2
ಲಕ್ನೋ: ರೀಲ್ಸ್ ಮಾಡುವ ಸಲುವಾಗಿ ಬಾಲಕರು ಪಾಳುಬಿದ್ದ ಓವರ್ಹೆಡ್ ನೀರಿನ ಟ್ಯಾಂಕ್ ಮೇಲೆ ಹತ್ತಿದ್ದು, ಆದರೆ ಇಳಿಯುವಾಗ ದುರದೃಷ್ಟವಶಾತ್ ಮೆಟ್ಟಿಲುಗಳು ಕುಸಿದು ಬಿದ್ದ ಪರಿಣಾಮ ಐವರು ಮಕ್ಕಳಲ್ಲಿ ಮೂವರು ಕೆಳಕ್ಕೆ ಬಿದ್ದು, ಬಾಲಕನೋರ್ವ ಮೃತಪಟ್ಟಿರುವ ಘಟನೆ ಉತ್ತರಪ್ರದೇಶದ ಸಿದ್ಧಾರ್ಥ್ನಗರದಲ್ಲಿ ಶನಿವಾರ ನಡೆದಿದೆ.
ಮೃತನನ್ನು ಸಿದ್ಧಾರ್ಥ್ (10) ಎಂದು ಗುರುತಿಸಲಾಗಿದೆ. ಹಾಗೆನೇ ಕೆಳಕ್ಕೆ ಬಿದ್ದ ಇಬ್ಬರ ಸ್ಥಿತಿ ಇನ್ನೂ ಚಿಂತಾಜನಕವಾಗಿದೆ. ಇನ್ನಿಬ್ಬರು ಬಾಲಕರು ಟ್ಯಾಂಕ್ ಮೇಲೆ ಸಿಲುಕಿದ್ದು, ಅವರನ್ನು ವಾಯುಪಡೆಯ ಹೆಲಿಕಾಪ್ಟರ್ ಬಳಸಿ ಭಾನುವಾರ ರಕ್ಷಣೆ ಮಾಡಲಾಗಿದೆ.