ಸೋಮವಾರ, 16 ನವೆಂಬರ್ 2026
Trending

Hydarabad : SSLC ಕೂಡ ಮಾಡಿಲ್ಲ- ಆದ್ರೂ 20 ವರ್ಷದಿಂದ ಡೆಂಟಿಸ್ಟ್ ಆಗಿ ಕ್ಲಿನಿಕ್ ನಡೆಸುತ್ತಿದ್ದ ನಕಲಿ ವೈದ್ಯ ಅರೆಸ್ಟ್

Advertisement
Advertisement

Hydarabad : ಇತ್ತೀಚಿನ ದಿನಗಳಲ್ಲಿ ನಮ್ಮ ಸುತ್ತಮುತ್ತಲು ಸಾಕಷ್ಟು ನಕಲಿ ವೈದ್ಯರು ಇರುವುದು ಕಂಡು ಬರುತ್ತಿದೆ. ಅಲ್ಲದೆ ದಿನವು ಇಂಥವರು ಸೃಷ್ಟಿಗೊಳ್ಳುತ್ತಿದ್ದಾರೆ. ಸರ್ಕಾರ ಇಂಥವರನ್ನು ಹುಡುಕಿ ಸೆದೆಬಡಿಯುತ್ತಿದೆ. ಇದೀಗ ಇಂಥದ್ದೇ ಒಂದು ಪ್ರಕರಣ ಬೆಳಕಿಗೆ ಬಂದಿದ್ದು ಇಲ್ಲೊಬ್ಬ ನಕಲಿ ವೈದ್ಯ ಎಸ್ ಎಸ್ ಎಲ್ ಸಿ ಕೂಡ ಮಾಡಿಲ್ಲ. ಆದರೂ ಕೂಡ 20 ವರ್ಷದಿಂದಲೂ ಡಂಟಿಸ್ಟ್ ಆಗಿ ಕ್ಲಿನಿಕ್ ನಡೆಸುತ್ತಾ ಬಂದಿದ್ದಾನೆ. ಸದ್ಯ ಪೊಲೀಸರ ಕೈಗೆ ತಗಲಾಕಿಕೊಂಡಿದ್ದಾನೆ.

Sponsored

ಹೌದು, ಹೈದರಾಬಾದ್‌ನಲ್ಲೊಬ್ಬ ರಮೇಶ್ ಎಂಬ ನಕಲಿ ದಂತವೈದ್ಯ ಸಿಕ್ಕಿಬಿದ್ದಿದ್ದು, ಈತ 10ನೇ ಕ್ಲಾಸ್ ಕೂಡ ಪೂರ್ಣಗೊಳಿಸದ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ಅಷ್ಟೇ ಅಲ್ಲ ಇನ್ನೂ ಶಾಕಿಂಗ್ ವಿಚಾರವೆಂದರೆ ಈತ ಬರೋಬ್ಬರಿ 20 ವರ್ಷಗಳ ಕಾಲ ದಂತವೈದ್ಯನಾಗಿ ಕೆಲಸ ಮಾಡಿದ್ದಾನೆ. ಉತ್ತರ ಪ್ರದೇಶ ಮೂಲದ ಈತ ಮುತ್ತಿನ ನಗರ ಹೈದರಾಬಾದ್‌ನಲ್ಲಿ ಕಳೆದ 20 ವರ್ಷಗಳಿಂದ ಯಾರಿಗೂ ಅನುಮಾನ ಬರದಂತೆ ದಂತವೈದ್ಯನಾಗಿ ಕೆಲಸ ಮಾಡಿದ್ದಾನೆ. ಮಲ್ಕಾಜ್‌ಗಿರಿ ವಿಶೇಷ ಕಾರ್ಯಾಚರಣೆ ತಂಡ (ಎಸ್‌ಒಟಿ) ನಡೆಸಿದ ದಾಳಿಯ ನಂತರ ಈತನ ಅಕ್ರಮ ಕ್ಲಿನಿಕ್ ಪತ್ತೆಯಾಗಿದ್ದು, ಈತನನ್ನು ಸಿಕಂದರಬಾದ್‌ನ ನರೆಡ್ಮೆಟ್‌ನಲ್ಲಿ ಮಂಗಳವಾರ ಬಂಧಿಸಲಾಗಿದೆ.

Advertisement
Advertisement

ರಮೇಶ್ ಮುಖ್ಯವಾಗಿ ತಡರಾತ್ರಿಯಿಂದ ಬೆಳಗಿನ ಜಾವದವರೆಗೆ ಕ್ಲಿನಿಕ್ ಅನ್ನು ನಡೆಸುತ್ತಿದ್ದನು ಎಂದು ವರದಿಯಾಗಿದೆ, ಈತನ ಈ ಸಾಮಾನ್ಯವಲ್ಲದ ಕೆಲಸದ ಸಮಯದ ಬಗ್ಗೆ ಕೊನೆಗೂ ಕೆಲ ಸ್ಥಳೀಯರಿಗೆ ಅನುಮಾನ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಮಾಹಿತಿಯ ಮೇರೆಗೆ ಕಾರ್ಯಾಚರಣೆ ನಡೆಸಿ ಅಧಿಕಾರಿಗಳು ನಕಲಿ ವೈದ್ಯನಿಗೆ ಬಲೆ ಬೀಸಿದ್ದಾರೆ. ಎಸ್‌ಒಟಿ ಅಧಿಕಾರಿಗಳು, ರಮೇಶ್‌ಗೆ ಯಾವುದೇ ಮಾನ್ಯತೆ ಪಡೆದ ವೈದ್ಯಕೀಯ ಅರ್ಹತೆ ಇಲ್ಲ ಮತ್ತು ಸುಮಾರು 20 ವರ್ಷಗಳಿಂದ ಅಕ್ರಮವಾಗಿ ದಂತವೈದ್ಯನಾಗಿ ಈತ ಕೆಲಸ ಮಾಡುತ್ತಿದ್ದಾನೆ ಎಂಬುದನ್ನು ಧೃಡಪಡಿಸಿದ್ದು, ಇದೀಗ ಆತನ ವಿರುದ್ಧ ಪ್ರಕರಣ ದಾಖಲಿಸಿ ಬಂಧಿಸಲಾಗಿದೆ. 

Advertisement

ಸಾಮಾನ್ಯವಾಗಿ ಸಣ್ಣಪುಟ್ಟ ಉದ್ಯಮಗಳನ್ನು ನಡೆಸಲು ಸ್ಥಳೀಯ ಆಡಳಿತ ಸಂಸ್ಥೆಗಳಿಂದ ಸಾಕಷ್ಟು ಅನುಮತಿ ಪತ್ರಗಳನ್ನು ಪಡೆಯಬೇಕಾಗುತ್ತದೆ. ಹೀಗಿದ್ದರೂ ಈತ ಯಾರಿಗೂ ಗೊತ್ತಾಗದಂತೆ ಇಷ್ಟು ವರ್ಷಗಳ ಕಾಲ ಈತ ಹೇಗೆ ಕೆಲಸ ಮಾಡಿದ ಹಾಗೂ ಎಷ್ಟು ರೋಗಿಗಳಿಗೆ ಈತ ಚಿಕಿತ್ಸೆ ನೀಡಿದ್ದಾನೆ ಎಂಬ ಬಗ್ಗೆ ಈಗ ಪೊಲೀಸರು ತನಿಖೆ ಮಾಡುತ್ತಿದ್ದಾರೆ.

Advertisement
Advertisement