಹಾಸ್ಟೆಲ್’ ಚಿತ್ರದ ಮೂಲಕ ಬೆಳ್ಳಿಪರದೆಗೂ ನಟನಾಗಿ ಪಾದಾರ್ಪಣೆ ಮಾಡಿದ್ದರು. ಪ್ರಸ್ತುತ ಈ ವಿಷಯದ ಬಗ್ಗೆ ದಂಪತಿಗಳಿಂದ ಯಾವುದೇ ಅಧಿಕೃತ ಸ್ಪಷ್ಟನೆ ಹೊರಬಿದ್ದಿಲ್ಲ.