ಹೊಲದಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆಯರಿಗೆ ಸಿಡಿಲು ಬಡಿತ; ಮೂವರು ಸಾವು

ಭಾನುವಾರ ಸುರಿದ ಭಾರೀ ಮಳೆಗೆ ಸಿಡಿಲು ಬಡಿದು ಐವರು ಮಹಿಳೆಯರು ಸಾವನ್ನಪ್ಪಿದ್ದು ಮತ್ತು ನಾಲ್ವರು ಗಾಯಗೊಂಡಿರುವ ಘಟನೆ ಜಾರ್ಖಂಡ್‌ನ ರಾಮಗಢ ಮತ್ತು ಗೊಡ್ಡಾ ಜಿಲ್ಲೆಗಳಲ್ಲಿ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

Sponsored

ಐವರು ಸಾವನ್ನಪ್ಪಿರುವವರಲ್ಲಿ ಮೂವರು ರಾಮಗಢದ ಪತ್ರಾತು ಬ್ಲಾಕ್‌ನಿಂದ ಮತ್ತು ಇಬ್ಬರು ಗೊಡ್ಡಾ ಜಿಲ್ಲೆಯ ಬಸಂತ್ರೈ ಬ್ಲಾಕ್‌ನ ಮಹೇಶ್‌ಪುರ-ರಾಂಪುರ ಗ್ರಾಮದವರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಹೊಲಗಳಲ್ಲಿ ಭತ್ತ ಬಿತ್ತುವ ಸಂದರ್ಭದಲ್ಲಿ ಸಿಡಿಲು ಬಡಿದು ಎಲ್ಲರೂ ಸಾವಿಗೀಡಾಗಿದ್ದಾರೆ ಎಂದು ಹೇಳಿದ್ದಾರೆ.

ರಾಮಗಢದ ಎರಡು ಗ್ರಾಮಗಳಲ್ಲಿ ಸಿಡಿಲು ಬಡಿದು ಮೂವರು ಸಾವಿಗೀಡಾಗಿದ್ದಾರೆ. ಸಕುಲ್‌ ಗ್ರಾಮದ ರೇಖಾ ದೇವಿ (45) ಮತ್ತು ರೋಶ್ನಿ ಕುಮಾರಿ (21) ಮತ್ತು ಪಳನಿ ಗ್ರಾಮದ ನಿವಾಸಿ ಸುಶಾಂತಿ ದೇವಿ (34) ಎಂದು ಗುರುತಿಸಲಾಗಿದೆ.