Shivling: ಮೀನುಗಾರರ ಬಲೆಗೆ ಬಿದ್ದ 100 ಕೆಜಿಗೂ ಅಧಿಕ ತೂಕದ ಶಿವಲಿಂಗ

ಮೀನುಗಾರರು ಸಮುದ್ರದಲ್ಲಿ ಮೀನುಗಾರಿಕೆಗೆಂದು ಹೋದಾಗ ಸಮುದ್ರದಲ್ಲಿ ಬೃಹತ್ ಶಿವಲಿಂಗವೊಂದು ಪತ್ತೆಯಾಗಿದೆ. ಈ ಶಿವಲಿಂಗವು ಒಂದು ಕ್ವಿಂಟಾಲ್‌ ತೂಗುತ್ತದೆ. ಈ ಘಟನೆ ಗುಜರಾತ್‌ನ ಭರೂಚ್‌ನಲ್ಲಿ ನಡೆದಿದೆ.

Sponsored

ಮೀನುಗಾರರು ಸಮುದ್ರದಲ್ಲಿ ಮೀನುಗಾರಿಕೆಗೆ ತೆರಳಿದ್ದರು. ಈ ವೇಳೆ ಈ ಶಿವಲಿಂಗ ಅವರ ಬಲೆಗೆ ಸಿಕ್ಕಿಹಾಕಿಕೊಂಡಿತು. ಸಾಕಷ್ಟು ಪರಿಶ್ರಮದ ನಂತರ ಮೀನುಗಾರರು ಶಿವಲಿಂಗವನ್ನು ಸಮುದ್ರ ತೀರಕ್ಕೆ ತಂದರು. ಈಗ ಅದನ್ನು ನೋಡಲು ಹತ್ತಿರದ ಪ್ರದೇಶಗಳ ಜನರು ಜಮಾಯಿಸಿದ್ದಾರೆ. ಜನಸಂದಣಿಯನ್ನು ನಿಯಂತ್ರಿಸಲು ಪೊಲೀಸ್ ಪಡೆ ನಿಯೋಜಿಸಲಾಗಿದೆ. ಮೀನುಗಾರರು ಮೀನಿನ ಬಲೆ ತುಂಬಾ ಭಾರವಾಗಿದ್ದು ಕಂಡು, ದೊಡ್ಡ ಮೀನು ಬಿದ್ದಿರಬಹುದು ಎಂದು ಅವರು ಅಂದಾಜು ಮಾಡಿದ್ದರು. ಬಲೆಯನ್ನು ಸಂಪೂರ್ಣವಾಗಿ ದೋಣಿಯೊಳಗೆ ತಂದಾಗ, ಎಲ್ಲರೂ ಆಶ್ಚರ್ಯಚಕಿತರಾದರು. ಆ ಕಲ್ಲು ಶಿವಲಿಂಗದ ಆಕಾರದಲ್ಲಿತ್ತು.

गुजरात के भरुच में समुद्र में मिला शिवलिंग। pic.twitter.com/ad4GnzuypD

Advertisement

— Amit Kasana (@amitkasana6666) February 8, 2024

ಮೀನುಗಾರರು ಶಿವಲಿಂಗವನ್ನು ದಡಕ್ಕೆ ತಂದರು. ಈ ಸುದ್ದಿ ಗ್ರಾಮದಲ್ಲಿ ಕಾಳ್ಗಿಚ್ಚಿನಂತೆ ಹಬ್ಬಿತು. ಶಿವಲಿಂಗವನ್ನು ನೋಡಲು ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಆಗಮಿಸುತ್ತಿದ್ದಾರೆ. ಶಿವಲಿಂಗದ ತೂಕ ಸುಮಾರು ಕ್ವಿಂಟಾಲ್ ಎಂದು ಹೇಳಲಾಗುತ್ತದೆ. ಆ ಮಧ್ಯ ಸಮುದ್ರ ಎಲ್ಲಿಂದ ಬಂತು? ಆ ಶಿವಲಿಂಗ ಎಲ್ಲಿಂದ ಬಂತು? ಇನ್ನೂ ತಿಳಿದು ಬಂದಿಲ್ಲ. ಜಿಲ್ಲಾಡಳಿತದ ಅಧಿಕಾರಿಗಳು ಕೂಡ ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದರು. ಇತ್ತೀಚಿನ ಉಬ್ಬರವಿಳಿತದ ಕಾರಣ, ಈ ಶಿವಲಿಂಗವು ನೀರಿನ ಮೇಲ್ಮೈ ಮೇಲೆ ಬಂದಿರಬಹುದು ಎಂದು ಇದುವರೆಗಿನ ತನಿಖೆಯಿಂದ ತಿಳಿದುಬಂದಿದೆ. ಇದಲ್ಲದೇ ಶಿವಲಿಂಗದಲ್ಲಿ ಶೇಷನಾಗ್‌ನ ಚಿಹ್ನೆಗಳು ಕಂಡುಬಂದಿವೆ ಎಂದು ಸ್ಥಳೀಯರು ಹೇಳುತ್ತಾರೆ. ಈ ಶಿವಲಿಂಗವನ್ನು ಯಾವ ಶಿಲೆಯಿಂದ ನಿರ್ಮಿಸಲಾಗಿದೆ ಎಂಬುದನ್ನು ಪರಿಶೀಲಿಸಲಾಗುತ್ತಿದೆ.