ಹಳೇ ಬಿಲ್ಡಿಂಗ್ ಖರೀದಿದಾರರಿಗೆ ಸಿಹಿ ಸುದ್ದಿ | ಸವಕಳಿ ದರ ಪರಿಷ್ಕರಣೆಗೆ ನಿರ್ಧಾರ.

ಕಟ್ಟಡಗಳು ಸಮಯ ಕಳೆಯುತ್ತಿದ್ದಂತೆ ತನ್ನ ಬಲವನ್ನು ಕಳೆದು ಕೊಳ್ಳುತ್ತಿರುತ್ತದೆ. ಹಾಗೆಯೇ ವರ್ಷದಿಂದ ವರ್ಷಕ್ಕೆ ಹಳೆಯದಾಗುವ ಕಟ್ಟಡಗಳಿಗೆ ನಿಗದಿ ಮಾಡುವ ಸವಕಳಿ ದರ ಕೂಡ ಕಡಿಮೆಯಾಗುತ್ತದೆ. ಸರ್ಕಾರವು ದರ ಪರಿಷ್ಕರಣೆಗೆ ಮುಂದಾಗಿದ್ದು, ಹಳೆಯ ಕಟ್ಟಡಗಳ ಖರೀದಿದಾರರಿಗೆ ಖುಷಿ ಸುದ್ದಿ ನೀಡಿದೆ. ಅಂದರೆ ಹಳೆಯ ಕಟ್ಟಡವನ್ನು ಖರೀದಿ ಮಾಡುವಾಗ ಯಾವುದೇ ಕಟ್ಟಡ ಹಳೆಯದಾದಂತೆ ಅದರ ಮೌಲ್ಯ ಕಡಿಮೆಯಾಗುತ್ತ ಹೋಗಬೇಕು ಎಂಬುದು ನಿಯಮ ಆದರೆ, ಪ್ರಸ್ತುತ ಸವಕಳಿ ದರ ಸರಿಯಾಗಿ ಪಾಲನೆಯಾಗುತ್ತಿಲ್ಲ. ಆದ್ದರಿಂದಲೇ ಸರ್ಕಾರ ದರ ಪರಿಷ್ಕರಣೆಗೆ ಮುಂದಾಗಿದೆ. ಸರ್ಕಾರವು ಈ ಬಗೆಗಿನ ಮಾಹಿತಿಯನ್ನು ತಿಳಿಸಿದೆ.
ಹಾಗಿದ್ದರೆ ಏನಿದು ದರ ಪರಿಷ್ಕರಣೆ ನಿರ್ಧಾರ! ಬನ್ನಿ ತಿಳಿಯೋಣ.

Sponsored

ಕಟ್ಟಡ ಸವಕಳಿ ವರ್ಷದ ಮಿತಿ ಎಂದರೆ ಏನು?

ಈಗ ಯಾವುದೇ ಸರಕುಗಳ ಗುಣಮಟ್ಟ ದಿನದಿಂದ ದಿನಕ್ಕೆ ವೇಗವಾಗಿ ಕಡಿಮೆಯಾಗುತ್ತಿದೆ. ರಾಜ್ಯದಲ್ಲಿ ಈಗ ಕಟ್ಟಡಗಳ ಸವಕಳಿ ವಯಸ್ಸು 60 ವರ್ಷಕ್ಕೆ ನಿಗದಿಯಾಗಿದೆ. ವಿದೇಶಿ ಸಂಸ್ಥೆಯ ಅಧ್ಯಯನದ ಪ್ರಕಾರವಾಗಿ ಸಿಮೆಂಟ್ ಮತ್ತು ಕಬ್ಬಿಣದ ಆಯಸ್ಸು 60 ವರ್ಷ ಎಂಬ ಕಾರಣಕ್ಕೆ ಅಷ್ಟು ವರ್ಷಗಳಿಗೆ ನಿಗದಿಯಾಗಿದೆ. ಯಾವ ವರ್ಷ ಎಷ್ಟು ಪ್ರಮಾಣದಲ್ಲಿ ದರ ಕಡಿಮೆಯಾಗುತ್ತ ಹೋಗಬೇಕು ಎಂಬುದನ್ನು ಸಹ ನಿರ್ಧರಿಸಲಾಗಿದೆ. ಆದರೆ, ಸರ್ಕಾರ ಸವಕಳಿ ವರ್ಷವನ್ನು ಕಡಿಮೆ ಮಾಡುವ ಉದ್ದೇಶ ಹೊಂದಿದೆ. ಕಂದಾಯ ಇಲಾಖೆಯಿಂದ ಲಭ್ಯ ಮಾಹಿತಿಯ ಪ್ರಕಾರ ಕಟ್ಟಡದ ಆಯಸ್ಸನ್ನು 30 ವರ್ಷಗಳಿಗೆ ಇಳಿಕೆ ಮಾಡಬೇಕು ಎಂಬ ಬಗ್ಗೆ ಚರ್ಚೆ ನಡೆದಿದೆ.

ಪರಿಷ್ಕರಣೆ ದರ ನಿಗದಿ ಎಷ್ಟು?

ದರ ನಿಗದಿ ಮಾಡಲು ಲೋಕೋಪಯೋಗಿ ಇಲಾಖೆ ಮತ್ತು ಆದಾಯ ತೆರಿಗೆ ಇಲಾಖೆಗಳಲ್ಲಿ ಕಟ್ಟಡದ ಸವಕಳಿಯನ್ನು ಲೆಕ್ಕ ಹಾಕುವ ಪದ್ಧತಿ ಇದೆ. ಅಂದರೆ ಸರ್ಕಾರ ಎರಡೂ ಕಡೆಯಿಂದ ಮಾಹಿತಿ ಪಡೆದಿದೆ. ಆದಾಯ ತೆರಿಗೆ ಇಲಾಖೆಯದ್ದು ಸ್ವಲ್ಪ ಕ್ಲಿಷ್ಟ ಇರುವುದರಿಂದ ಲೋಕೋಪಯೋಗಿ ಇಲಾಖೆಯ ದರವನ್ನೇ ಪರಿಷ್ಕರಿಸಿ ಜಾರಿಗೆ ತರಲು ನಿರ್ಧರಿಸಲಾಗಿದೆ ಎಂದು ಮೂಲಗಳು ಖಚಿತಪಡಿಸಿವೆ.

ವರದಿಯ ಪ್ರಕಾರ ಏನು ಹೇಳುತ್ತೆ?

ಲೋಕೋಪಯೋಗಿ ಇಲಾಖೆ ಲೆಕ್ಕ ಹಾಕಿ ಕೊಡುವ ವರದಿಯನ್ನು ಆಧರಿಸಿ ನಿಯಮಗಳನ್ನು ಪರಿಷ್ಕರಣೆ ಮಾಡಿ ಸಚಿವ ಸಂಪುಟದ ಮುಂದೆ ಮಂಡಿಸಿ ಒಪ್ಪಿಗೆ ಪಡೆದು ಹೊಸ ದರಗಳನ್ನು ಜಾರಿಗೆ ತರಲಾಗುತ್ತದೆ. ಪ್ರಸ್ತುತ ಸವಕಳಿ ದರವನ್ನು 30 ವರ್ಷಕ್ಕೆ ಶೂನ್ಯಕ್ಕೆ ಬರುವ ರೀತಿಯಲ್ಲಿ ಪರಿಷ್ಕರಣೆ ಮಾಡಿ ವರದಿ ನೀಡುವಂತೆ ಸರ್ಕಾರ ಸೂಚನೆ ನೀಡಿದೆ.

ದರ ಪರಿಷ್ಕರಣೆಗೆ ಕಾರಣಗಳು ಯಾವುದು?

ಹಳೆಯ ಕಟ್ಟಡಗಳ ನೋಂದಣಿಯ ಸಂದರ್ಭದಲ್ಲಿ ಸವಕಳಿ ದರವನ್ನು ಸರಿಯಾಗಿ ಲೆಕ್ಕ ಹಾಕುತ್ತಿಲ್ಲ ಎಂಬ ದೂರುಗಳು ಸಾಮಾನ್ಯವಾಗಿವೆ. ಈಗ ಸವಕಳಿ ದರಗಳನ್ನು 60 ವರ್ಷಕ್ಕೆ ಲೆಕ್ಕ ಹಾಕಲಾಗುತ್ತಿದೆ. ಈ ಕಾರಣವಾಗಿ ಕಂದಾಯ ಸಚಿವ ಆರ್. ಅಶೋಕ್ ಹೊಸ ಪ್ರಯತ್ನಕ್ಕೆ ಮುಂದಾಗಿದ್ದಾರೆ.

ವರದಿ ಯಾವಾಗ ಬರಬಹುದು ?

ಆದಷ್ಟು ಶೀಘ್ರದಲ್ಲಿ ಅಂದರೆ ಅಕ್ಟೋಬರ್ ಕೊನೆಯ ವಾರದೊಳಗೆ ವರದಿ ಬರಬಹುದೆಂದು ನಿರೀಕ್ಷೆ ಮಾಡಲಾಗುತ್ತಿದೆ. ವರದಿ ಬಂದ ನಂತರವಷ್ಟೇ ಮುಂದಿನ ಕ್ರಮಗಳನ್ನು ಸರ್ಕಾರ ಜರುಗಿಸಲಿದೆ. ಹದಿನೈದು ದಿನಗಳಲ್ಲಿ ಪರಿಷ್ಕೃತ ದರಗಳ ವರದಿ ನೀಡುವಂತೆ ಲೋಕೋಪಯೋಗಿ ಇಲಾಖೆಗೆ ಸರ್ಕಾರ ಸೂಚನೆ ನೀಡಿದೆ. ಹಳೆಯದಾದ ಕಟ್ಟಡಗಳಿಗೆ ಐವತ್ತು ವರ್ಷವಾದರೂ ಮಾರುಕಟ್ಟೆ ಮೌಲ್ಯ ಲೆಕ್ಕ ಹಾಕುತ್ತ ಕೂರುವುದು ಸರಿಯಲ್ಲ. ಮೂವತ್ತು ವರ್ಷದ ನಂತರ ಕಟ್ಟಡ ಮೌಲ್ಯ ಲೆಕ್ಕ ಹಾಕಬಾರದು. ಆದ್ದರಿಂದ ಸವಕಳಿ ದರ ಪರಿಷ್ಕರಣೆಗೆ ನಿರ್ಧರಿಸಲಾಗಿದೆ. ಆದಾಯ ತೆರಿಗೆ ಮತ್ತು ಲೋಕೋಪಯೋಗಿ ಇಲಾಖೆಯ ಪದ್ಧತಿ ಅಧ್ಯಯನ ಮಾಡಿದ ನಂತರ ಲೋಕೋಪಯೋಗ ಇಲಾಖೆಯ ದರಗಳನ್ನೇ ಪರಿಷ್ಕರಣೆ ಮಾಡಿ ವರದಿ ನೀಡಲು ಸೂಚನೆ ನೀಡಲಾಗಿದೆ.

ಪರಿಷ್ಕರಣೆ ಯಾವ ರೀತಿಯಲ್ಲಿ ಮತ್ತು ಎಷ್ಟು ವಿಧಗಳಾಗಿ ತಾಳೆ ಹಾಕಲಾಗುವುದು?

ಕಟ್ಟಡಗಳನ್ನು ಐದು ರೀತಿಯಲ್ಲಿ ವಿಂಗಡಿಸಿ ವರ್ಷದ ಲೆಕ್ಕದಲ್ಲಿ ಸವಕಳಿ ದರ ನಿಗದಿ ಮಾಡಲಾಗುತ್ತದೆ.

1.ಇಟ್ಟಿಗೆ ಸಿಮೆಂಟ್ ಜತೆಗೆ ತೇಗದ ಮರ ಹೆಚ್ಚು ಬಳಕೆ ಮಾಡಿದ್ದರೆ ಶೇ.1;

2.ಇಟ್ಟಿಗೆ, ಸಿಮೆಂಟ್ ಗಾರೆಯ ಜತೆಗೆ ಸ್ವಲ್ಪ ಪ್ರಮಾಣದಲ್ಲಿ ತೇಗ ಬಳಸಿದ್ದರೆ ಶೇ.1.5;

3.ಇಟ್ಟಿಗೆ, ಸಿಮೆಂಟ್ ಜತೆಗೆ ಸ್ಥಳೀಯ ಮರ ಬಳಕೆ ಮಾಡಿದ್ದರೆ ಶೇ.2;

4.ಮಣ್ಣು, ಕಡಿಮೆ ಬೆಲೆಯ ಮರ ಬಳಕೆ ಮಾಡಿದ್ದರೆ ಶೇ.5;

5.ಆರ್‌ಸಿಸಿ ಹಾಕಿರುವ ಮನೆಗಳಾದರೆ ಶೇ.0.75.

ಹಾಗಿದ್ದರೆ ಕಟ್ಟಡ ಬೆಲೆಗೆ ನಿರ್ಣಾಯಕ ಹೇಗೆ?

ಭೂಮಿಯ ಬೆಲೆ, ಕಟ್ಟಡದ ಆಯಸ್ಸು ಮತ್ತು ಸವಕಳಿ ದರದ ಮೇಲೆ ಕಟ್ಟಡದ ಬೆಲೆಯನ್ನು ಅಂದಾಜು ಮಾಡುವ ಮೂಲಕ ನಿರ್ಧರಿಸಲಾಗುತ್ತದೆ ಎನ್ನಲಾಗಿದೆ.

ಪರಿಷ್ಕರಣೆ ದರ ನಿಯಮದ ಅನುಕೂಲ:

• ಹಳೆಯ ಕಟ್ಟಡಗಳನ್ನು ಖರೀದಿಸುವವರಿಗೆ ಅನುಕೂಲ.
• ನೋಂದಣಿ ಸಂದರ್ಭದಲ್ಲಿ ಮಾರುಕಟ್ಟೆ ಮೌಲ್ಯ ಲೆಕ್ಕ ಹಾಕುವುದು ತಪುಪತ್ತದೆ.
• 30 ವರ್ಷದ ನಂತರ ನಿವೇಶನದ ಬೆಲೆ ಮಾತ್ರ ಉಳಿಯುತ್ತದೆ.
• ಸವಕಳಿ ಭೀತಿಯಲ್ಲಿ ಬಿಲ್ಡರ್‌ಗಳು ಮನೆಗಳ ತ್ವರಿತ ಮಾರಾಟ ಮುಂದಾಗುತ್ತಾರೆ.

ಪರಿಷ್ಕರಣೆ ದರ ನಿಯಮದ ಅನಾನುಕೂಲ :

• ಮನೆ ಮಾರಾಟ ಮಾಡುವವರಿಗೆ ಕಷ್ಟವಾಗುತ್ತದೆ.
• ನಿವೇಶನದ ಬೆಲೆ ಮಾತ್ರ ಲಭ್ಯವಾಗುತ್ತದೆ.
• ಮತ್ತೆ ಬೇರೆ ಕಡೆ ಕಟ್ಟಡ ಖರೀದಿಗೆ ಹಣ ತೆರಬೇಕಾಗುತ್ತದೆ.

ಈ ರೀತಿಯಾಗಿ ಕಟ್ಟಡ ಸವಕಳಿ ವರ್ಷದ ಮಿತಿಯನ್ನು, ದರ ನಿಗದಿ ಎಷ್ಟು ಮತ್ತು ಸರ್ಕಾರದ ವರದಿಯ ಪ್ರಕಾರ ಏನು ಹೇಳುತ್ತೆ, ಪರಿಷ್ಕರಣೆ ಯಾವ ರೀತಿಯಲ್ಲಿ ಮತ್ತು ಎಷ್ಟು ವಿಧಗಳಾಗಿ ತಾಳೆ ಹಾಕಲಾಗುವುದು ಜೊತೆಗೆ ನಿರ್ಣಾಯಕಗಳು ಹೇಗೆ, ಇದರಿಂದ ಆಗುವ ಅನುಕೂಲ ಮತ್ತು ಅನಾನುಕೂಲವನ್ನು ವಿಸ್ತಾರವಾಗಿ ಜನತೆಗೆ ಸರ್ಕಾರವು ತಿಳಿಸಿದೆ.