ಮಂಜೇಶ್ವರ: ಪ್ರಿಯಕರನ ಹುಡುಕಿಕೊಂಡು ಉಪ್ಪಳಕ್ಕೆ ಬಂದ ಛತ್ತೀಸ್ಗಢ ಯುವತಿ

ಮಂಜೇಶ್ವರ: ಪ್ರಿಯಕರನನ್ನು ಹುಡುಕಿಕೊಂಡು ಉಪ್ಪಳಕ್ಕೆ ಬಂದಿದ್ದ ಛತ್ತೀಸ್‌ಗಢ ಮೂಲದ 19 ವರ್ಷದ ಯುವತಿಯನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ.

Sponsored

ಉಪ್ಪಳದ ಹೋಟೆಲೊಂದರಲ್ಲಿ ಕೆಲಸ ಮಾಡುತ್ತಿದ್ದ ಪ್ರಿಯಕರನನ್ನು ಹುಡುಕಿಕೊಂಡು ಯುವತಿ ಒಂದು ವಾರದ ಹಿಂದೆ ಇಲ್ಲಿಗೆ ಬಂದಿದ್ದಳು. ನಂತರ ಒಟ್ಟಿಗೆ ವಾಸಿಸುತ್ತಿದ್ದರು ಎನ್ನಲಾಗಿದೆ.

ಇತ್ತ ಕಡೆ ಯುವತಿ ಮನೆ ಮಂದಿ ಮಗಳು ನಾಪತ್ತೆಯಾಗಿದ್ದಾಳೆ ಎಂದು ಪೊಲೀಸರಿಗೆ ದೂರು ನೀಡಿದ್ದಾರೆ. ಹಾಗಾಗಿ ಛತ್ತೀಸ್‌ಗಢ ಪೊಲೀಸರು ಉಪ್ಪಳಕ್ಕೆ ಆಗಮಿಸಿ ಯುವತಿಯನ್ನು ಪತ್ತೆಹಚ್ಚಿದರು. ಆದರೆ ಪೊಲೀಸರ ಜೊತೆ ಒಬ್ಬಳೇ ತೆರಳಲು ಯುವತಿ ನಿರಾಕರಿಸಿದ ಕಾರಣ ಯುವತಿ ಮತ್ತು ಆಕೆಯ ಪ್ರಿಯಕರನೊಂದಿಗೆ ಛತ್ತೀಸ್‌ಗಢ ಪೊಲೀಸರು ಹಿಂದಿರುಗಿದ್ದಾರೆ.