Advertisement
Advertisement
ಬೆಂಗಳೂರು: ಇನ್ಸ್ಸ್ಟಾಗ್ರಾಂನಲ್ಲಿ ಪರಿಚಯವಾಗಿದ್ದ ಯುವತಿಗೆ ಎಂಗೇಜ್ಮೆಂಟ್ ಆಯಿತು ಎನ್ನುವ ವಿಚಾರಕ್ಕೆ ನೊಂದ ಅಪ್ರಾಪ್ತನೊಬ್ಬ ಆತ್ಮಹತ್ಯೆಗೆ ಯತ್ನ ಮಾಡಿದ ಘಟನೆ ಬೆಂಗಳೂರಿನ ಬೇಗೂರು ಬಳಿಯ ಅಕ್ಷಯನಗರದಲ್ಲಿ ನಡೆದಿದೆ.
Sponsoredಯುವತಿಯೊಬ್ಬಳ ಪರಿಚಯ 15 ವರ್ಷದ ಅಪ್ರಾಪ್ತನಿಗೆ ಇನ್ಸ್ಟಾಗ್ರಾಂ ಮೂಲಕ ಆಗಿತ್ತು. ಮೂರು ತಿಂಗಳಿನಿಂದ ಇವರಿಬ್ಬರು ಫೋನ್ನಲ್ಲಿ ಮಾತನಾಡುತ್ತಿದ್ದರು. ಆದರೆ ನಿನ್ನೆ ಸಂಜೆ ಯುವತಿ ಕರೆ ಮಾಡಿ, ನನಗೆ ಎಂಗೇಜ್ಮೆಂಟ್ ಆಗಿದೆ. ಫೋನ್ ಮಾಡಬೇಡ ಎಂದು ಹೇಳಿದ್ದು, ಇದರಿಂದ ಬೇಸರಗೊಂಡ ಬಾಲಕ ಇಲಿ ಪಾಷಾಣ ಸೇವಿಸಿ ಆತ್ಮಹತ್ಯೆಗೆ ಯತ್ನ ಮಾಡಿದ್ದಾನೆ.
ಮನೆಯ ಆರನೇ ಮಹಡಿಗೆ ತೆರಳಿ, ಅಲ್ಲಿಂದ ಕೆಳಗೆ ಬಿದ್ದು ಆತ್ಮಹತ್ಯೆ ಮಾಡುವುದಾಗಿ ಬೆದರಿಕೆ ಹಾಕಿದ್ದು, ವಿಷಯ ತಿಳಿದ್ದು, ಬೇಗೂರು ಪೊಲೀಸರು ಸ್ಥಳಕ್ಕೆ ಧಾವಿಸಿದ್ದಾರೆ. ಎರಡು ಗಂಟೆಗಳ ಕಾಲ ಪೊಲೀಸರು ಅಪ್ರಾಪ್ತನ ಮನವೊಲಿಸಿದ್ದು, ನಂತರ ಕೆಳಗಿಳಿಸಿದ್ದಾರೆ. ನಂತರ ಕುಟುಂಬದವರೊಂದಿಗೆ ಆತನನ್ನು ಕಳುಹಿಸಿದ್ದಾರೆ.