ಶನಿವಾರ, 21 ನವೆಂಬರ್ 2026

ಇನ್‌ಫ್ಲುಯೆನ್ಸರ್‌ಗಳ ಜಾಹೀರಾತು ನಂಬಿ ಮುಖದ ಕ್ರೀಮ್‌ ಬಳಸಿದ ಬಾಲಕಿಯ ಕಿಡ್ನಿ ಫೇಲ್‌

Image Credit: Metrovartha
Advertisement
Advertisement
Sponsored

ಮಲಪ್ಪುರಂ (ಕೇರಳ): ಸಾಮಾಜಿಕ ಜಾಲತಾಣಗಳ ಇನ್‌ಫ್ಲುಯೆನ್ಸರ್‌ಗಳ ಪ್ರಚಾರದ ವಿಡಿಯೋಗಳನ್ನು ನೋಡಿ ಆನ್‌ಲೈನ್‌ನಲ್ಲಿ ಖರೀದಿಸಿದ ಫೇರ್‌ನೆಸ್‌ ಕ್ರೀಮ್‌ ಬಳಸಿದ ಪರಿಣಾಮ, 17 ವರ್ಷದ ಬಾಲಕಿಯೊಬ್ಬಳು ಗಂಭೀರ ಕಿಡ್ನಿ ಕಾಯಿಲೆಗೆ ತುತ್ತಾಗಿರುವ ಘಟನೆ ಕೇರಳಂ ನಲ್ಲಿ ನಡೆದಿದೆ.

Sponsored

ಈ ಕುರಿತು ಪಿಟಿಐ ಗೆ ಮಾಹಿತಿಯನ್ನು ಬಾಲಕಿಗೆ ಚಿಕಿತ್ಸೆ ನೀಡುವ ವೈದ್ಯರು ತಿಳಿಸಿದ್ದಾರೆ.

Advertisement
Advertisement

ಸುಮಾರು ಒಂದು ವರ್ಷದಿಂದ ಈ ಕ್ರೀಮ್‌ ಬಳಸುತ್ತಿದ್ದ ಬಾಲಕಿಯಲ್ಲಿ ದಿಢೀರ್‌ ರಕ್ತದೊತ್ತಡ ಕುಸಿತ, ತಲೆತಿರುಗಿ ಬೀಳುವುದು, ಕಾಲುಗಳಲ್ಲಿ ತೀವ್ರ ಊತ ಕಾಣಿಸಿದೆ. ಕಾಲುಗಳ ಊತದಿಂದ ನಡೆಯಲು ಮೆಟ್ಟಿಲು ಹತ್ತಲು ಕಷ್ಟವಾಗುತ್ತಿದ್ದ ಕಾರಣ ಆಕೆಯನ್ನು ಮಲಪ್ಪುರಂನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು.

Advertisement

ಇನ್‌ಸ್ಟಾಗ್ರಾಂನಲ್ಲಿ ಇನ್‌ಫ್ಲುಯೆನ್ಸರ್‌ಗಳು ಮಾಡಿದ್ದ ಮೊಡವೆ, ಕಪ್ಪು ಕಲೆ ಮತ್ತು ಪಿಗ್ಮೆಂಟೇಶನ್‌ ನಿವಾರಣೆ ಕ್ರೀಂ ಬಳಸಿ ಎನ್ನುವುದನ್ನು ನೋಡಿ ಆರ್ಡರ್‌ ಮಾಡಿದ್ದಳು. ಇನ್‌ಸ್ಟಾಗ್ರಾಂನಲ್ಲಿ ನೀಡಲಾಗಿದ್ದ ವಾಟ್ಸಪ್‌ ಸಂಖ್ಯೆಯ ಮೂಲಕ ಮಾರಾಟಗಾರರನ್ನು ಸಂಪರ್ಕ ಮಾಡಿ ಕ್ರೀಮ್‌ ಖರೀದಿ ಮಾಡಿರುವುದಾಗಿ ಬಾಲಕಿ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಆರಂಭದಲ್ಲಿ ಈ ಕ್ರೀಮ್‌ ಉತ್ತಮ ಫಲಿತಾಂಶ ನೀಡಿದ್ದು, ನಂತರ ಹಲವು ಬಾಟಲಿಗಳನ್ನು ಈಕೆ ಖರೀದಿ ಮಾಡಿದ್ದಾಳೆ. ಬಾಲಕಿಗೆ ಚಿಕಿತ್ಸೆ ನೀಡುತ್ತಿರುವ ಡಾ.ಗೌರಿ ಎಸ್‌ ಅವರು ಬಾಲಕಿಯ ರಕ್ತ ಪರೀಕ್ಷೆ ಮಾಡಿದಾಗ ಅಪಾಯಕಾರಿ ಪ್ರಮಾಣದಲ್ಲಿ ಪಾದರಸದ ಅಂಶ ಪತ್ತೆಯಾಗಿದೆ ಎಂದು ತಿಳಿಸಿದ್ದಾರೆ.

ಪಾದರಸ ಮೂತ್ರಪಿಂಡಗಳ ಶೋಧಕ ಘಟಕಗಳಿಗೆ ತೀವ್ರ ಹಾನಿಯನ್ನುಂಟು ಮಾಡುತ್ತದೆ. ʼಮೆಂಬ್ರಾನಸ್‌ ನೆಪ್ರೋಪತಿʼ ಎಂಬ ಗಂಭೀರ ಕಿಡ್ನಿ ಸಮಸ್ಯೆ ಕಾಣಿಸಿದ್ದು, ಸರಿಯಾದ ಸಮಯಕ್ಕೆ ಚಿಕಿತ್ಸೆ ನೀಡದಿದ್ದರೆ ಸಮಸ್ಯೆ ಇನ್ನಷ್ಟು ಹೆಚ್ಚುತ್ತಿತ್ತು ಎಂದು ವಿವರಿಸಿದ್ದಾರೆ.

ಬಾಲಕಿ ಬಳಸುತ್ತಿದ್ದ ಕ್ರೀಮ್‌ ಅನ್ನು ಪ್ರಯೋಗಾಲಯದಲ್ಲಿ ಪರೀಕ್ಷೆ ಮಾಡಿದಾಗ ಅನುಮತಿಸಲಾದ 1 ಪಿಪಿಎಂ (Parts per million-1ppm) ಇರಬೇಕು ಆದರೆ ಅದರಲ್ಲಿ ಬರೋಬ್ಬರಿ 12,500 ಪಿಪಿಎಂ ನಷ್ಟು ಪಾದರಸದ ಅಂಶ ಇರುವುದು ಗಮನಕ್ಕೆ ಬಂದಿದೆ. ಈ ಪಾದರಸಯುಕ್ತ ಈ ಉತ್ಪನ್ನವೇ ಕಿಡ್ನಿ ಕಾಯಿಲೆಗೆ ಕಾರಣವಾಗಿದೆ ಎಂದು ವೈದ್ಯಕೀಯ ವರದಿಯಿಂದ ತಿಳಿದು ಬಂದಿದೆ ಎಂದು ವೈದ್ಯರು ಹೇಳಿದ್ದಾರೆ.

ತನ್ನ ಆರೋಗ್ಯ ಸಮಸ್ಯೆಯ ಕುರಿತು ಕಂಪನಿಗೆ ಮಾಹಿತಿ ನೀಡಿದ್ದರೂ ಅವರಿಂದ ಯಾವುದೇ ಸಕರಾತ್ಮಕ ಪ್ರತಿಕ್ರಿಯೆ ಬಂದಿಲ್ಲ ಎಂದು ಬಾಲಕಿ ಹೇಳಿದ್ದಾಳೆ. ಈ ಹಿನ್ನೆಲೆಯಲ್ಲಿ ಕಂಪನಿಯ ವಿರುದ್ಧ ಗ್ರಾಹಕ ನ್ಯಾಯಾಲಯವು ಕಾನೂನು ಹೋರಾಟ ನಡೆಸಲು ಬಾಲಕಿಯ ಕುಟುಂಬ ನಿರ್ಧಾರ ಮಾಡಿದೆ. ಪ್ರಕರಣ ಕಾನೂನು ಹಂತದಲ್ಲಿರುವುದರಿಂದ ಕುಟುಂಬದವರು ಸದ್ಯಕ್ಕೆ ಆ ಕ್ರೀಮ್‌ನ ಹೆಸರನ್ನು ಬಹಿರಂಗಪಡಿಸಿಲ್ಲ.

Advertisement
Advertisement