ಮಂಗಳೂರು: ಸಂತೆಯಲ್ಲಿ ಚಿನ್ನದ ಸರ ಕದ್ದೊಯ್ದ ಕಳ್ಳರು

ಸುರತ್ಕಲ್‌: ಸುರತ್ಕಲ್‌ನ ಸಂತೆ ಮಾರುಕಟ್ಟೆ ನಡೆಯುತ್ತಿದ್ದ ಸ್ಥಳದಲ್ಲಿ ಸಾಮಾನು ಖರೀದಿ ಮಾಡಲು ಬಂದ ಮಹಿಳೆಯ ಕುತ್ತಿಗೆಯಲ್ಲಿದ್ದ ಚಿನ್ನದ ಸರವನ್ನು ಬೈಕಿನಲ್ಲಿ ಬಂದ ಕಳ್ಳರು ಎಳೆದೊಯ್ದ ಘಟನೆ ಬುಧವಾರ ನಡೆದಿದೆ.

Sponsored

ಎನ್‌ಎಂಪಿಎ ಕಾಲೋನಿ ಬಳಿಯ ನಿವಾಸಿ ಛತ್ತೀಸ್‌ಗಢ ಮೂಲದ ಶುಭಾ ಶಹಾ (48) ಚಿನ್ನದ ಸರ ಕಳೆದುಕೊಂಡ ಮಹಿಳೆ. 26 ಗ್ರಾಂ ತೂಕದ ಸರದ ಮೌಲ್ಯ ಅಂದಾಜು ಮೂವರೆ ಲಕ್ಷ ಎಂದು ಅಂದಾಜಿಸಲಾಗಿದೆ. ಬೀದರ್‌ನಲ್ಲಿ ರೈಲ್ವೆ ಸ್ಟೇಷನ್‌ ಮಾಸ್ಟರ್‌ ಆಗಿರುವ ಬಿಪಿನ್‌ ಶಹಾ ಅವರ ಪತ್ನಿಯಾಗಿರುವ ಇವರು ಎನ್‌ಐಟಿಕೆಯಲ್ಲಿ ಕಲಿಯುವ ಪುತ್ರ ಅಪಘಾತದಲ್ಲಿ ಗಾಯಗೊಂಡ ಕಾರಣ ಸುರತ್ಕಲ್‌ಗೆ ಬಂದಿದ್ದರು.

ಸುರತ್ಕಲ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.