ಡ್ಯಾನ್ಸರ್‌ ಪ್ರೀತಿಗೆ ಬ್ಯಾಂಕನ್ನೇ ದಿವಾಳಿ ಮಾಡಿದ ಅಧಿಕಾರಿ – ಇದು 657 ಕೋಟಿಯ ಲವ್ ಸ್ಟೋರಿ

 ಬ್ಯಾಂಕ್ ಒಂದರಲ್ಲಿ ಬರೋಬ್ಬರಿ 657 ಕೋಟಿ ಅವ್ಯವಹಾರ ನಡೆದಿದ್ದು, ಇದರ ಹಿಂದೆ ಒಬ್ಬ ಅಧಿಕಾರಿ ಹಾಗೂ ಡ್ಯಾನ್ಸರ್ ಇಬ್ಬರ ಪ್ರೀತಿಯ ರೋಚಕ ಸ್ಟೋರಿ ಅಡಗಿರುವ ಭಯಾನಕ ಪ್ರಕರಣ ಒಂದು ಹರಿಯಾಣದ ಚಂಡೀಗಡದಲ್ಲಿ ಬೆಳಕಿಗೆ ಬಂದಿದೆ.

Sponsored

 ಇತ್ತೀಚಿಗಷ್ಟೇ ಕರ್ನಾಟಕ ಲೋಕಸೇವಾ ಆಯೋಗದಲ್ಲಿ ಅದರ ನಿರ್ದೇಶಕ ಆಯೋಗದಲ್ಲಿ ಕೋಟ್ಯಾಂತರ ವ್ಯವಹಾರ ಮಾಡಿ ತನ್ನ ಪ್ರೇಯಸಿಗಾಗಿ ಕೊಟ್ಯಂತರ ರೂಪಾಯಿ ವ್ಯಯಿಸಿದ ಘಟನೆಯನ್ನು ಕೇಳಿ ರಾಜ್ಯದ ಜನ ಬೆಚ್ಚಿಬಿದ್ದಿತ್ತು. ಇದನ್ನು ಮೀರಿಸುವ ಘಟನೆ ಒಂದು ಇದೀಗ ಹರಿಯಾಣದ ಹರಿಯಾಣ ಮತ್ತು ಚಂಡಿಗಡ ಐಡಿಎಫ್ ಸಿ ಬ್ಯಾಂಕ್ ನಲ್ಲಿ ನಡೆದಿದೆ.

ಬ್ಯಾಂಕ್ ಅಧಿಕಾರಿಯೊಬ್ಬರ ಅಕ್ರಮ ಪ್ರೇಮ ಪ್ರಕರಣವೊಂದು ಇದೀಗ ದೇಶಾದ್ಯಂತ ಸಂಚಲನ ಮೂಡಿಸಿದೆ. ಡ್ಯಾನ್ಸರ್ ಮೇಲಿನ ಕುರುಡು ಪ್ರೀತಿಗಾಗಿ IDFC ಫಸ್ಟ್ ಬ್ಯಾಂಕ್‌ನ ಅಧಿಕಾರಿಯೊಬ್ಬರು ಬರೋಬ್ಬರಿ *₹657 ಕೋಟಿ* ವಂಚನೆ ಮಾಡಿರುವ ಆಘಾತಕಾರಿ ಅಂಶ ಸಿಬಿಐ ತನಿಖೆಯಲ್ಲಿ ಬಯಲಾಗಿದೆ. ಮಾಧ್ಯಮಗಳಲ್ಲಿ ಇದು ‘₹6547 ಕೋಟಿಯ ಲವ್‌ಸ್ಟೋರಿ’ ಎಂದು ವೈರಲ್ ಆಗುತ್ತಿದೆ.

ಪ್ರಕರಣದ ಆರೋಪಿಯನ್ನು ರಿಭವ್ ರಿಷಿ ಎಂದು ಗುರುತಿಸಲಾಗಿದೆ. ಈತ IDFC ಫಸ್ಟ್ ಬ್ಯಾಂಕ್‌ನಲ್ಲಿ ಕೆಲಸ ಮಾಡುತ್ತಿದ್ದು, ಈಗಾಗಲೇ ವಿವಾಹಿತನಾಗಿದ್ದಾನೆ. ಆದರೆ ಈತನಿಗೆ ಮಾರ್ಚ್-ಏಪ್ರಿಲ್ 2025 ರಲ್ಲಿ ಹುಡುಗಿಯೊಬ್ಬಳ ಭೇಟಿಯಾಗಿದ್ದು, ಆತ ಆಕೆಯ ಪ್ರೀತಿಯಲ್ಲಿ ಬಿದ್ದಿದ್ದಾನೆ. ಇದೇ ಅಂಧ ಪ್ರೀತಿಯಿಂದ ಆತ ಬ್ಯಾಂಕ್‌ಗೆ ವಂಚಿಸಿದ್ದಾನೆ. ಈ ಘಟನೆಯಲ್ಲಿ ಸಿಬಿಐ ಸಾಕ್ಷಿಯಾದ ರಿಭವ್‌ನ ಗೆಳತಿ, ಡ್ಯಾನ್ಸರ್ ಚಂಡೀಗಢದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ತಾನು ಮೊದಲು ರಿಭವ್‌ನನ್ನು ಭೇಟಿಯಾದೆ ಎಂದು ತಿಳಿಸಿದ್ದಾಳೆ.

ಚಂಡೀಗಢದಲ್ಲಿ ನಡೆದ ಕಾರ್ಯಕ್ರಮವೊಂದಕ್ಕೆ ಡ್ಯಾನ್ಸ್ ಮಾಡಲು ಹೋಗಿದ್ದಾಗ ಮೊದಲ ಬಾರಿ ರಿಭವ್‌ನನ್ನು ನೋಡಿದ್ದೇನೆ, ಆಗ ಮಾತನಾಡಿರಲಿಲ್ಲ ಎಂದು ಆಕೆ ಹೇಳಿದ್ದಾಳೆ. ಅಲ್ಲದೆ ಮೇ 2025ರಲ್ಲಿ ಜೈಪುರದ ಫಾರ್ಮ್‌ಹೌಸ್‌ನಲ್ಲಿ ನಡೆದ ಪಾರ್ಟಿಯಲ್ಲಿ ಇಬ್ಬರೂ ಮತ್ತೆ ಭೇಟಿಯಾಗಿ ಮಾತನಾಡಿದ್ದಾರೆ. ಜುಲೈ 5, 2025ರಂದು ಮುಂಬೈನ ಪ್ರತಿಷ್ಠಿತ ಸೇಂಟ್ ರೆಗಿಸ್ ಹೋಟೆಲ್‌ನಲ್ಲಿ ನಡೆದ ಮೂರನೇ ಭೇಟಿಯಲ್ಲಿ ರಿಭವ್ ತನ್ನ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾನೆ. ಆ ವೇಳೆ ತನ್ನನ್ನು ಬ್ಯಾಂಕ್‌ನ ಈವೆಂಟ್ ಪ್ಲಾನರ್ ಮತ್ತು ಶಾಖಾ ವ್ಯವಸ್ಥಾಪಕ, ಜೊತೆಗೆ ಅಕ್ಕಿ ಆಮದು-ರಫ್ತು ಉದ್ಯಮಿ ಎಂದು ಪರಿಚಯಿಸಿಕೊಂಡಿದ್ದಾನೆ.

ಪ್ರೀತಿಯ ಬಲೆಯಲ್ಲಿ ಬೀಳಿಸಿದ ನಂತರ ರಿಭವ್ ಆಕೆಗೆ ದೊಡ್ಡ ದೊಡ್ಡ ಆಮಿಷಗಳನ್ನು ಒಡ್ಡಿದ್ದು, “ನನ್ನ ಪತ್ನಿಗೆ ವಿಚ್ಛೇದನ ನೀಡಿ ನಿನ್ನನ್ನು ಮದುವೆಯಾಗುತ್ತೇನೆ, ನೀನು ಡ್ಯಾನ್ಸ್ ಮಾಡುವುದನ್ನು ಬಿಡಬೇಕು, ಅದಕ್ಕೆ ಪ್ರತಿಯಾಗಿ ಪ್ರತಿ ತಿಂಗಳು ₹10 ಲಕ್ಷ ನೀಡುತ್ತೇನೆ” ಎಂದು ಭರವಸೆ ನೀಡಿದ್ದಾನೆ. ಈ ಭರವಸೆಯಂತೆ ಆಗಸ್ಟ್ 2025 ರಿಂದ ಜನವರಿ 2026ರವರೆಗೆ ಪ್ರತಿ ತಿಂಗಳು ₹10 ಲಕ್ಷದಂತೆ ಒಟ್ಟು ₹56 ಲಕ್ಷ ಆಕೆಯ ಖಾತೆಗೆ ಜಮೆ ಮಾಡಿದ್ದಾನೆ.

ಅಷ್ಟೇ ಅಲ್ಲದೆ, ಜುಲೈ 18, 2025ರಂದು ದೆಹಲಿಯ ದ್ವಾರಕಾದಲ್ಲಿ ₹4 ಕೋಟಿ ಮೌಲ್ಯದ ಮನೆ* ಖರೀದಿಸಲು ₹1 ಲಕ್ಷ ಟೋಕನ್ ನೀಡಿದ್ದಾನೆ. ಆ ಮನೆಯಲ್ಲಿ ಹುಡುಗಿ ಕೇವಲ ₹49 ಲಕ್ಷ ಮಾತ್ರ ಪಾವತಿಸಿದ್ದು, ಬಾಕಿ ಹಣವೆಲ್ಲ ರಿಭವ್‌ನದ್ದೇ ಎಂದು ತನಿಖೆಯಲ್ಲಿ ತಿಳಿದುಬಂದಿದೆ. ಆಕೆಯೇ ಹೇಳಿಕೆಯಂತೆ 2026ರ ಜನವರಿ 2ರಿಂದ ಆ ಮನೆಯಲ್ಲೇ ವಾಸವಾಗಿದ್ದಾಳೆ.

ಹಣ ಎಲ್ಲಿಂದ ಬಂತು?

ಸಿಬಿಐ ತನಿಖೆ ಪ್ರಕಾರ, ಸರ್ಕಾರಿ ಖಾತೆಗಳಿಗೆ ಸೇರಬೇಕಿದ್ದ ಹಣವನ್ನು ಅಕ್ರಮವಾಗಿ ವರ್ಗಾವಣೆ ಮಾಡಿ, ಆ ಹಣದಿಂದ ಗೆಳತಿಯ ಐಷಾರಾಮಿ ಪ್ರವಾಸ, ದುಬಾರಿ ಮನೆ ಮತ್ತು ತನ್ನ ಸುಳ್ಳು ಪ್ರತಿಷ್ಠೆಯನ್ನು ಕಾಪಾಡಿಕೊಳ್ಳಲು ಖರ್ಚು ಮಾಡಿದ್ದಾನೆ. ಇದೇ ದುಬಾರಿ ಪ್ರೇಮ ಸಂಬಂಧವೇ ಬ್ಯಾಂಕ್ ಹಗರಣಕ್ಕೆ ಕಾರಣವಾಗಿದೆ.

ಈ 657 ಕೋಟಿ ರೂಪಾಯಿಗಳ ಪ್ರೇಮಕಥೆ ಹಗರಣದ ಮೇಲೆ ಸಿಬಿಐ ಈಗ ತನ್ನ ಹಿಡಿತವನ್ನು ಬಿಗಿಗೊಳಿಸಿದೆ. ಆರೋಪಿ ರಿಭಾವ್‌ನ ಗೆಳತಿ ಸಿಬಿಐನ ಪ್ರಮುಖ ಸಾಕ್ಷಿಯಾಗಿದ್ದಾಳೆ. ಇದಲ್ಲದೆ, ಈ ಪ್ರಕರಣದಲ್ಲಿ ಐಎಎಸ್ ಅಧಿಕಾರಿ ಪಂಕಜ್ ಅಗರ್ವಾಲ್ ಕೂಡ ಆರೋಪಿಯಾಗಿದ್ದು, ಅವರ ಇಲಾಖೆಗಳಿಂದ ₹60.54 ಕೋಟಿ ದುರುಪಯೋಗಪಡಿಸಿಕೊಂಡ ಆರೋಪವಿದೆ. ರಿಭಾವ್ ಶೆಲ್ ಕಂಪನಿಗಳ ಮೂಲಕ ತಮ್ಮ ಮತ್ತು ಅವರ ಪತ್ನಿಯ ಖಾತೆಗಳಿಗೆ ಕೋಟ್ಯಂತರ ರೂಪಾಯಿಗಳನ್ನು ಹೇಗೆ ವರ್ಗಾಯಿಸಿದರು ಮತ್ತು ಡಜನ್‌ಗಟ್ಟಲೆ ವಂಚನೆಯ ವಹಿವಾಟುಗಳನ್ನು ನಡೆಸಲು ಯಾವ ಸರ್ಕಾರಿ ಖಾತೆಗಳನ್ನು ಬಳಸಲಾಯಿತು ಎಂಬುದರ ಕುರಿತು ಸಿಬಿಐ ಪ್ರಸ್ತುತ ತನಿಖೆ ನಡೆಸುತ್ತಿದೆ.