ಇಂಟರ್ವ್ಯೂ ವೇಳೆ ತನ್ನ ಶರ್ಟ್ ಮೇಲಿನ ಬರಹದಿಂದ ಕೆಲಸ ಕಳೆದುಕೊಂಡ ಯುವತಿ!!

ಕೆಲಸದ ನಿಮಿತ್ತ ಸಂದರ್ಶನ ಹೋಗುವ ಸಂದರ್ಭದಲ್ಲಿ ನಮ್ಮ ಡ್ರೆಸ್ ಸೆನ್ಸ್ ತುಂಬಾ ಮುಖ್ಯವಾಗುತ್ತದೆ. ನಮ್ಮ ಜ್ಞಾನಕ್ಕಿಂತಲೂ ಕೂಡ ನಮ್ಮ ಕ್ಲೀನ್ನೆಸ್ ಹಾಗೂ ಶಿಸ್ತನ್ನು ಅಲ್ಲಿರುವವರು ಗಮನಿಸುತ್ತಾರೆ. ಇದೀಗ ಅಧಿಕಾರಿಯೊಬ್ಬರು, ಅಭ್ಯರ್ಥಿಯೊಬ್ಬಳು ಇಂಟರ್ವ್ಯೂಗೆ ಬಂದಾಗ, ಇಂಟರ್ವ್ಯೂ ಆರಂಭವಾಗುವ ಮುನ್ನವೇ ಆಕೆಯನ್ನು ರಿಜೆಕ್ಟ್ ಮಾಡಿದ ಆಘಾತಕಾರಿ ಘಟನೆ ನಡೆದಿದೆ. ಕಾರಣ ಆಕೆ ಟಿ ಶರ್ಟ್ ಮೇಲಿದ್ದ ಬರಹ!!

Sponsored

ಹೌದು, ಯುವತಿ ಒಬ್ಬಳು ಇಂಟರ್ವ್ಯೂ ಗೆ ಹೋದ ಸಂದರ್ಭದಲ್ಲಿ ತಾನು ಹಾಕಿದ್ದ ಟಿ-ಶರ್ಟ್ ಮೇಲಿನ ಲೈನ್ಸ್ ನಿಂದ ಕೆಲಸ ಕಳೆದುಕೊಂಡಿರುವ ಘಟನೆ ನಡೆದಿದೆ. ಪ್ರೈಮ್ ವಿಡಿಯೋದ ಸೋಶಿಯಲ್ ಮತ್ತು ಎಡಿಟೋರಿಯಲ್ ಲೀಡ್ ಆಗಿರುವ ಭಾವಿಷಾ ಜೈನ್ (Bhavisha Jain) ಅವರು ಈ ಕುರಿತು ಲಿಂಕ್ಡ್‌ಇನ್‌ನಲ್ಲಿ ಹಂಚಿಕೊಂಡಿರುವ ಈ ಪೋಸ್ಟ್ ಈಗ ಕಾರ್ಪೊರೇಟ್ ವಲಯದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.

ಭಾವಿಷಾ ಜೈನ್ ತಿಳಿಸಿರುವ ಪ್ರಕಾರ, ಮೂರು ತಿಂಗಳ ಹಿಂದೆ ಅವರು ತಮ್ಮ ತಂಡದ ಕಾಂಟೆಂಟ್ ಕ್ರಿಯೇಷನ್ ge ಅಭ್ಯರ್ಥಿಗಳನ್ನು ಶಾರ್ಟ್‌ಲಿಸ್ಟ್ ಮಾಡುತ್ತಿದ್ದರು. ಆಗ ಒಬ್ಬ ಯುವತಿಯ ಸಿವಿ (CV) ಅವರಿಗೆ ತುಂಬಾ ಇಷ್ಟವಾಗಿತ್ತು. ಆಕೆಗೆ ಪ್ರಮುಖ ಬ್ರಾಂಡ್‌ಗಳೊಂದಿಗೆ ಕೆಲಸ ಮಾಡಿದ ಅನುಭವವಿತ್ತು ಮತ್ತು ಸೋಶಿಯಲ್ ಮೀಡಿಯಾದಲ್ಲಿ 50,000ಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದರು. ಮತ್ತು ಆಕೆಯ ಟ್ಯಾಲೆಂಟ್ ನೋಡಿ ಅವರು ಫಿದಾ ಆಗಿದ್ದರು. ಆದರೆ, ಇಂಟರ್ವ್ಯೂ ದಿನದಂದು ಆ ಯುವತಿ ಕ್ಯಾಮೆರಾ ಮುಂದೆ ಬಂದಾಗ ಭಾವಿಷಾ ಅವರಿಗೆ ಶಾಕ್ ಕಾದಿತ್ತು. ಆಕೆ ಧರಿಸಿದ್ದ ಟಿ-ಶರ್ಟ್ ಮೇಲೆ ‘I am too hot for a job’ (ಅಂದರೆ, ‘ಕೆಲಸ ಮಾಡಲು ನಾನು ತುಂಬಾ ಹಾಟ್ ಆಗಿದ್ದೇನೆ’ ಅಥವಾ ‘ಈ ಕೆಲಸಕ್ಕಿಂತ ನಾನು ಮಿಗಿಲಾದವಳು’). ಇದನ್ನು ನೋಡಿದ ತಕ್ಷಣ ಭಾವಿಷಾ ಅವರು ಇಂಟರ್ವ್ಯೂ ಪ್ರಕ್ರಿಯೆಯನ್ನು ಅಲ್ಲಿಗೇ ನಿಲ್ಲಿಸಿ, ಆಕೆಯನ್ನು ಇಂಟರ್ವ್ಯೂನಲ್ಲಿ ಆಯ್ಕೆ ಮಾಡಲು ನಿರಾಕರಿಸಿದ್ದಾರೆ.

ತಮ್ಮ ನಿರ್ಧಾರವನ್ನು ಸಮರ್ಥಿಸಿಕೊಂಡಿರುವ ಭಾವಿಷಾ, “ನಾನು ಆಕೆಯನ್ನು ರಿಜೆಕ್ಟ್ ಮಾಡಿದ್ದು ಆಕೆ ಫಾರ್ಮಲ್ ಬಟ್ಟೆ ಹಾಕಿಲ್ಲ ಎಂದಾಗಲಿ ಅಥವಾ ಗ್ಲಾಮರಸ್ ಆಗಿದ್ದಾಳೆ ಎಂದಾಗಲಿ ಅಲ್ಲ. ಬದಲಿಗೆ, ಆಕೆ ಧರಿಸಿದ್ದ ಬಟ್ಟೆಯ ಮೇಲಿನ ಸಂದೇಶ ಅವಳಿಗೆ ಈ ಕೆಲಸದ ಮೇಲೆ ಗೌರವ ಇಲ್ಲ ಎನ್ನುವುದನ್ನು ತೋರಿಸುತ್ತಿತ್ತು. ನಿಮ್ಮನ್ನು ನೀವು ಸಾಬೀತುಪಡಿಸಲು ಇಂಟರ್ವ್ಯೂನಲ್ಲಿ ಕೇವಲ 30 ನಿಮಿಷ ಸಿಗುತ್ತದೆ. ನಿಮ್ಮ ಮಾತು, ನಿಮ್ಮ ಕೆಲಸದ ಫೈಲ್ ಜೊತೆಗೆ ನಿಮ್ಮ ಬಟ್ಟೆಯ ಮೇಲಿರುವ ಬರಹವೂ ನಿಮ್ಮ ವ್ಯಕ್ತಿತ್ವವನ್ನು ಕಮ್ಯುನಿಕೇಟ್ ಮಾಡುತ್ತದೆ. ಆಕೆ ಇಂಟರ್ವ್ಯೂ ಶುರುವಾಗುವ ಮುನ್ನವೇ ತಾನು ಈ ಕೆಲಸಕ್ಕೆ ಮಿಗಿಲಾದವಳು ಎಂದು ಹೇಳಿಕೊಂಡಿದ್ದಳು, ನಾನು ಅದನ್ನೇ ನಂಬಿ ರಿಜೆಕ್ಟ್ ಮಾಡಿದೆ” ಎಂದು ಭಾವಿಷಾ ಬರೆದುಕೊಂಡಿದ್ದಾರೆ.