ನಾಲ್ಕೂರಿನಲ್ಲಿ ಅಪರಿಚಿತ ಮಾನವ ಅಸ್ಥಿಪಂಜರ ಪತ್ತೆ

ಬೆಳ್ತಂಗಡಿ: ನಾಲ್ಕೂರು ಗ್ರಾಮದ ಪಾಡಿ ಎಂಬಲ್ಲಿ ಅಪರಿಚಿತ ವ್ಯಕ್ತಿಯ ಅಸ್ಥಿಪಂಜರ ಪತ್ತೆಯಾಗಿರುವ ಘಟನೆ ಸೆ.28 ರ ಸಂಜೆ ಬೆಳಕಿಗೆ ಬಂದಿದೆ. ಬಳಂಜ ಗ್ರಾಮ ವ್ಯಾಪ್ತಿಯ ನಾಲ್ಕೂರು ಗ್ರಾಮದ ಪಾಡಿ ನಿವಾಸಿ ವಿನೋದ್‌ ಎಂಬುವವರ ಕೃಷಿ ತೋಟದ ಬಾವಿ ಬಳಿ ತಲೆಬುರುಡೆ, ಎಲುಬುಗಳು, ವಸ್ತ್ರ ಸಹಿತ ಇರುವ ಮಾನವನ ಅಸ್ಥಿಪಂಜರ ಪತ್ತೆಯಾಗಿದೆ.

Sponsored

ವಿನೋದ್‌ ಅವರ ಈ ಜಾಗವನ್ನು ನಾಲ್ಕೂರು ಗ್ರಾಮದ ಮಜ್ಜೆನಿಬೈಲು ಪಾಡಿ ನಿವಾಸಿ ಸುರೇಶ್‌ ಎಂಬುವರು ನೋಡಿಕೊಳ್ಳುತ್ತಿದ್ದು, ಮೆಷಿನ್‌ ಮೂಲಕ ತೋಟ ಸ್ವಚ್ಛ ಮಾಡುವಾಗ ಅಸ್ಥಿಪಂಜರ ಕಂಡು ಬಂದಿದೆ. ಘಟನಾ ಸ್ಥಳಕ್ಕೆ ವೇಣುರು ಠಾಣಾ ಪೊಲೀಸರು ಹಾಗೂ ಎಸ್‌ಓಸಿಓ ತಂಡ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಮೃತ ವ್ಯಕ್ತಿಯ ಗುರುತು ಪತ್ತೆ ಹಾಗೂ ಸಾವಿನ ಕಾರಣದ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.