ಈ ಸಿನಿಮಾಗೆ ಯಾವುದೇ ಕ್ರೆಡಿಟ್, ಅವಾರ್ಡ್ ಬಂದರೆ ಎಲ್ಲನೂ “ಅವಳಿಗೇ” ಸಲ್ಲಬೇಕು ಎಂದ ರಕ್ಷಿತ್ ಶೆಟ್ಟಿ

ಚಿತ್ರನಟ ರಕ್ಷಿತ್ ಶೆಟ್ಟಿ ನಟನೆಯ ಬಹು ನಿರೀಕ್ಷಿತ ‘777 ಚಾರ್ಲಿ’ ಸಿನಿಮಾ ತೆರೆಗೆ ಬರೋಕೆ ರೆಡಿ ಆಗಿದೆ. ಅಭಿಮಾನಿಗಳೆಲ್ಲ ಕಾತುರತೆಯಿಂದ ಕಾಯುತ್ತಾ ಇರುವ ಸಿನಿಮಾ ಇದಾಗಿದ್ದು, ವಿಶ್ವಾದ್ಯಂತ ತೆರೆಗೆ ಬರಲು ಸಜ್ಜಾಗಿದೆ.

Sponsored

ಜೂನ್ 10ರಂದು ಈ ಚಿತ್ರ ವಿಶ್ವಾದ್ಯಂತ ರಿಲೀಸ್ ಆಗುತ್ತಿದೆ. ಈ ಸಿನಿಮಾ ರಿಲೀಸ್‌ಗೂ ಮೊದಲೇ ಮಾಧ್ಯಮದವರಿಗೋಸ್ಕರ ವಿಶೇಷ ಶೋ ಏರ್ಪಡಿಸಲಾಗಿತ್ತು. ಆ ಬಳಿಕ ರಕ್ಷಿತ್ ಮಾಧ್ಯಮಗಳ ಜತೆ ಮಾತನಾಡಿ ಸಾಕಷ್ಟು ವಿಚಾರ ಹಂಚಿಕೊಂಡರು. ಚಾರ್ಲಿ ಹೆಸರಿನ ಶ್ವಾನ ಇಡೀ ಸಿನಿಮಾದ ಹೈಲೈಟ್. ಈ ಸಿನಿಮಾ ಈ ಶ್ವಾನದ ಕೊನೆಯ ಚಿತ್ರ ಎಂಬುದು ರಕ್ಷಿತ್ ಶೆಟ್ಟಿ ಮಾತು. ‘ಚಾರ್ಲಿ ಅವಳ ಕೊನೆಯ ಸಿನಿಮಾ. ಇದಾದ ಬಳಿಕ ಅವಳು ಯಾವುದೇ ಸಿನಿಮಾದಲ್ಲೂ ನಟಿಸುವುದಿಲ್ಲ. ಈ ಸಿನಿಮಾಗೆ ಯಾವುದೇ ಅವಾರ್ಡ್ ಬಂದರೂ ಅವಳಿಗೆ ಸಲ್ಲಬೇಕು’ ಎಂದಿದ್ದಾರೆ ರಕ್ಷಿತ್.

ಸಿನಿಮಾ‌ ಬಿಡುಗಡೆಯಾದ ನಂತರ ಅಭಿಮಾನಿಗಳಿಗೆ ಈ ಸಿನಿಮಾ‌ ಇಷ್ಟವಾಗೋ ಬಗ್ಗೆ ತಿಳಿದುಕೊಳ್ಳಬಹುದು. ಸಿನಿಮಾ ಟ್ರೇಲರ್ ಈಗಾಗಲೇ ಮೋಡಿ ಮಾಡಿದೆ. ಹಾಗೆನೇ ಸಿನಿಮಾ ಕೂಡಾ ಜನರನ್ನು ಮಂತ್ರಮುಗ್ಧರನ್ನಾಗಿ ಮಾಡೋದರಲ್ಲಿ ಎರಡು ಮಾತಿಲ್ಲ ಎಂದೇ ಹೇಳಬಹುದು. ಆಲ್ ದಿ ಬೆಸ್ಟ್ ರಕ್ಷಿತ್ ಶೆಟ್ಟಿ ಮತ್ತು ಟೀಂ.