ಒಂದೇ ಒಂದು ಆಭರಣವನ್ನೂ ಧರಿಸದೆ ಮದುವೆಯಾದ ವಧು – ನ್ಯೂ ಟ್ರೆಂಡ್ ವೆಡ್ಡಿಂಗ್‌ಗೆ ದೇಶದ ಜನ ಫಿದಾ

ಮದುವೆ ಎಂದ ತಕ್ಷಣ ಸಂಭ್ರಮ ಸಡಗರದ ಜೊತೆ ಬೆಲೆಬಾಳುವ ವಸ್ತುಗಳು, ಚಿನ್ನಾಭರಣಗಳು ಸೇರಿದಂತೆ ಅನೇಕ ಕಲ್ಪನೆಗಳು ನಮ್ಮ ಮುಂದೆ ಬರುತ್ತವೆ. ಇಂದು ಕೆಲವರು ಇದರಿಂದ ದೂರ ಉಳಿದರು ಕೂಡ ಸ್ವಲ್ಪವಾದರೂ ಚಿನ್ನ ಅಥವಾ ಯಾವುದಾದರೂ ಆರ್ನಮೆಂಟ್ಸ್ ಗಳನ್ನು ಧರಿಸಿರುತ್ತಾರೆ. ಆದರೆ ಇದೀಗ ಕೇರಳದಲ್ಲಿ ನಡೆದ ಮದುವೆಯೊಂದು ಇಡೀ ದೇಶದ ಗಮನ ಸೆಳೆದು ಎಲ್ಲರಿಗೂ ಮಾದರಿಯಾಗಿದೆ. ಯಾಕೆಂದರೆ ಈ ಮದುವೆಯ ಸ್ಪೆಷಾಲಿಟಿಯೇ ‘ನೋ ಗೋಲ್ಡ್, ನೋ ಜ್ಯುವೆಲ್ಲರಿ ವೆಡ್ಡಿಂಗ್’ ಎಂಬುದಾಗಿತ್ತು.

Sponsored

ಹೌದು, ಕೇರಳದ ತಿರುವನಂತಪುರಂ ನಲ್ಲಿ ನಡೆದ ನೋ ಗೋಲ್ಡ್, ನೋ ಜ್ಯುವೆಲ್ಲರಿ ವೆಡ್ಡಿಂಗ್’ (No Gold, No jewelry Wedding) ಎಂಬ ಹೊಸ ಪರಿಕಲ್ಪನೆ ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡ್ ಕ್ರಿಯೇಟ್ ಮಾಡಿದೆ. ಈ ಮದುವೆಯಲ್ಲಿ ವಧು ಒಂದೇ ಒಂದು ಗ್ರಾಂ ಚಿನ್ನವೂ ಧರಿಸಿಲ್ಲ. ಅಷ್ಟೇ ಅಲ್ಲ, ಯಾವುದೇ ಆರ್ಟಿಫಿಷಿಯಲ್ ಜ್ಯುವೆಲ್ಲರಿಯನ್ನೂ ಧರಿಸದೇ ಸರಳವಾಗಿ ಮದುವೆಯಾಗಿದ್ದಾರೆ. ಸದ್ಯ ಈ ಮದುವೆಯ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಅಂದಹಾಗೆ ಮದುವೆಯಾದ ವಧು ಕೆಂಪು ಬಣ್ಣದ ಸೀರೆ, ಗ್ರ‍್ಯಾಂಡ್ ವರ್ಕ್‌ನ ಬ್ಲೌಸ್ ಹಾಗೂ ದುಪಟ್ಟಾ ಧರಿಸಿದ್ದು, ಸುಂದರವಾಗಿ ಮೇಕಪ್ ಮಾಡಿಕೊಂಡಿದ್ದರೂ, ಕಿವಿಯೋಲೆ ಸೇರಿದಂತೆ ಯಾವುದೇ ಆಭರಣ ಧರಿಸಿರಲಿಲ್ಲ. ಈ ಸರಳ ಮದುವೆಯ ವಿಡಿಯೋ ಈಗ ಲಕ್ಷಾಂತರ ಜನರ ಮೆಚ್ಚುಗೆ ಗಳಿಸಿದೆ. ಈ ವಿಡಿಯೋ ನೋಡಿದ ಅನೇಕ ನೆಟ್ಟಿಗರು `ಮದುವೆ ಅಂದ್ರೆ ಪ್ರೀತಿ ಮುಖ್ಯ ಚಿನ್ನ ಅಲ್ಲ’, ‘ಇಂತಹ ಸರಳ ಮದುವೆಗಳು ಹೆಚ್ಚಾಗಬೇಕು’ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ವಧುವಿನ ನಿರ್ಧಾರವನ್ನ ಬೆಂಬಲಿಸಿದ ಪೋಷಕರು ಮತ್ತು ವರನಿಗೂ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

https://www.instagram.com/reel/DaRvnCVPznd/?igsh=MW5kaTlvaTN6aHZ5OQ==