ಕೈಪನಡ್ಕ ಬಳಿ ಪ್ರವಾಸಿಗರು, ಸ್ಥಳೀಯರ ನಡುವೆ ಗಲಾಟೆ, ಕೇಸು ದಾಖಲು

ಕಡಬ: ಕೈಪನಡ್ಕದಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಗಲಾಟೆ ನಡೆಸಿ, ಸಂಚಾರಕ್ಕೆ ಅಡ್ಡಿಪಡಿಸಿದ ಆರೋಪದಲ್ಲಿ ನಾಲ್ವರ ವಿರುದ್ಧ ಕಡಬ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Sponsored

ಆಂಧ್ರಪದೇಶ ಮೂಲದ ಯಾತ್ರಾರ್ಥಿಗಳು ಕೈಪನಡ್ಕದ ರಸ್ತೆ ಬದಿಯಲ್ಲಿರುವ ತೋಟದಲ್ಲಿನ ಅಡಕೆ ಹಾಗೂ ತೆಂಗಿನ ಗಿಡಗಳನ್ನು ಕಿತ್ತುಕೊಂಡಿದ್ದಾರೆ. ಇದಕ್ಕೆ ಕುರಿತಂತೆ ಸ್ಥಳೀಯರಾದ ಮೇಹಿ ಜಾರ್ಜ್‌ ಹಾಗೂ ಜಾನ್ಸನ್‌ ಎಂಬುವವರು ತಡೆದ ಸಂದರ್ಭದಲ್ಲಿ ಮಾತಿನ ಚಕಮಕಿ ನಡೆದು ಗಲಾಟೆ ನಡೆದಿದೆ.

ರಸ್ತೆಯಲ್ಲಿ ವಾಹನಗಳ ಸುಗಮ ಸಂಚಾರಕ್ಕೆ ಅಡ್ಡಿಯಾಗಿ ಸಾರ್ವಜನಿಕರಿಗೆ ತೊಂದರೆ ಉಂಟಾಗುತ್ತಿದ್ದ ಹಿನ್ನಲೆಯಲ್ಲಿ ಸ್ಥಳಕ್ಕೆ ತೆರಳಿದ ಪೊಲೀಸರು ಮೇಹಿ ಜಾರ್ಜ್‌, ಜಾನ್ಸನ್‌, ಆಂಧ್ರಪ್ರದೇಶದ ರಾಜಾಪಳ್ಳಿ ಹರ್ಷವರ್ಧನ ಹಾಗೂ ಕುಡೂರು ಯೋಗಾನಂದ ಅಲಿಯಾಸ್‌ ರಾಮಚಂದ್ರ ಎಂಬುವವರ ವಿರುದ್ಧ ಕಡಬ ಪೊಲೀಸ್‌ ಠಾಣೆಯಲ್ಲಿ ಪ್ರಕರನ ದಾಖಲಿಸಿದ್ದಾರೆ.